헬라어 문장 검색 - ΑτηενάΤηεΔειπ

(아테나이오스, The Deipnosophists, Book 5, book 5, chapter 42)

τούτου δ’ ἐφεξῆσ σχολαστήριον ὑπῆρχε πεντάκλινον, ἐκ πύξου τοὺσ τοίχουσ καὶ τὰ θυρώματα κατεσκευασμένον, βιβλιοθήκην ἔχον ἐν αὑτῷ, κατὰ δὲ τὴν ὀροφὴν πόλον ἐκ τοῦ κατὰ τὴν Ἀχραδίνην ἀπομεμιμημένον ἡλιοτροπίου, ἦν δὲ καὶ βαλανεῖον τρίκλινον πυρίασ χαλκᾶσ ἔχον τρεῖσ καὶ λουτῆρα πέντε μετρητὰσ δεχόμενον ποικίλον τοῦ Ταυρομενίτου λίθου, κατεσκεύαστο δὲ καὶ οἰκήματα πλείω τοῖσ ἐπιβάταισ καὶ τοῖσ τὰσ ἀντλίασ φυλάττουσι. χωρὶσ δὲ τούτων ἱππῶνεσ ἦσαν ἑκατέρου τῶν τοίχων δέκα· κατὰ δὲ τούτουσ ἡ τροφὴ τοῖσ ἵπποισ ἔκειτο καὶ τῶν ἀναβατῶν καὶ τῶν παίδων τὰ σκεύη, ἦν δὲ καὶ ὑδροθήκη κατὰ τὴν πρῷραν κλειστή, δισχιλίουσ μετρητὰσ δεχομένη, ἐκ σανίδων καὶ πίττησ καὶ ὀθονίων κατεσκευασμένη. παρὰ δὲ ταύτην κατεσκεύαστο διὰ μολιβδώματοσ καὶ σανίδων κλειστὸν ἰχθυοτροφεῖον·

τοῦτο δ’ ἦν πλῆρεσ θαλάττησ, ἐν ᾧ πολλοὶ ἰχθύεσ ἐνετρέφοντο. ὑπῆρχον δὲ καὶ τῶν τοίχων ἑκατέρωθεν τρόποι προεωσμένοι, διάστημα σύμμετρον ἔχοντεσ· ἐφ’ ὧν κατεσκευασμέναι ἦσαν ξυλοθῆκαι καὶ κρίβανοι καὶ ὀπτανεῖα καὶ μύλοι καὶ πλείουσ ἕτεραι διακονίαι. ἄτλαντέσ τε περιέτρεχον τὴν ναῦν ἐκτὸσ ἑξαπήχεισ, οἳ τοὺσ ὄγκουσ ὑπειλήφεσαν τοὺσ ἀνωτάτω καὶ τὸ τρίγλυφον, πάντεσ ἐν διαστήματι συμμέτρῳ βεβῶτεσ.

ἡ δὲ ναῦσ πᾶσα οἰκείαισ γραφαῖσ ἐπεπόνητο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 5, book 5, chapter 42

(아테나이오스, The Deipnosophists, Book 5, book 5, chapter 42)

상위

목록

SEARCH

MENU NAVIGATION