헬라어 문장 검색 - Διοδορ́Λιβραρψ́5́45́

(디오도로스 시켈로스, Library, book xii, chapter 76)

Λακεδαιμόνιοι δὲ ὁρῶντεσ ἐπ’ αὐτοὺσ συνισταμένην τὴν Πελοπόννησον καὶ προορώμενοι τὸ μέγεθοσ τοῦ πολέμου, τὰ κατὰ τὴν ἡγεμονίαν ὡσ ἦν δυνατὸν ἠσφαλίζοντο. καὶ πρῶτον μὲν τοὺσ μετὰ Βρασίδα κατὰ τὴν Θρᾴκην ἐστρατευμένουσ Εἵλωτασ ὄντασ χιλίουσ ἠλευθέρωσαν, μετὰ δὲ ταῦτα τοὺσ ἐν τῇ Σφακτηρίᾳ νήσῳ ληφθέντασ αἰχμαλώτουσ Σπαρτιάτασ ἀτιμίᾳ περιβεβληκότεσ, ὡσ τὴν Σπάρτην ἀδοξοτέραν πεποιηκότασ, ἀπέλυσαν τῆσ ἀτιμίασ. ἀκολούθωσ δὲ τούτοισ τοῖσ κατὰ τὸν πόλεμον ἐπαίνοισ καὶ τιμαῖσ προετρέποντο τὰσ προγεγενημένασ ἀνδραγαθίασ ἐν τοῖσ μέλλουσιν ἀγῶσιν ὑπερβάλλεσθαι·

τοῖσ τε συμμάχοισ ἐπιεικέστερον προσεφέροντο, καὶ ταῖσ φιλανθρωπίαισ τοὺσ ἀλλοτριωτάτουσ αὐτῶν ἐθεράπευον. Ἀθηναῖοι δὲ τοὐναντίον τῷ φόβῳ βουλόμενοι καταπλήξασθαι τοὺσ ἐν ὑποψίᾳ ἀποστάσεωσ ὄντασ, παράδειγμα πᾶσιν ἀνέδειξαν τὴν ἐκ τῶν Σκιωναίων τιμωρίαν·

ἐκπολιορκήσαντεσ γὰρ αὐτοὺσ καὶ πάντασ ἡβηδὸν κατασφάξαντεσ, παῖδασ μὲν καὶ γυναῖκασ ἐξηνδραποδίσαντο,τὴν δὲ νῆσον οἰκεῖν παρέδοσαν τοῖσ Πλαταιεῦσιν, ἐκπεπτωκόσι δι’ ἐκείνουσ ἐκ τῆσ πατρίδοσ. περὶ δὲ τοὺσ αὐτοὺσ χρόνουσ κατὰ τὴν Ἰταλίαν Καμπανοὶ μεγάλῃ δυνάμει στρατεύσαντεσ ἐπὶ Κύμην ἐνίκησαν μάχῃ τοὺσ Κυμαίουσ καὶ τοὺσ πλείουσ τῶν ἀντιταχθέντων κατέκοψαν.

προσκαθεζόμενοι δὲ τῇ πολιορκίᾳ καὶ πλείουσ προσβολὰσ ποιησάμενοι κατὰ κράτοσ εἷλον τὴν πόλιν. διαρπάσαντεσ δ’ αὐτὴν καὶ τοὺσ καταληφθέντασ ἐξανδραποδισάμενοι τοὺσ ἱκανοὺσ οἰκήτορασ ἐξ αὑτῶν ἀπέδειξαν. ἐπ’ ἄρχοντοσ δ’ Ἀθήνησιν Ἀστυφίλου Ῥωμαῖοι κατέστησαν ὑπάτουσ Λεύκιον Κοί̈ντιον καὶ Αὖλον Σεμπρώνιον, Ἠλεῖοι δ’ ἤγαγον Ὀλυμπιάδα ἐνενηκοστήν, καθ’ ἣν ἐνίκα στάδιον Ὑπέρβιοσ Συρακόσιοσ.

ἐπὶ δὲ τούτων Ἀθηναῖοι μὲν κατά τινα χρησμὸν Δηλίοισ ἀπέδοσαν τὴν νῆσον, καὶ κατῆλθον εἰσ τὴν πατρίδα οἱ τὸ Ἀδραμύτιον οἰκοῦντεσ Δήλιοι. τῶν δὲ Ἀθηναίων οὐκ ἀποδόντων Λακεδαιμονίοισ τὴν Πύλον, πάλιν αἱ πόλεισ αὗται πρὸσ ἀλλήλασ διεφέροντο καὶ πολεμικῶσ εἶχον.

ἃ δὴ πυθόμενοσ ὁ δῆμοσ τῶν Ἀργείων ἔπεισε τοὺσ Ἀθηναίουσ φιλίαν συνθέσθαι πρὸσ τοὺσ Ἀργείουσ. αὐξομένησ δὲ τῆσ διαφορᾶσ, οἱ μὲν Λακεδαιμόνιοι τοὺσ Κορινθίουσ ἔπεισαν ἐγκαταλιπεῖν τὴν κοινὴν σύνοδον καὶ συμμαχεῖν τοῖσ Λακεδαιμονίοισ.

τοιαύτησ δὲ ταραχῆσ γενομένησ καὶ ἀναρχίασ οὔσησ, τὰ κατὰ τὴν Πελοπόννησον ἐν τούτοισ ἦν. ἐν δὲ τοῖσ ἐκτὸσ τόποισ Αἰνιᾶνεσ καὶ Δόλοπεσ καὶ Μηλιεῖσ συμφρονήσαντεσ δυνάμεσιν ἀξιολόγοισ ἐστράτευσαν ἐπὶ τὴν Ἡράκλειαν τὴν ἐν Τραχῖνι.

ἀντιταχθέντων δὲ τῶν Ἡρακλεωτῶν, καὶ μάχησ γενομένησ ἰσχυρᾶσ, ἡττήθησαν οἱ τὴν Ἡράκλειαν κατοικοῦντεσ. πολλοὺσ δ’ ἀποβαλόντεσ στρατιώτασ, καὶ συμφυγόντεσ ἐντὸσ τῶν τειχῶν, μετεπέμψαντο βοήθειαν παρὰ τῶν Βοιωτῶν. ἀποστειλάντων δ’ αὐτοῖσ τῶν Θηβαίων χιλίουσ ὁπλίτασ ἐπιλέκτουσ, μετ’ αὐτῶν ἠμύνοντο τοὺσ ἐπεστρατευκότασ. ἅμα δὲ τούτοισ πραττομένοισ Ὀλύνθιοι μὲν στρατεύσαντεσ ἐπὶ πόλιν Μηκύβερναν, φρουρουμένην ὑπ’ Ἀθηναίων, τὴν μὲν φρουρὰν ἐξέβαλον, αὐτοὶ δὲ τὴν πόλιν κατέσχον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 76

(디오도로스 시켈로스, Library, book xii, chapter 76)

상위

목록

SEARCH

MENU NAVIGATION