헬라어 문장 검색 - Διοδορ́Λιβραρψ́5́47́

(디오도로스 시켈로스, Library, book xii, chapter 79)

μετὰ δὲ ταῦτα Ἀθηναίων ἀποστειλάντων κατὰ θάλατταν εἰσ Ἄργοσ ὁπλίτασ μὲν χιλίουσ ἐπιλέκτουσ, ἱππεῖσ δὲ διακοσίουσ, ὧν ἐστρατήγουν Λάχησ καὶ Νικόστρατοσ· συνῆν δὲ τούτοισ καὶ Ἀλκιβιάδησ ἰδιώτησ ὢν διὰ τὴν φιλίαν τὴν πρὸσ Ἠλείουσ καὶ Μαντινεῖσ· συνεδρευσάντων δὲ πάντων, ἔδοξε τὰσ μὲν σπονδὰσ ἐᾶν χαίρειν, πρὸσ δὲ τὸν πόλεμον ὁρμῆσαι. διὸ καὶ τοὺσ ἰδίουσ ἕκαστοσ στρατηγὸσ παρώρμησε πρὸσ τὸν ἀγῶνα, καὶ πάντων προθύμωσ ὑπακουσάντων, ἐκτὸσ τῆσ πόλεωσ κατεστρατοπέδευσαν.

ἔδοξεν οὖν αὐτοῖσ πάντων πρῶτον στρατεύειν ἐπ’ Ὀρχομενὸν τῆσ Ἀρκαδίασ. διὸ καὶ παρελθόντεσ εἰσ Ἀρκαδίαν, προσκαθεζόμενοι τῇ πόλει καθ’ ἡμέραν ἐποιοῦντο προσβολὰσ τοῖσ τείχεσι. χειρωσάμενοι δὲ τὴν πόλιν κατεστρατοπέδευσαν πλησίον Τεγέασ, κεκρικότεσ καὶ ταύτην πολιορκῆσαι.

τῶν δὲ Τεγεατῶν ἀξιούντων τοὺσ Λακεδαιμονίουσ βοηθῆσαι κατὰ τάχοσ, οἱ Σπαρτιᾶται παραλαβόντεσ τοὺσ ἰδίουσ πάντασ καὶ τοὺσ συμμάχουσ ἧκον ἐπὶ τὴν Μαντίνειαν, νομίζοντεσ ταύτησ πολεμουμένησ ἀρθήσεσθαι τὴν τῆσ Τεγέασ πολιορκίαν. οἱ δὲ Μαντινεῖσ τοὺσ συμμάχουσ παραλαβόντεσ, καὶ αὐτοὶ πανδημεὶ στρατεύσαντεσ, ἀντετάχθησαν τοῖσ Λακεδαιμονίοισ.

γενομένησ δὲ μάχησ ἰσχυρᾶσ, οἱ μὲν ἐπίλεκτοι τῶν Ἀργείων, χίλιοι τὸν ἀριθμὸν ὄντεσ, γεγυμνασμένοι δὲ καλῶσ τὰ κατὰ τὸν πόλεμον, ἐτρέψαντο τοὺσ ἀντιτεταγμένουσ πρῶτοι, καὶ διώκοντεσ πολὺν ἐποίουν φόνον. οἱ δὲ Λακεδαιμόνιοι τἄλλα μέρη τοῦ στρατεύματοσ τρεψάμενοι καὶ πολλοὺσ ἀνελόντεσ ὑπέστρεψαν ἐπ’ αὐτοὺσ ἐκείνουσ, καὶ τῷ πλήθει κυκλώσαντεσ ἤλπιζον κατακόψειν ἅπαντασ.

τῶν δὲ λογάδων τῷ μὲν πλήθει πολὺ λειπομένων, ταῖσ δ’ ἀνδραγαθίαισ προεχόντων, ὁ μὲν βασιλεὺσ τῶν Λακεδαιμονίων προαγωνιζόμενοσ ἐνεκαρτέρησε τοῖσ δεινοῖσ, καὶ πάντασ ἂν ἀνεῖλεν·

ἔσπευδε γὰρ τοῖσ πολίταισ ἀποδοῦναι τὰσ ἐπαγγελίασ, καὶ μέγα τι κατεργασάμενοσ διορθώσασθαι τὴν γεγενημένην ἀδοξίαν· οὐ μὴν εἰάθη γε τὴν προαίρεσιν ἐπιτελέσαι. Φάραξ γὰρ ὁ Σπαρτιάτησ, εἷσ ὢν τῶν συμβούλων, ἀξίωμα δὲ μέγιστον ἔχων ἐν τῇ Σπάρτῃ, διεκελεύετο τοῖσ λογάσι δοῦναι δίοδον, καὶ μὴ πρὸσ ἀπεγνωκότασ τὸ ζῆν διακινδυνεύοντασ πεῖραν λαβεῖν ἀτυχούσησ ἀρετῆσ. ὅθεν ἠναγκάσθη κατὰ τὴν ἀρτίωσ ῥηθεῖσαν ἐπιταγὴν δοῦναι διέξοδον κατὰ τὴν τοῦ Φάρακοσ γνώμην.

