헬라어 문장 검색 - ΑτηενάΤηεΔειπ

(아테나이오스, The Deipnosophists, Book 5, book 5, chapter 55)

"ὥσπερ ἐκ θύμβρασ οὐδεὶσ ἂν δύναιτο κατασκευάσαι λόγχην, οὐδ’ ἐκ Σωκράτουσ στρατιώτην ἄμεμπτον. ὁ γὰρ Πλάτων φησὶν τρεῖσ στρατείασ στρατεύσασθαι Σωκράτη, τὴν μὲν εἰσ Ποτίδαιαν, τὴν δὲ εἰσ Ἀμφίπολιν, τὴν δὲ εἰσ Βοιωτοὺσ ὅτε καὶ συνέβη τὴν ἐπὶ Δηλίῳ μάχην γενέσθαι, μηδενὸσ δὲ τοῦθ’ ἱστορηκότοσ αὐτὸσ καὶ ἀριστείων φησὶν αὐτὸν τετυχηκέναι πάντων τῶν Ἀθηναίων φυγόντων, πολλῶν δὲ καὶ ἀπολομένων. πάντα δὲ ταῦτα ἐψευδολόγηται. ἡ μὲν γὰρ ἐπὶ Ἀμφίπολιν στρατεία γέγονεν ἐπὶ Ἀλκαίου ἄρχοντοσ Κλέωνοσ ἡγουμένου ἐξ ἐπιλέκτων ἀνδρῶν, ὥσ φησι Θουκυδίδησ, τούτων οὖν τῶν ἐπιλέκτων ἀνάγκη εἶναι καὶ Σωκράτην, ᾧ πλὴν τρίβωνοσ καὶ βακτηρίασ οὐδὲν ἦν. τίσ οὖν εἶπεν ἱστοριογράφοσ ἢ ποιητήσ; ἢ ποῦ Θουκυδίδησ τὸν Σωκράτη παρενέχρωσε τὸν Πλάτωνοσ στρατιώτην;

"τί γὰρ ἀσπίδι ξύνθημα καὶ βακτηρίᾳ; πότε δὲ καὶ εἰσ Ποτίδαιαν ἐστρατεύσατο, ὡσ ἐν τῷ Χαρμίδῃ εἴρηκεν ὁ Πλάτων φάσκων αὐτὸν καὶ τῶν ἀριστείων τότε Ἀλκιβιάδῃ παραχωρῆσαι; τοῦτο οὔτε Θουκυδίδου ἀλλ’ οὐδ’ Ἰσοκράτουσ εἰρηκότοσ ἐν τῷ περὶ τοῦ ζεύγουσ, ποίασ δὲ καὶ μάχησ γενομένησ ἔλαβε τὰ ἀριστεῖα Σωκράτησ καὶ τί πράξασ ἐπιφανὲσ καὶ διάσημον; καθόλου μάχησ μηδεμιᾶσ συμπεσούσησ, ὡσ ἱστόρηκε Θουκυδίδησ, οὐκ ἀρκεσθεὶσ δὲ ταύτῃ τῇ τερατολογίᾳ ὁ Πλάτων ἐπάγει καὶ τὴν ἐπὶ Δηλίῳ γενομένην, μᾶλλον δὲ πεπλασμένην ἀνδραγαθίαν. εἰ γὰρ καὶ τὸ Δήλιον ᾑρήκει Σωκράτησ, ὡσ ἱστορεῖ Ἡρόδικοσ ὁ Κρατήτειοσ ἐν τοῖσ πρὸσ τὸν Φιλοσωκράτην, ἅμα τοῖσ πολλοῖσ ἀσχημόνωσ ἂν ἔφυγε, Παγώνδου δύο τέλη περιπέμψαντοσ τῶν ἱππέων ἐκ τοῦ ἀφανοῦσ περὶ τὸν λόφον.

τότε γὰρ οἱ μὲν πρὸσ τὸ Δήλιον τῶν Ἀθηναίων ἔφυγον, οἱ δ’ ἐπὶ θάλατταν, ἄλλοι δὲ ἐπὶ ’ Ὠρωπόν, οἱ δὲ πρὸσ Πάρνηθα τὸ ὄροσ· Βοιωτοὶ δ’ ἐφεπόμενοι ἔκτεινον καὶ μάλιστα οἱ ἱππεῖσ οἵ τε αὐτῶν καὶ οἱ Λοκρῶν.

εἱστήκει ἀναστέλλων τὸ Βοιωτῶν καὶ Λοκρῶν ἱππικόν; καὶ ταύτησ τῆσ ἀνδρείασ αὐτοῦ οὐ Θουκυδίδησ μέμνηται, οὐκ ἄλλοσ οὐδεὶσ ποιητήσ. πῶσ δὲ καὶ τῶν ἀριστείων Ἀλκιβιάδῃ παραχωρεῖ τῷ μηδ’ ὅλωσ κεκοινωνηκότι ταύτησ τῆσ στρατείασ; ἐν δὲ τῷ Κρίτωνι ὁ τῇ Μνημοσύνῃ φίλοσ Πλάτων οὐδὲ ποιήσασθαι πώποτε ἀποδημίαν τὸν Σωκράτη ἔξω τῆσ εἰσ Ἰσθμὸν πορείασ εἴρηκε.

καὶ Ἀντισθένησ δ’ ὁ Σωκρατικὸσ περὶ τῶν ἀριστείων τὰ αὐτὰ τῷ Πλάτωνι ἱστορεῖ. "οὔκ ἐστιν δ’ ἔτυμοσ ὁ λόγοσ οὗτοσ. χαρίζεται γὰρ καὶ ὁ κύων οὗτοσ πολλὰ τῷ Σωκράτει· ὅθεν οὐδετέρῳ αὐτῶν δεῖ πιστεύειν σκοπὸν ἔχοντασ Θουκυδίδην. ὁ γὰρ Ἀντισθένησ καὶ προσεπάγει τῇ ψευδογραφίᾳ λέγων οὕτωσ "ἡμεῖσ δὲ ἀκούομεν κἀν τῇ πρὸσ Βοιωτοὺσ μάχῃ τὰ ἀριστεῖά σε λαβεῖν. εὐφήμει, ὦ ξένε· "Ἀλκιβιάδου τό γέρασ, οὐκ ἐμόν.

σοῦ γε δόντοσ, ὡσ ἡμεῖσ ἀκούομεν. ὁ δὲ Πλάτωνοσ Σωκράτησ εἰσ Ποτίδαιαν λέγει παρεῖναι καὶ τῶν ἀριστείων Ἀλκιβιάδῃ παρακεχωρηκέναι. προτερεῖ δὲ κατὰ πάντασ τοὺσ ἱστορικοὺσ τῆσ ἐπὶ Δήλιον στρατείασ ἡ περὶ Ποτίδαιαν, ἧσ Φορμίων ἐστρατήγει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 5, book 5, chapter 55

(아테나이오스, The Deipnosophists, Book 5, book 5, chapter 55)

상위

목록

SEARCH

MENU NAVIGATION