헬라어 문장 검색 - Διοδορ́Λιβραρψ́5́08́

(디오도로스 시켈로스, Library, book xii, chapter 10)

τῶν δὲ Κροτωνιατῶν διὰ τὴν ὀργὴν ζωγρεῖν μὲν μηδένα βουληθέντων, πάντασ δὲ κατὰ τὴν φυγὴν τοὺσ ὑποπεσόντασ ἀποκτεινόντων, οἱ πλείουσ κατεκόπησαν· τὴν δὲ πόλιν διήρπασαν καὶ παντελῶσ ἔρημον ἐποίησαν. ὕστερον δὲ ἔτεσιν ὀκτὼ πρὸσ τοῖσ πεντήκοντα Θετταλοὶ συνῴκισαν, καὶ μετ’ ὀλίγον ὑπὸ Κροτωνιατῶν ἐξέπεσον κατὰ τοὺσ ὑποκειμένουσ καιρούσ.

καὶ μετὰ βραχὺ μετασταθεῖσα εἰσ ἕτερον τόπον προσηγορίασ ἑτέρασ ἔτυχε, κτιστῶν γενομένων Λάμπωνοσ καὶ Ξενοκρίτου τοῦτον τὸν τρόπον.

οἱ γὰρ τὸ δεύτερον ἐκπεσόντεσ ἐκ τῆσ πατρίδοσ Συβαρῖται πρέσβεισ ἔπεμψαν εἰσ τὴν Ἑλλάδα πρὸσ Λακεδαιμονίουσ καὶ Ἀθηναίουσ, ἀξιοῦντεσ συνεπιλαβέσθαι τῆσ καθόδου καὶ κοινωνῆσαι τῆσ ἀποικίασ. Λακεδαιμόνιοι μὲν οὖν οὐ προσέσχον αὐτοῖσ, Ἀθηναῖοι δὲ συμπράξειν ἐπαγγειλάμενοι, δέκα ναῦσ πληρώσαντεσ ἀπέστειλαν τοῖσ Συβαρίταισ, ὧν ἡγεῖτο Λάμπων τε καὶ Ξενόκριτοσ·

ἐκήρυξαν δὲ κατὰ τὰσ ἐν Πελοποννήσῳ πόλεισ κοινοποιούμενοι τὴν ἀποικίαν τῷ βουλομένῳ μετέχειν τῆσ ἀποικίασ. ὑπακουσάντων δὲ πολλῶν καὶ λαβόντων χρησμὸν παρὰ τοῦ Ἀπόλλωνοσ, ὅτι δεῖ κτίσαι πόλιν αὐτοὺσ ἐν τούτῳ τῷ τόπῳ, ὅπου μέλλουσιν οἰκεῖν μέτρῳ ὕδωρ πίνοντεσ, ἀμετρὶ δὲ μᾶζαν ἔδοντεσ, κατέπλευσαν εἰσ τὴν Ἰταλίαν, καὶ καταντήσαντεσ εἰσ τὴν Σύβαριν ἐζήτουν τὸν τόπον, ὃν ὁ θεὸσ ἦν προστεταχὼσ κατοικεῖν.

εὑρόντεσ δὲ οὐκ ἄπωθεν τῆσ Συβάρεωσ κρήνην ὀνομαζομένην Θουρίαν, ἔχουσαν αὐλὸν χάλκεον, ὃν ἐκάλουν οἱ ἐγχώριοι μέδιμνον, νομίσαντεσ εἶναι τοῦτον τὸν τόπον τὸν δηλούμενον ὑπὸ τοῦ θεοῦ περιέβαλον τεῖχοσ, καὶ κτίσαντεσ πόλιν ὠνόμασαν ἀπὸ τῆσ κρήνησ Θούριον.

τὴν δὲ πόλιν διελόμενοι κατὰ μὲν μῆκοσ εἰσ τέτταρασ πλατείασ, ὧν καλοῦσι τὴν μὲν μίαν Ἡράκλειαν, τὴν δὲ Ἀφροδισίαν, τὴν δὲ Ὀλυμπιάδα, τὴν δὲ Διονυσιάδα, κατὰ δὲ τὸ πλάτοσ διεῖλον εἰσ τρεῖσ πλατείασ, ὧν ἡ μὲν ὠνομάσθη Ἡρῴα, ἡ δὲ Θουρία, ἡ δὲ Θουρῖνα.

τούτων δὲ τῶν στενωπῶν πεπληρωμένων ταῖσ οἰκίαισ ἡ πόλισ ἐφαίνετο καλῶσ κατεσκευάσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 10

(디오도로스 시켈로스, Library, book xii, chapter 10)

상위

목록

SEARCH

MENU NAVIGATION