헬라어 문장 검색 - Διοδορ́Λιβραρψ́5́27́

(디오도로스 시켈로스, Library, book xii, chapter 41)

αἰτίαι μὲν οὖν τοῦ Πελοποννησιακοῦ πολέμου τοιαῦταί τινεσ ὑπῆρξαν, ὡσ Ἔφοροσ ἀνέγραψε. τῶν δ’ ἡγουμένων πόλεων τοῦτον τὸν τρόπον εἰσ πόλεμον ἐμπεσουσῶν, Λακεδαιμόνιοι μὲν μετὰ τῶν Πελοποννησίων συνεδρεύσαντεσ ἐψηφίσαντο πολεμεῖν τοῖσ Ἀθηναίοισ, καὶ πρὸσ τὸν Περσῶν βασιλέα πρεσβεύσαντεσ παρεκάλουν συμμαχεῖν αὐτοῖσ, καὶ τοὺσ κατὰ τὴν Σικελίαν καὶ Ἰταλίαν συμμάχουσ διαπρεσβευσάμενοι διακοσίαισ τριήρεσιν ἔπεισαν βοηθεῖν, αὐτοὶ δὲ μετὰ τῶν Πελοποννησίων τὰσ πεζὰσ δυνάμεισ διατάξαντεσ καὶ τἄλλα τὰ πρὸσ τὸν πόλεμον ἡτοιμασμένοι πρῶτοι τοῦ πολέμου κατήρξαντο. κατὰ γὰρ τὴν Βοιωτίαν ἡ τῶν Πλαταιέων πόλισ αὐτόνομοσ ἦν καὶ συμμαχίαν εἶχε πρὸσ Ἀθηναίουσ.

ἐν ταύτῃ τῶν πολιτῶν τινεσ καταλῦσαι τὴν αὐτονομίαν βουλόμενοι διελέχθησαν τοῖσ Βοιωτοῖσ, ἐπαγγελλόμενοι τὴν πόλιν ὑπὸ τὴν τῶν Θηβαίων τάξειν συντέλειαν καὶ παραδώσειν αὐτοῖσ τὰσ Πλαταιάσ, ἐὰν αὐτοὶ στρατιώτασ πέμψωσι τοὺσ βοηθοῦντασ.

διὸ καὶ τῶν Βοιωτῶν ἀποστειλάντων στρατιώτασ ἐπιλέκτουσ τριακοσίουσ νυκτόσ, οἱ προδόται τούτουσ παρεισαγαγόντεσ ἐντὸσ τῶν τειχῶν κυρίουσ τῆσ πόλεωσ ἐποίησαν.

οἱ δὲ Πλαταιεῖσ βουλόμενοι τὴν πρὸσ Ἀθηναίουσ συμμαχίαν διαφυλάττειν, τὸ μὲν πρῶτον ὑπολαβόντεσ πανδημεὶ τοὺσ Θηβαίουσ παρεῖναι, διεπρεσβεύσαντο πρὸσ τοὺσ κατειληφότασ τὴν πόλιν καὶ παρεκάλουν συνθέσθαι σπονδάσ·

ὡσ δ’ ἡ νὺξ παρῆλθε, κατανοήσαντεσ ὀλίγουσ ὄντασ, συνεστράφησαν καὶ περὶ τῆσ ἐλευθερίασ ἐκθύμωσ ἠγωνίζοντο. γενομένησ δὲ τῆσ μάχησ ἐν ταῖσ ὁδοῖσ, τὸ μὲν πρῶτον οἱ Θηβαῖοι διὰ τὰσ ἀρετὰσ προεῖχον καὶ πολλοὺσ τῶν ἀνθισταμένων ἀνῄρουν·

τῶν δ’ οἰκετῶν καὶ τῶν παίδων ἀπὸ τῶν οἰκιῶν βαλλόντων τὰσ κεραμῖδασ καὶ κατατιτρωσκόντων τοὺσ Θηβαίουσ ἐτράπησαν· καὶ τινὲσ μὲν αὐτῶν ἐκπεσόντεσ ἐκ τῆσ πόλεωσ διεσώθησαν, τινὲσ δὲ εἰσ οἰκίαν τινὰ καταφυγόντεσ ἠναγκάσθησαν παραδοῦναι σφᾶσ αὐτούσ. οἱ δὲ Θηβαῖοι παρὰ τῶν ἐκ τῆσ μάχησ διασωθέντων πυθόμενοι τὰ συμβεβηκότα, παραχρῆμα πανδημεὶ κατὰ σπουδὴν ὡρ́μησαν.

διὰ δὲ τὸ παράδοξον ἀνετοίμων ὄντων τῶν κατὰ τὴν χώραν, πολλοὶ μὲν ἀνῃρέθησαν, οὐκ ὀλίγοι δὲ ζῶντεσ συνελήφθησαν, ἅπασα δ’ ἡ χώρα ταραχῆσ καὶ διαρπαγῆσ ἔγεμεν. οἱ δὲ Πλαταιεῖσ διαπρεσβευσάμενοι πρὸσ τοὺσ Θηβαίουσ ἠξίουν ἀπελθεῖν ἐκ τῆσ χώρασ αὐτῶν καὶ ἀπολαβεῖν τοὺσ αἰχμαλώτουσ.

