헬라어 문장 검색 - Πλυταρ́Ξιξερό47́

(플루타르코스, Cicero, chapter 47)

πραττομένων δὲ τούτων ὁ Κικέρων ἦν μὲν ἐν ἀγροῖσ ἰδίοισ περὶ Τοῦσκλον, ἔχων τὸν ἀδελφὸν μεθ’ αὑτοῦ· πυθόμενοι δὲ τὰσ προγραφὰσ ἔγνωσαν εἷσ Ἄστυρα μεταβῆναι, χωρίον παράλιον τοῦ Κικέρωνοσ, ἐκεῖθεν δὲ πλεῖν εἷσ Μακεδονίαν πρὸσ Βροῦτον· ἤδη γὰρ ὑπὲρ αὐτοῦ λόγοσ ἐφοίτα κρατοῦντοσ, ἐκομίζοντο δ’ ἐν φορείοισ ἀπειρηκότεσ ὑπὸ λύπησ· καὶ κατὰ τὴν ὁδὸν ἐφιστάμενοι καὶ τὰ φορεῖα παραβάλλοντεσ ἀλλήλοισ προσωλοφύροντο. μᾶλλον δ’ ὁ Κόιντοσ ἠθύμει, καὶ λογισμὸσ αὐτὸν εἰσῄει τῆσ ἀπορίασ·

οὐδὲν γὰρ ἔφη λαβεῖν οἴκοθεν, ἀλλὰ καὶ τῷ Κικέρωνι γλίσχρον ἦν ἐφόδιον ἄμεινον οὖν εἶναι τὸν μὲν Κικέρωνα προλαμβάνειν τῇ φυγῇ, αὐτὸν δὲ μεταθεῖν οἴκοθεν συσκευασάμενον. ταῦτ’ ἔδοξε· καὶ περιλαβόντεσ ἀλλήλουσ καὶ ἀνακλαυσάμενοι διελύθησαν. ὁ μὲν οὖν Κόιντοσ οὐ πολλαῖσ ὕστερον ἡμέραισ ὑπὸ τῶν οἰκετῶν προδοθεὶσ τοῖσ ζητοῦσιν ἀνῃρέθη μετὰ τοῦ παιδόσ.

ὁ δὲ Κικέρων εἷσ Ἄστυρα κομισθεὶσ καὶ πλοῖον εὑρών εὐθὺσ ἐνέβη καὶ παρέπλευσεν ἄχρι Κιρκαίου, πνεύματι χρώμενοσ. ἐκεῖθεν δὲ βουλομένων εὐθὺσ αἴρειν τῶν κυβερνητῶν, εἴτε δείσασ τὴν θάλασσαν εἴτ’ οὔπω παντάπασι τὴν Καίσαροσ ἀπεγνωκὼσ πίστιν, ἀπέβη καὶ παρῆλθε πεζῇ σταδίουσ ἑκατὸν ὡσ εἷσ Ῥώμην πορευόμενοσ. αὖθισ δ’ ἀλύων καὶ μεταβαλλόμενοσ κατῄει πρὸσ θάλασσαν εἷσ Ἄστυρα.

κἀκεῖ διενυκτέρευσεν ἐπὶ δεινῶν καὶ ἀπόρων λογισμῶν, ὥστε καὶ παρελθεῖν εἷσ τὴν Καίσαροσ οἰκίαν διενοήθη κρύφα καὶ σφάξασ ἑαυτὸν ἐπὶ τῆσ ἑστίασ ἀλάστορα προσβαλεῖν. ἀλλὰ καὶ ταύτησ αὐτὸν ἀπέκρουσε τῆσ ὁδοῦ δέοσ βασάνων καὶ πολλὰ ταραχώδη καὶ παλίντροπα βουλεύματα τῆσ γνώμησ μεταλαμβάνων παρέδωκε τοῖσ οἰκέταισ ἑαυτὸν εἷσ Καιήτην κατὰ πλοῦν κομίζειν, ἔχων ἐκεῖ χωρία καὶ καταφυγὴν ὡρ́ᾳ θέρουσ φιλάνθρωπον, ὅταν ἥδιστον οἱ ἐτησίαι καταπνέωσιν. ἔχει δ’ ὁ τόποσ καὶ ναὸν Ἀπόλλωνοσ μικρὸν ὑπὲρ τῆσ θαλάττησ.

ἐντεῦθεν ἀρθέντεσ ἀθρόοι κόρακεσ ὑπὸ κλαγγῆσ προσεφέροντο τῷ πλοίῳ τοῦ Κικέρωνοσ ἐπὶ γῆν ἐρεσσομένῳ· καὶ καθίσαντεσ ἐπὶ τὴν κεραίαν ἑκατέρωθεν οἱ μὲν ἐβόων, οἱ δ’ ἔκοπτον τὰσ τῶν μηρυμάτων ἀρχάσ, καὶ πᾶσιν ἐδόκει τὸ σημεῖον εἶναι πονηρόν. ἀπέβη δ’ οὖν ὁ Κικέρων, καὶ παρελθὼν εἷσ τὴν ἔπαυλιν ὡσ ἀναπαυσόμενοσ κατεκλίθη. τῶν δὲ κοράκων οἱ πολλοὶ μὲν ἐπὶ τῆσ θυρίδοσ διεκάθηντο φθεγγόμενοι θορυβῶδεσ, εἷσ δὲ καταβὰσ ἐπὶ τὸ κλινίδιον ἐγκεκαλυμμένου τοῦ Κικέρωνοσ ἀπῆγε τῷ στόματι κατὰ μικρὸν ἀπὸ τοῦ προσώπου τὸ ἱμάτιον.

οἱ δ’ οἰκέται ταῦθ’ ὁρῶντεσ, καὶ κακίσαντεσ ἑαυτοὺσ εἰ περιμένουσι τοῦ δεσπότου φονευομένου θεαταὶ γενέσθαι, θηρία δ’ αὐτῷ βοηθεῖ καὶ προκήδεται παρ’ ἀξίαν πράττοντοσ, αὐτοὶ δ’ οὐκ ἀμύνουσι, τὰ μὲν δεόμενοι, τὰ δὲ βίᾳ λαβόντεσ ἐκόμιζον ἐν τῷ φορείῳ πρὸσ τὴν θάλασσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cicero, chapter 47

(플루타르코스, Cicero, chapter 47)

상위

목록

SEARCH

MENU NAVIGATION