헬라어 문장 검색 - Διοδορ́Λιβραρψ́5́07́

(디오도로스 시켈로스, Library, book xii, chapter 8)

κατὰ δὲ τὴν Σικελίαν Συρακοσίοισ πρὸσ Ἀκραγαντίνουσ συνέστη πόλεμοσ διὰ τοιαύτασ αἰτίασ. Συρακόσιοι καταπολεμήσαντεσ Δουκέτιον δυνάστην τῶν Σικελῶν, καὶ γενόμενον ἱκέτην ἀπολύσαντεσ τῶν ἐγκλημάτων, ἀπέδειξαν αὐτῷ τὴν τῶν Κορινθίων πόλιν οἰκητήριον. οὗτοσ δὲ ὀλίγον χρόνον μείνασ ἐν τῇ Κορίνθῳ τὰσ ὁμολογίασ ἔλυσε, καὶ προσποιησάμενοσ χρησμὸν ὑπὸ θεῶν αὐτῷ δεδόσθαι κτίσαι τὴν Καλὴν Ἀκτὴν ἐν τῇ Σικελίᾳ, κατέπλευσεν εἰσ τὴν νῆσον μετά τινων οἰκητόρων·

συνεπελάβοντο δὲ καὶ τῶν Σικελῶν τινεσ, ἐν οἷσ ἦν καὶ Ἀρχωνίδησ ὁ τῶν Ἑρβιταίων δυναστεύων. οὗτοσ μὲν οὖν περὶ τὸν οἰκισμὸν τῆσ Καλῆσ Ἀκτῆσ ἐγίνετο. Ἀκραγαντῖνοι δὲ ἅμα μὲν φθονοῦντεσ τοῖσ Συρακοσίοισ, ἅμα δ’ ἐγκαλοῦντεσ αὐτοῖσ ὅτι Δουκέτιον ὄντα κοινὸν πολέμιον διέσωσαν ἄνευ τῆσ Ἀκραγαντίνων γνώμησ, πόλεμον ἐξήνεγκαν τοῖσ Συρακοσίοισ.

σχιζομένων δὲ τῶν Σικελικῶν πόλεων, καὶ τῶν μὲν τοῖσ Ἀκραγαντίνοισ, τῶν δὲ τοῖσ Συρακοσίοισ συστρατευόντων, ἠθροίσθησαν παρ’ ἀμφοτέροισ δυνάμεισ ἀξιόλογοι.

φιλοτιμίασ δὲ μεγάλησ γενομένησ ταῖσ πόλεσιν, ἀντεστρατοπέδευσαν ἀλλήλοισ περὶ τὸν Ἱμέραν ποταμόν, καὶ γενομένησ παρατάξεωσ ἐνίκησαν οἱ Συρακόσιοι, καὶ τῶν Ἀκραγαντίνων ἀνεῖλον ὑπὲρ τοὺσ χιλίουσ. μετὰ δὲ τὴν μάχην διαπρεσβευσαμένων περὶ συνθέσεωσ τῶν Ἀκραγαντίνων, οἱ Συρακόσιοι συνέθεντο τὴν εἰρήνην. καὶ τὰ μὲν κατὰ τὴν Σικελίαν ἐν τούτοισ ἦν.

κατὰ δὲ τὴν Ἰταλίαν συνέβη κτισθῆναι τὴν τῶν Θουρίων πόλιν δι’ αἰτίασ τοιαύτασ. ἐν τοῖσ ἔμπροσθεν χρόνοισ Ἑλλήνων κτισάντων κατὰ τὴν Ἰταλίαν πόλιν Σύβαριν, συνέβη ταύτην λαβεῖν ταχεῖαν αὔξησιν διὰ τὴν ἀρετὴν τῆσ χώρασ. κειμένησ γὰρ ἀνὰ μέσον δυεῖν ποταμῶν, τοῦ τε Κράθιοσ καὶ τοῦ Συβάριοσ, ἀφ’ οὗ ταύτησ ἔτυχε τῆσ προσηγορίασ, οἱ κατοικισθέντεσ νεμόμενοι πολλὴν καὶ καρποφόρον χώραν μεγάλουσ ἐκτήσαντο πλούτουσ.

