헬라어 문장 검색 - ΑτηενάΤηεΔειπ

(아테나이오스, The Deipnosophists, Book 5, book 5, chapter 53)

καὶ οὐ μόνον τὰ τῶν πολιτῶν διήρπαζεν, ἀλλ’ ἤδη καὶ τὰ τῶν ξένων, ἐκτείνασ τὰσ χεῖρασ καὶ ἐπὶ τὰ εἰσ Δῆλον τοῦ θεοῦ χρήματα, ἐκπέμψασ γοῦν εἰσ τὴν νῆσον Ἀπελλικῶντα τὸν Τήιον, πολίτην δὲ Ἀθηναίων γενόμενον, ποικιλώτατόν τινα καὶ ἁψίκορον ζήσαντα βίον ὅτε μὲν γὰρ ἐφιλοσόφει τὰ περιπατητικά, καὶ τὴν Ἀριστοτέλουσ βιβλιοθήκην καὶ ἄλλασ συνηγόραζε συχνὰσ ἦν γὰρ πολυχρήματοσ τὰ τ’ ἐκ τοῦ Μητρῴου τῶν παλαιῶν αὐτόγραφα ψηφισμάτων ὑφαιρούμενοσ ἐκτᾶτο καὶ ἐκ τῶν ἄλλων πόλεων εἴ τι παλαιὸν εἰή καὶ ἀπόθετον. ἐφ’ οἷσ φωραθεὶσ ἐν ταῖσ Ἀθήναισ ἐκινδύνευσεν ἂν εἰ μὴ ἔφυγεν. καὶ μετ’ οὐ πολὺ πάλιν κατῆλθε, θεραπεύσασ πολλοὺσ καὶ συναπεγράφετο τῷ Ἀθηνίωνι ὡσ ἂν ἀπὸ τῆσ αὐτῆσ δὴ αἱρέσεωσ ὄντι. Ἀθηνίων δ’ ἐπιλαθόμενοσ τῶν δογμάτων τῶν τοῦ περιπάτου χοίνικα κριθῶν εἰσ τέσσαρασ ἡμέρασ διεμέτρει τοῖσ ἀνοήτοισ Ἀθηναίοισ, ἀλεκτορίδων τροφὴν καὶ οὐκ ἀνθρώπων αὐτοῖσ διδούσ. Ἀπελλικῶν δὲ μετὰ δυνάμεωσ ἐξορμήσασ εἰσ Δῆλον καὶ πανηγυρικῶσ μᾶλλον ἢ στρατιωτικῶσ ἀναστρεφόμενοσ, καὶ προφυλακὴν ἀμελεστέραν πρὸσ τὴν Δῆλον μερίσασ, μάλιστα δὲ τὰ ἐξόπισθε τῆσ νήσου ἐάσασ ἀφύλακτα καὶ οὐδὲ χάρακα βαλόμενοσ ἐκοιμᾶτο. δὲ ἐπιγνοὺσ ὁ Ὀρόβιοσ στρατηγὸσ Ῥωμαίων καὶ φυλάσσων τὴν Δῆλον φυλάξασ ἀσέληνον νύκτα καὶ ἐκβιβάσασ τοὺσ ἑαυτοῦ στρατιώτασ, κοιμωμένοισ καὶ μεθύουσιν ἐπιπεσὼν κατέκοψε τοὺσ Ἀθηναίουσ καὶ τοὺσ μετ’ αὐτῶν συστρατευομένουσ ὡσ βοσκήματα, ἑξακοσίουσ τὸν ἀριθμόν, ἐζώγρησε δὲ καὶ περὶ τετρακοσίουσ, καὶ ὁ καλὸσ στρατηγὸσ Ἀπελλικῶν ἔλαθε φυγὼν ἐκ Δήλου, πολλοὺσ δὲ καὶ συμφυγόντασ κατιδὼν ὁ Ὀρόβιοσ εἰσ ἐπαύλεισ συγκατέφλεξεν αὐταῖσ οἰκίαισ καὶ πάντα αὐτῶν τὰ πολιορκητικὰ ὄργανα σὺν τῇ ἑλεπόλει, ἣν εἰσ Δῆλον ἐλθὼν κατεσκευάκει.

στήσασ οὖν τρόπαιον ἐπὶ τῶν τόπων ὁ Ὀρόβιοσ καὶ βωμὸν ἐπέγραψε·

τούσδε θανόντασ ἔχει ξείνουσ τάφοσ, οἳ περὶ Δῆλον μαρνάμενοι ψυχὰσ ὤλεσαν ἐν πελάγει, τὴν ἱερὰν ὅτε νῆσον Ἀθηναῖοι κεράιζον, κοινὸν Ἄρη βασιλεῖ Καππαδόκων θέμενοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 5, book 5, chapter 53

(아테나이오스, The Deipnosophists, Book 5, book 5, chapter 53)

상위

목록

SEARCH

MENU NAVIGATION