헬라어 문장 검색 - Διοδορ́Λιβραρψ́9́41́

(디오도로스 시켈로스, Library, book xvi, chapter 52)

ἐπ’ ἄρχοντοσ δ’ Ἀθήνησι Καλλιμάχου Ῥωμαῖοι κατέστησαν ὑπάτουσ Μάρκιον Γάιον καὶ ΠόπλιονΟὐαλέριον. ἐπὶ δὲ τούτων Ἀρταξέρξησ ὁρῶν μεγάλασ ἑαυτῷ παρεσχημένον χρείασ ἐν τῷ πρὸσ Αἰγυπτίουσ πολέμῳ Μέντορα τὸν στρατηγὸν προῆγεν αὐτὸν μάλιστα τῶν φίλων. τιμήσασ δ’ ἀριστείοισ τὸν ἄνδρα ἐδωρήσατο αὐτῷ ἀργυρίου μὲν ἑκατὸν τάλαντα, τῆσ δ’ ἄλλησ πολυτελοῦσ κατασκευῆσ τὴν κρατίστην·

ἀπέδειξε δὲ σατράπην τῆσ κατὰ τὴν Ἀσίαν παραλίασ καὶ τὸν πρὸσ τοὺσ ἀφεστηκότασ πόλεμον ἐπέτρεψεν, αὐτοκράτορα στρατηγὸν ἀποδείξασ. ὁ δὲ Μέντωρ ἔχων οἰκειότητα πρὸσ Ἀρτάβαζον καὶ Μέμνονα τοὺσ διαπεπολεμηκότασ μὲν πρὸσ Πέρσασ ἐν τοῖσ ἐπάνω χρόνοισ, τότε δὲ πεφευγότασ ἐκ τῆσ Ἀσίασ καὶ διατρίβοντασ παρὰ Φιλίππῳ, δεηθεὶσ τοῦ βασιλέωσ ἔπεισεν αὐτὸν ἀπολῦσαι τοὺσ ἄνδρασ τῶν ἐγκλημάτων.

εὐθὺσ δὲ καὶ μετεπέμψατο πρὸσ ἑαυτὸν ἀμφοτέρουσ μεθ’ ὅλησ τῆσ συγγενείασ· ἦσαν γὰρ Ἀρταβάζῳ γεγονότεσ ἐκ τῆσ Μέντοροσ καὶ Μέμνονοσ ἀδελφῆσ υἱοὶ μὲν ἕνδεκα, θυγατέρεσ δὲ δέκα.

ψυχαγωγούμενοσ δ’ ἐπὶ τῷ πλήθει τῶν τέκνων ὁ Μέντωρ προῆγε τοὺσ παῖδασ, παραδιδοὺσ αὐτοῖσ τὰσ ἐπιφανεστάτασ ἐν τοῖσ στρατιωτικοῖσ ἡγεμονίασ. ἐστρατεύσατο δ’ ἐπὶ πρῶτον Ἑρμίαν τὸν Ἀταρνέωσ τύραννον, ἀφεστηκότα τοῦ βασιλέωσ καὶ πολλῶν ὀχυρωμάτων καὶ πόλεων κυριεύοντα.

ἐπαγγειλάμενοσ δ’ αὐτῷ πείσειν τὸν βασιλέα καὶ τῶν ἐγκλημάτων ἀπολῦσαι συνῆλθεν εἰσ λόγουσ καὶ παρακρουσάμενοσ αὐτὸν συνέλαβε.

κυριεύσασ δὲ τοῦ δακτυλίου καὶ γράψασ εἰσ τὰσ πόλεισ ὅτι διήλλακται τῷ βασιλεῖ διὰ Μέντοροσ καὶ σφραγισάμενοσ τὰσ ἐπιστολὰσ τῷ τοῦ Ἑρμείου δακτυλίῳ συνεξέπεμψε τοὺσ παραληψομένουσ τὰ χωρία. οἱ δ’ ἐν ταῖσ πόλεσι πιστεύσαντεσ τοῖσ γεγραμμένοισ καὶ τὴν εἰρήνην ἀγαπητῶσ προσδεξάμενοι παρέδωκαν πάντεσ τὰ φρούρια καὶ τὰσ πόλεισ.

Μέντωρ μὲν οὖν δι’ ἀπάτησ ταχὺ παραλαβὼν ἀκινδύνωσ τὰ τῶν ἀποστατῶν πολίσματα μεγάλησ ἀποδοχῆσ ἔτυχε παρὰ τῷ βασιλεῖ, δόξασ δύνασθαι στρατηγεῖν πραγματικῶσ. ὁμοίωσ δὲ καὶ τοὺσ ἄλλουσ ἡγεμόνασ τοὺσ ἀλλοτρίωσ διακειμένουσ τοῖσ Πέρσαισ τοὺσ μὲν βιασάμενοσ, τοὺσ δὲ καταστρατηγήσασ ἅπαντασ ταχέωσ κατεπολέμησεν.

καὶ τὰ μὲν κατὰ τὴν Ἀσίαν ἐν τούτοισ ἦν. κατὰ δὲ τὴν Εὐρώπην Φίλιπποσ μὲν ὁ Μακεδόνων βασιλεὺσ στρατεύσασ ἐπὶ τὰσ Χαλκιδικὰσ πόλεισ Ζερεία μὲν φρούριον ἐκπολιορκήσασ κατέσκαψε, τῶν δ’ ἄλλων πολισμάτων ἔνια καταπληξάμενοσ ἠνάγκασεν ὑποτάττεσθαι·

ἐπὶ δὲ τὰσ Φερὰσ τῆσ Θετταλίασ παρελθὼν Πειθόλαον δυναστεύοντα τῆσ πόλεωσ ἐξέβαλεν. ἅμα δὲ τούτοισ πραττομένοισ ἐν τῷ Πόντῳ Σπάρτακοσ ὁ τοῦ Πόντου βασιλεὺσ ἐτελεύτησεν ἄρξασ ἔτη πέντε, τὴν δ’ ἡγεμονίαν διαδεξάμενοσ ὁ ἀδελφὸσ Παιρισάδησ ἐβασίλευσεν ἔτη τριάκοντα ὀκτώ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 52

(디오도로스 시켈로스, Library, book xvi, chapter 52)

상위

목록

SEARCH

MENU NAVIGATION