πολλοῖσ δὲ μεταδιδόντεσ τῆσ πολιτείασ ἐπὶ τοσοῦτο προέβησαν, ὥστε δόξαι πολὺ προέχειν τῶν κατὰ τὴν Ἰταλίαν οἰκούντων, πολυανθρωπίᾳ τε τοσοῦτο διήνεγκαν, ὥστε τὴν πόλιν ἔχειν πολιτῶν τριάκοντα μυριάδασ. γενόμενοσ δὲ παρ’ αὐτοῖσ δημαγωγὸσ Τῆλυσ, καὶ κατηγορῶν τῶν μεγίστων ἀνδρῶν, ἔπεισε τοὺσ Συβαρίτασ φυγαδεῦσαι τοὺσ εὐπορωτάτουσ τῶν πολιτῶν πεντακοσίουσ καὶ τὰσ οὐσίασ αὐτῶν δημεῦσαι. τῶν δὲ φυγάδων παρελθόντων εἰσ Κρότωνα καὶ καταφυγόντων ἐπὶ τοὺσ εἰσ τὴν ἀγορὰν βωμούσ, ὁ μὲν Τῆλυσ ἐξέπεμψε πρεσβευτὰσ πρὸσ τοὺσ Κροτωνιάτασ, οἷσ ἦν προστεταγμένον ἢ τοὺσ φυγάδασ ἐκδοῦναι ἢ πόλεμον προσδέχεσθαι.

συναχθείσησ δὲ ἐκκλησίασ καὶ προτεθείσησ βουλῆσ, πότερον χρὴ τοὺσ ἱκέτασ ἐκδοῦναι τοῖσ Συβαρίταισ ἢ πόλεμον ὑπομεῖναι πρὸσ δυνατωτέρουσ, ἀπορουμένησ τε τῆσ συγκλήτου καὶ τοῦ δήμου, τὸ μὲν πρῶτον ἔρρεπε ταῖσ γνώμαισ τὸ πλῆθοσ πρὸσ τὴν ἀπόδοσιν τῶν ἱκετῶν διὰ τὸν πόλεμον·

μετὰ δὲ ταῦτα Πυθαγόρου τοῦ φιλοσόφου συμβουλεύσαντοσ σώζειν τοὺσ ἱκέτασ, μετέπεσον ταῖσ γνώμαισ καὶ τὸν πόλεμον ὑπὲρ τῆσ τῶν ἱκετῶν σωτηρίασ ἀνείλοντο. στρατευσάντων δ’ ἐπ’ αὐτοὺσ τῶν Συβαριτῶν τριάκοντα μυριάσιν ἀντετάχθησαν οἱ Κροτωνιᾶται δέκα μυριάσι, Μίλωνοσ τοῦ ἀθλητοῦ ἡγουμένου καὶ διὰ τὴν ὑπερβολὴν τῆσ τοῦ σώματοσ ῥώμησ πρώτου τρεψαμένου τοὺσ καθ’ αὑτὸν τεταγμένουσ.

ὁ γὰρ ἀνὴρ οὗτοσ, ἑξάκισ Ὀλύμπια νενικηκὼσ καὶ τὴν ἀλκὴν ἀκόλουθον ἔχων τῇ κατὰ τὸ σῶμα φύσει, λέγεται πρὸσ τὴν μάχην ἀπαντῆσαι κατεστεφανωμένοσ μὲν τοῖσ Ὀλυμπικοῖσ στεφάνοισ, διεσκευασμένοσ δὲ εἰσ Ἡρακλέουσ σκευὴν λεοντῇ καὶ ῥοπάλῳ·

αἴτιον δὲ γενόμενον τῆσ νίκησ θαυμασθῆναι παρὰ τοῖσ πολίταισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 8

(디오도로스 시켈로스, Library, book xii, chapter 8)

상위

목록

SEARCH

MENU NAVIGATION