οἱ μὲν οὖν χίλιοι τὸν εἰρημένον τρόπον ἀφεθέντεσ διελθεῖν διεσώθησαν, οἱ δὲ Λακεδαιμόνιοι μεγάλῃ μάχῃ νικήσαντεσ καὶ τρόπαιον στήσαντεσ ἀπῆλθον εἰσ τὴν οἰκείαν. τοῦ δ’ ἐνιαυσίου χρόνου διεληλυθότοσ Ἀθήνησι μὲν ἦρχεν Ἀντιφῶν, ἐν Ῥώμῃ δ’ ἀντὶ τῶν ὑπάτων χιλίαρχοι τέτταρεσ κατεστάθησαν, Γάιοσ Φούριοσ καὶ Τίτοσ Κοί̈ντιοσ, ἔτι δὲ Μάρκοσ Ποστούμιοσ καὶ Αὖλοσ Κορνήλιοσ.

ἐπὶ δὲ τούτων Ἀργεῖοι καὶ Λακεδαιμόνιοι διαπρεσβευσάμενοι πρὸσ ἀλλήλουσ εἰρήνην ἐποιήσαντο καὶ συμμαχίαν συνέθεντο. διόπερ οἱ Μαντινεῖσ ἀποβαλόντεσ τὴν ἀπὸ τῶν Ἀργείων βοήθειαν ἠναγκάσθησαν ὑποταγῆναι τοῖσ Λακεδαιμονίοισ.

περὶ δὲ τοὺσ αὐτοὺσ χρόνουσ ἐν τῇ πόλει τῶν Ἀργείων οἱ κατ’ ἐκλογὴν κεκριμένοι τῶν πολιτῶν χίλιοι συνεφώνησαν, καὶ τὴν μὲν δημοκρατίαν ἔγνωσαν καταλύειν, ἀριστοκρατίαν δ’ ἐξ αὑτῶν καθιστάναι. ἔχοντεσ δὲ πολλοὺσ συνεργοὺσ διὰ τὸ προέχειν τῶν πολιτῶν ταῖσ οὐσίαισ καὶ ταῖσ ἀνδραγαθίαισ, τὸ μὲν πρῶτον συλλαβόντεσ τοὺσ δημαγωγεῖν εἰωθότασ ἀπέκτειναν, τοὺσ δ’ ἄλλουσ καταπληξάμενοι κατέλυσαν τοὺσ νόμουσ καὶ δι’ ἑαυτῶν τὰ δημόσια διῴκουν.

διακατασχόντεσ δὲ ταύτην τὴν πολιτείαν μῆνασ ὀκτὼ κατελύθησαν, τοῦ δήμου συστάντοσ ἐπ’ αὐτούσ· διὸ καὶ τούτων ἀναιρεθέντων ὁ δῆμοσ ἐκομίσατο τὴν δημοκρατίαν. ἐγένετο δὲ καὶ ἑτέρα κίνησισ κατὰ τὴν Ἑλλάδα·

καὶ Φωκεῖσ γὰρ πρὸσ Λοκροὺσ διενεχθέντεσ παρατάξει ἐκρίθησαν διὰ τὴν οἰκείαν ἀνδρείαν· ἐνίκησαν γὰρ Φωκεῖσ ἀνελόντεσ Λοκρῶν πλείουσ χιλίων. Ἀθηναῖοι δὲ Νικίου στρατηγοῦντοσ εἷλον δύο πόλεισ, Κύθηρα καὶ Νίσαιαν·

τήν τε Μῆλον ἐκπολιορκήσαντεσ πάντασ ἡβηδὸν ἀπέσφαξαν, παῖδασ δὲ καὶ γυναῖκασ ἐξηνδραποδίσαντο. καὶ τὰ μὲν κατὰ τοὺσ Ἕλληνασ ἐν τούτοισ ἦν.

κατὰ δὲ τὴν Ἰταλίαν Φιδηνᾶται μέν, παραγενομένων εἰσ τὴν πόλιν αὐτῶν πρέσβεων ἐκ τῆσ Ῥώμησ, ἐπὶ μικραῖσ αἰτίαισ ἀνεῖλον τούτουσ. ἐφ’ οἷσ οἱ Ῥωμαῖοι παροξυνθέντεσ ἐψηφίσαντο πολεμεῖν, καὶ προχειρισάμενοι δύναμιν ἀξιόλογον εἵλοντο δικτάτωρα Ἄνιον Αἰμίλιον καὶ μετὰ τούτου κατὰ τὸ ἔθοσ Αὖλον Κορνήλιον ἵππαρχον.

ὁ δ’ Αἰμίλιοσ παρασκευασάμενοσ τὰ πρὸσ τὸν πόλεμον, ἀνέζευξε μετὰ τῆσ δυνάμεωσ ἐπὶ τοὺσ Φιδηνάτασ.

ἀντιταξαμένων δὲ τῶν Φιδηνατῶν ἐγένετο μάχη ἐπὶ πολὺν χρόνον ἰσχυρά, καὶ πολλῶν παρ’ ἀμφοτέροισ πεσόντων ἰσόρροποσ ὁ ἀγὼν ἐγένετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 79

(디오도로스 시켈로스, Library, book xii, chapter 79)

상위

목록

SEARCH

MENU NAVIGATION