헬라어 문장 검색 - Διοδορ́Λιβραρψ́9́17́

(디오도로스 시켈로스, Library, book xvi, chapter 19)

Νύψιοσ δ’ ὁ τῶν μισθοφόρων στρατηγὸσ ἀναλαβεῖν καὶ ἀναμαχέσασθαι βουλόμενοσ τὴν ἧτταν νυκτὸσ ἐκτεταγμένῃ τῇ δυνάμει παραδόξωσ προσέπεσε τῷ κατεσκευασμένῳ τείχει. εὑρὼν δὲ τοὺσ φύλακασ διὰ τὴν καταφρόνησιν καὶ μέθην εἰσ ὕπνον τετραμμένουσ προσέθηκε τὰσ παρεσκευασμένασ κλίμακασ πρὸσ τὴν χρείαν. διὰ δὲ τούτων οἱ κράτιστοι τῶν μισθοφόρων ἀνέβησαν ἐπὶ τὸ τεῖχοσ καὶ τοὺσ φύλακασ φονεύσαντεσ ἀνέῳξαν τὰσ πύλασ.

εἰσπεσόντων δὲ τῶν στρατιωτῶν εἰσ τὴν πόλιν οἱ μὲν στρατηγοὶ τῶν Συρακοσίων ἐκ τῆσ μέθησ ἀνανήφοντεσ ἐπειρῶντο βοηθεῖν, ἐμποδιζόμενοι δὲ τὰσ ὁρμὰσ διὰ τὸν οἶνον οἱ μὲν ἀνῃρέθησαν, οἱ δ’ ἔφυγον. κατειλημμένησ δὲ τῆσ πόλεωσ καὶ τῶν ἐκ τῆσ ἀκροπόλεωσ στρατιωτῶν σχεδὸν ἁπάντων εἰσπεσόντων ἐντὸσ τοῦ περιτειχίσματοσ, τῶν δὲ Συρακοσίων διὰ τὸ παράδοξον καὶ τὴν ἀταξίαν ἐκπεπληγμένων πολὺσ ἐγίνετο φόνοσ. τῶν δὲ τοῦ τυράννου στρατιωτῶν πλειόνων ἢ μυρίων ὄντων καὶ συντεταγμένων καλῶσ οὐδεὶσ τὸ βάροσ αὐτῶν ὑπομεῖναι δυνατὸσ ἦν, ἅτε τοῦ θορύβου καὶ τῆσ ταραχῆσ, ἔτι δὲ ἀναρχίασ τοὺσ ἐλαττουμένουσ ἐμποδιζούσησ.

κρατηθείσησ δὲ τῆσ ἀγορᾶσ ὑπὸ τῶν πολεμίων, εὐθὺσ ἐπὶ τὰσ οἰκίασ οἱ νενικηκότεσ ὡρ́μησαν·

καὶ πολλὰ μὲν χρήματα διεφορεῖτο, οὐκ ὀλίγα δὲ σώματα γυναικῶν καὶ παίδων, ἔτι δ’ οἰκετῶν ἐξηνδραποδίζετο. κατὰ δὲ τοὺσ στενωποὺσ καὶ τὰσ ἄλλασ ὁδοὺσ ἀντιταττομένων Συρακοσίων ἐγίνοντο συνεχεῖσ συμπλοκαὶ καὶ πολλοὶ μὲν ἀπέθνησκον, οὐκ ὀλίγοι δὲ τραύμασι περιέπιπτον. τὴν μὲν οὖν νύκτα διετέλεσαν ἀλλήλουσ ἀναιροῦντεσ ὡσ ἔτυχε διὰ τὸ σκότοσ καὶ πᾶσ τόποσ νεκρῶν ἔγεμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 19

(디오도로스 시켈로스, Library, book xvi, chapter 19)

상위

목록

SEARCH

MENU NAVIGATION