헬라어 문장 검색 - Διοδορ́Λιβραρψ́5́02́

(디오도로스 시켈로스, Library, book xii, chapter 1)

δικαίωσ ἄν τισ ἀπορήσειε τὸν νοῦν ἐπιστήσασ τῇ κατὰ τὸν ἀνθρώπινον βίον ἀνωμαλίᾳ· οὔτε γὰρ τῶν νομιζομένων ἀγαθῶν οὐδὲν ὁλόκληρον εὑρίσκεται δεδομένον τοῖσ ἀνθρώποισ οὔτε τῶν κακῶν αὐτοτελὲσ ἄνευ τινὸσ εὐχρηστίασ. τούτου δὲ τὰσ ἀποδείξεισ ἐξέσται λαμβάνειν ἐπιστήσαντασ τὴν διάνοιαν ταῖσ προγεγενημέναισ πράξεσι, καὶ μάλιστα ταῖσ μεγίσταισ. ἡ γὰρ Ξέρξου τοῦ Περσῶν βασιλέωσ ἐπὶ τὴν Ἑλλάδα στρατεία διὰ τὸ μέγεθοσ τῶν δυνάμεων τὸν μέγιστον ἐπέστησε φόβον τοῖσ Ἕλλησιν, ὡσ ἂν ὑπὲρ ἀνδραποδισμοῦ μελλόντων πολεμεῖν, καὶ προκαταδεδουλωμένων τῶν κατὰ τὴν Ἀσίαν Ἑλληνίδων πόλεων πάντεσ ὑπέλαβον καὶ τὰσ κατὰ τὴν Ἑλλάδα τῆσ ὁμοίασ τύχησ πειράσεσθαι.

τοῦ δὲ πολέμου παρὰ τὴν προσδοκίαν τὸ τέλοσ λαβόντοσ παράδοξον, οὐ μόνον τῶν κινδύνων ἀπελύθησαν οἱ τὴν Ἑλλάδα κατοικοῦντεσ, ἀλλὰ καὶ δόξαν μεγάλην κατεκτήσαντο, καὶ τοσαύτησ εὐπορίασ ἐπληρώθη πᾶσα πόλισ Ἑλληνίσ, ὥστε πάντασ θαυμάσαι τὴν εἰσ τοὐναντίον μεταβολήν.

ἀπὸ τούτων γὰρ τῶν χρόνων ἐπὶ ἔτη πεντήκοντα πολλὴν ἐπίδοσιν ἔλαβεν ἡ Ἑλλὰσ πρὸσ τὴν εὐδαιμονίαν.

ἐν τούτοισ γὰρ τοῖσ χρόνοισ αἵ τε τέχναι διὰ τὴν εὐπορίαν ηὐξήθησαν, καὶ τότε μέγιστοι μνημονεύονται τεχνῖται γεγονέναι, ὧν ἐστι Φειδίασ ὁ ἀγαλματοποιόσ· ὁμοίωσ δὲ καὶ τὰ κατὰ τὴν παιδείαν ἐπὶ πολὺ προέβη, καὶ φιλοσοφία προετιμήθη καὶ ῥητορικὴ παρὰ πᾶσι μὲν Ἕλλησι, μάλιστα δὲ Ἀθηναίοισ. φιλόσοφοι μὲν γὰρ οἱ περὶ τὸν Σωκράτη καὶ Πλάτωνα καὶ Ἀριστοτέλην, ῥήτορεσ δὲ Περικλῆσ καὶ Ἰσοκράτησ καὶ οἱ τούτου μαθηταί·

ὁμοίωσ δὲ καὶ ἄνδρεσ ἐπὶ στρατηγίᾳ διαβεβοημένοι, Μιλτιάδησ, Θεμιστοκλῆσ, Ἀριστείδησ, Κίμων, Μυρωνίδησ καὶ ἕτεροι πλείονεσ, περὶ ὧν μακρὸν ἂν εἰή γράφειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 1

(디오도로스 시켈로스, Library, book xii, chapter 1)

상위

목록

SEARCH

MENU NAVIGATION