헬라어 문장 검색 - ΑτηενάΤηεΔειπ

(아테나이오스, The Deipnosophists, Book 5, book 5, chapter 65)

ταῦτα τοῦ Οὐλπιανοῦ εἰπόντοσ ἐπιμαρτυρῶν ὁ Λαρήνσιοσ καὶ συγκατατιθέμενοσ τῷ λόγῳ ἔφη τὸν Μάριον τῶν ζῴων τούτων δορὰσ εἰσ τὴν ̔ Ῥώμην ἀναπεπομφέναι, ἃσ μηδένα εἰκάσαι δεδυνῆσθαι τίνοσ εἰσὶ διὰ τὸ παράδοξον τῆσ ὄψεωσ· ἀνατεθεῖσθαί τε τὰσ δορὰσ ταύτασ ἐν τῷ τοῦ ̔ Ἡρακλέουσ ἱερῷ, ἐν ᾧ οἱ τοὺσ θριάμβουσ κατάγοντεσ στρατηγοὶ ἑστιῶσι τοὺσ πολίτασ, καθάπερ πολλοὶ τῶν ἡμεδαπῶν ποιηταὶ καὶ συγγραφεῖσ εἰρήκασιν· ὑμεῖσ οὖν, ὦ γραμματικοί, κατὰ τὸν Βαβυλώνιον Ἡρόδικον, μηδὲν τῶν τοιούτων ἱστοροῦντεσ, φεύγετ’, Ἀριστάρχειοι, ἐπ’ εὐρέα νῶτα θαλάττησ Ἑλλάδα, τῆσ ξουθῆσ δειλότεροι κεμάδοσ, γωνιοβόμβυκεσ, μονοσύλλαβοι, οἷσι μέμηλε τὸ σφὶν καὶ τὸ σφῷν καὶ τὸ μὶν ἠδὲ τὸ νίν.

τοῦθ’ ὑμῖν εἰή δυσπέμφελον · Ἡροδίκῳ δὲ Ἑλλὰσ ἀεὶ μίμνοι καὶ θεόπαισ Βαβυλών. ἡδονὴν ἔχει, ὅταν τισ εὑρ́ῃ καινὸν ἐνθύμημά τι, δηλοῦν ἅπασιν οἱ δ’ ἑαυτοῖσιν σοφοὶ πρῶτον μὲν οὐκ ἔχουσι τῆσ τέχνησ κριτήν, εἶτα φθονοῦνται, χρὴ γὰρ εἰσ ὄχλον φέρειν ἅπανθ’ ὅσ1’ ἄν τισ καινότητ’ ἔχειν δοκῇ.

ἐπὶ τούτοισ τοῖσ λόγοισ ἀναχωροῦντεσ οἱ πολλοὶ λεληθότωσ διέλυσαν τὴν συνουσίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 5, book 5, chapter 65

(아테나이오스, The Deipnosophists, Book 5, book 5, chapter 65)

상위

목록

SEARCH

MENU NAVIGATION