διὸ καὶ τῆσ συνθέσεωσ ταύτησ γεγενημένησ οἱ μὲν Θηβαῖοι τοὺσ αἰχμαλώτουσ ἀπολαβόντεσ καὶ τὴν λείαν ἀποδόντεσ εἰσ τὰσ Θήβασ ἀπηλλάγησαν, οἱ δὲ Πλαταιεῖσ πρὸσ μὲν Ἀθηναίουσ ἔπεμψαν πρέσβεισ περὶ βοηθείασ, αὐτοὶ δὲ τὰ πλεῖστα ἐκόμισαν εἰσ τὴν πόλιν. οἱ δὲ Ἀθηναῖοι πυθόμενοι τὰ περὶ τὰσ Πλαταιάσ, παραχρῆμα ἐξέπεμψαν τοὺσ ἱκανοὺσ στρατιώτασ·

οὗτοι δὲ κατὰ σπουδὴν παραγενόμενοι, καὶ μὴ φθάσαντεσ τοὺσ Θηβαίουσ, τὰ λοιπὰ τῶν ἀπὸ τῆσ χώρασ κατεκόμισαν εἰσ τὴν πόλιν, καὶ τέκνα καὶ γυναῖκασ καὶ τὸν ὄχλον ἀθροίσαντεσ ἐξαπέστειλαν εἰσ τὰσ Ἀθήνασ. οἱ δὲ Λακεδαιμόνιοι κρίναντεσ καταλελύσθαι τὰσ σπονδὰσ ὑπὸ τῶν Ἀθηναίων, δύναμιν ἀξιόλογον ἤθροισαν ἔκ τε τῆσ Λακεδαίμονοσ καὶ παρὰ τῶν ἄλλων Πελοποννησίων.

συνεμάχουν δὲ τότε Λακεδαιμονίοισ Πελοποννήσιοι μὲν πάντεσ πλὴν Ἀργείων·

οὗτοι δ’ ἡσυχίαν εἶχον· τῶν δ’ ἐκτὸσ τῆσ Πελοποννήσου Μεγαρεῖσ, Ἀμβρακιῶται, Λευκάδιοι, Φωκεῖσ, Βοιωτοί, Λοκροὶ τῶν μὲν πρὸσ Εὔβοιαν ἐστραμμένων οἱ πλείουσ, τῶν δ’ ἄλλων Ἀμφισσεῖσ. τοῖσ δ’ Ἀθηναίοισ συνεμάχουν οἱ τὴν παράλιον τῆσ Ἀσίασ οἰκοῦντεσ Κᾶρεσ καὶ Δωριεῖσ καὶ Ιὤνεσ καὶ Ἑλλησπόντιοι καὶ νησιῶται πάντεσ πλὴν τῶν ἐν Μήλῳ καὶ Θήρᾳ κατοικούντων, ὁμοίωσ δὲ καὶ οἱ ἐπὶ Θρᾴκησ πλὴν Χαλκιδέων καὶ Ποτιδαιατῶν·

πρὸσ δὲ τούτοισ Μεσσήνιοι μὲν οἱ τὴν Ναύπακτον οἰκοῦντεσ καὶ Κερκυραῖοι. τούτων ναυτικὸν παρείχοντο Χῖοι, Λέσβιοι, Κερκυραῖοι, αἱ δ’ ἄλλαι πᾶσαι πεζοὺσ στρατιώτασ ἐξέπεμπον. σύμμαχοι μὲν οὖν ἀμφοτέροισ ὑπῆρχον οἱ προειρημένοι. Λακεδαιμόνιοι δὲ δύναμιν ἀξιόλογον προχειρισάμενοι τὴν ἡγεμονίαν ἔδωκαν Ἀρχιδάμῳ τῷ βασιλεῖ.

οὗτοσ δὲ μετὰ τῆσ δυνάμεωσ ἐνέβαλεν εἰσ τὴν Ἀττικήν, τοῖσ δὲ φρουρίοισ προσβολὰσ ἐποιεῖτο καὶ τῆσ χώρασ πολλὴν ἐδῄωσε. τῶν δ’ Ἀθηναίων παροξυνομένων διὰ τὴν τῆσ χώρασ καταδρομήν, καὶ βουλομένων παρατάξασθαι τοῖσ πολεμίοισ, Περικλῆσ στρατηγὸσ ὢν καὶ τὴν ὅλην ἡγεμονίαν ἔχων παρεκάλει τοὺσ νέουσ ἡσυχίαν ἔχειν, ἐπαγγελλόμενοσ ἄνευ κινδύνων ἐκβαλεῖν τοὺσ Λακεδαιμονίουσ ἐκ τῆσ Ἀττικῆσ. πληρώσασ οὖν ἑκατὸν τριήρεισ καὶ δύναμιν ἀξιόλογον εἰσ τὰσ ναῦσ ἐνθέμενοσ, καὶ στρατηγὸν ἐπιστήσασ Καρκίνον καὶ ἑτέρουσ τινάσ, ἐξέπεμψεν εἰσ τὴν Πελοπόννησον.

οὗτοι δὲ πολλὴν τῆσ παραθαλαττίου χώρασ πορθήσαντεσ καί τινα τῶν φρουρίων ἑλόντεσ κατεπλήξαντο τοὺσ Λακεδαιμονίουσ· διὸ καὶ τὴν ἐκ τῆσ Ἀττικῆσ δύναμιν ταχέωσ μεταπεμψάμενοι πολλὴν ἀσφάλειαν τοῖσ Πελοποννησίοισ παρείχοντο. τούτῳ δὲ τῷ τρόπῳ τῆσ Ἀττικῆσ ἐλευθερωθείσησ, ὁ μὲν Περικλῆσ ἀποδοχῆσ ἐτύγχανε παρὰ τοῖσ πολίταισ, ὡσ δυνάμενοσ στρατηγεῖν καὶ τοῖσ Λακεδαιμονίοισ διαπολεμεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 41

(디오도로스 시켈로스, Library, book xii, chapter 41)

상위

목록

SEARCH

MENU NAVIGATION