헬라어 문장 검색 - Διοδορ́Λιβραρψ́5́39́

(디오도로스 시켈로스, Library, book xii, chapter 65)

τούτου δὲ τοῦ ἔτουσ διελθόντοσ Ἀθήνησι μὲν ἦν ἄρχων Ἴσαρχοσ, ἐν δὲ τῇ Ῥώμῃ καθειστήκεσαν ὕπατοι Τίτοσ Κοί̈ντιοσ καὶ Γάιοσ Ιοὔλιοσ, παρὰ δὲ Ἠλείοισ Ὀλυμπιὰσ ἤχθη ἐνάτη καὶ ὀγδοηκοστή, καθ’ ἣν ἐνίκα στάδιον Σύμμαχοσ τὸ δεύτερον. ἐπὶ δὲ τούτων Ἀθηναῖοι στρατηγὸν καταστήσαντεσ Νικίαν τὸν Νικηράτου, καὶ παραδόντεσ αὐτῷ τριήρεισ μὲν ἑξήκοντα, ὁπλίτασ δὲ τρισχιλίουσ, προσέταξαν πορθῆσαι τοὺσ Λακεδαιμονίων συμμάχουσ. οὗτοσ δ’ ἐπὶ πρώτην τὴν Μῆλον πλεύσασ τήν τε χώραν ἐδῄωσε καὶ τὴν πόλιν ἐφ’ ἱκανὰσ ἡμέρασ ἐπολιόρκησεν·

αὕτη γὰρ μόνη τῶν Κυκλάδων νήσων διεφύλαττε τὴν πρὸσ Λακεδαιμονίουσ συμμαχίαν, ἄποικοσ οὖσα τῆσ Σπάρτησ. ὁ δὲ Νικίασ, γενναίωσ ἀμυνομένων τῶν Μηλίων οὐ δυνάμενοσ ἑλεῖν τὴν πόλιν, ἀπέπλευσεν εἰσ Ὠρωπὸν τῆσ Βοιωτίασ.

ἐνταῦθα δὲ τὰσ ναῦσ ἀπολιπὼν παρῆλθεν εἰσ τὴν τῶν Ταναγραίων χώραν μετὰ τῶν ὁπλιτῶν, καὶ κατέλαβεν ἐνταῦθα δύναμιν ἑτέραν Ἀθηναίων, ἧσ ἐστρατήγει Ἱππόνικοσ ὁ Καλλίου. συνελθόντων δὲ εἰσ ταὐτὸ τῶν στρατοπέδων ἀμφοτέρων, οὗτοι μὲν ἐπεπορεύοντο τὴν χώραν πορθοῦντεσ, τῶν δὲ Θηβαίων ἐκβοηθούντων συνάψαντεσ αὐτοῖσ μάχην οἱ Ἀθηναῖοι καὶ πολλοὺσ ἀνελόντεσ ἐνίκησαν.

μετὰ δὲ τὴν μάχην οἱ μεθ’ Ἱππονίκου στρατιῶται τὴν εἰσ Ἀθήνασ ἐπάνοδον ἐποιήσαντο, Νικίασ δὲ παρελθὼν ἐπὶ τὰσ ναῦσ παρέπλευσεν ἐπὶ τὴν Λοκρίδα, καὶ τὴν παραθαλάττιον χώραν πορθήσασ προσελάβετο παρὰ τῶν συμμάχων τριήρεισ τετταράκοντα, ὥστε τὰσ πάσασ ἔχειν αὐτὸν ναῦσ ἑκατόν·

καταλέξασ δὲ καὶ πεζοὺσ στρατιώτασ οὐκ ὀλίγουσ, καὶ δύναμιν ἀξιόλογον συστησάμενοσ, ἔπλευσεν ἐπὶ τὴν Κόρινθον. ἀποβιβάσαντοσ δ’ αὐτοῦ τοὺσ στρατιώτασ, καὶ τῶν Κορινθίων ἀντιταχθέντων, οἱ Ἀθηναῖοι δυσὶ μάχαισ ἐνίκησαν καὶ πολλοὺσ τῶν πολεμίων ἀνελόντεσ τρόπαιον ἔστησαν.

ἐτελεύτησαν δ’ ἐν τῇ μάχῃ τῶν Ἀθηναίων εἰσ ὀκτώ, τῶν δὲ Κορινθίων πλείουσ τῶν τριακοσίων. ὁ δὲ Νικίασ πλεύσασ εἰσ Κρομμυῶνα τήν τε χώραν ἐδῄωσε καὶ τὸ φρούριον ἐχειρώσατο.

εὐθὺσ δ’ ἐπαναζεύξασ καὶ τειχίσασ φρούριον ἐν τῇ Μεθώνῃ, φυλακὴν κατέλιπε τὴν τὸ χωρίον ἅμα φυλάξουσαν καὶ τὴν ἐγγὺσ χώραν δῃώσουσαν· αὐτὸσ δὲ τὴν παραθαλάττιον πορθήσασ ἐπανῆλθεν εἰσ τὰσ Ἀθήνασ. μετὰ δὲ ταῦτα ἐπὶ Κύθηρα ναῦσ ἀπέστειλαν ἑξήκοντα καὶ δισχιλίουσ ὁπλίτασ, ὧν εἶχε τὴν στρατηγίαν Νικίασ μετ’ ἄλλων τινῶν.

οὗτοσ δὲ στρατεύσασ ἐπὶ τὴν νῆσον καὶ προσβολὰσ ποιησάμενοσ παρέλαβε τὴν πόλιν καθ’ ὁμολογίαν. ἐν δὲ τῇ νήσῳ καταλιπὼν φρουρὰν ἐξέπλευσεν εἰσ τὴν Πελοπόννησον καὶ τὴν παραθαλάττιον χώραν ἐδῄωσε. καὶ Θυρέασ μὲν κειμένασ ἐν τοῖσ μεθορίοισ τῆσ Λακωνικῆσ καὶ τῆσ Ἀργείασ ἐκπολιορκήσασ ἐξηνδραποδίσατο καὶ κατέσκαψε, τοὺσ δ’ ἐν αὐτῇ κατοικοῦντασ Αἰγινήτασ καὶ τὸν φρούραρχον Τάνταλον Σπαρτιάτην ζωγρήσασ ἀπήγαγεν εἰσ τὰσ Ἀθήνασ.

οἱ δὲ Ἀθηναῖοι τὸν μὲν Τάνταλον δήσαντεσ ἐφύλαττον μετὰ τῶν ἄλλων αἰχμαλώτων καὶ τοὺσ Αἰγινήτασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 65

(디오도로스 시켈로스, Library, book xii, chapter 65)

상위

목록

SEARCH

MENU NAVIGATION