헬라어 문장 검색 - Διοδορ́Λιβραρψ́5́15́

(디오도로스 시켈로스, Library, book xii, chapter 23)

ἐπ’ ἄρχοντοσ δ’ Ἀθήνησι Πραξιτέλουσ Ὀλυμπιὰσ μὲν ἤχθη τετάρτη πρὸσ ταῖσ ὀγδοήκοντα, καθ’ ἣν ἐνίκα στάδιον Κρίσων Ἱμεραῖοσ, ἐν δὲ τῇ Ῥώμῃ δέκα ἄνδρεσ κατεστάθησαν νομογράφοι, Πόπλιοσ Κλώδιοσ Ῥηγιλλανόσ, Τίτοσ Μινύκιοσ, Σπόριοσ Οὐετούριοσ, Γάιοσ Ιοὔλιοσ, Σουλπίκιοσ, Πόπλιοσ Σήστιοσ, Ῥωμύλοσ, Σπόριοσ Ποστούμιοσ Καλβίνιοσ. οὗτοι τοὺσ νόμουσ συνετέλεσαν.

ἐπὶ δὲ τούτων Θούριοι μὲν διαπολεμοῦντεσ πρὸσ Ταραντίνουσ τὰσ ἀλλήλων χώρασ ἐπόρθουν καὶ κατὰ γῆν καὶ κατὰ θάλατταν, καὶ πολλὰσ μὲν μικρὰσ μάχασ καὶ ἀκροβολισμοὺσ ἐποιήσαντο, ἀξιόλογον δὲ πρᾶξιν οὐδεμίαν συνετέλεσαν. ἐπ’ ἄρχοντοσ δ’ Ἀθήνησι Λυσανίου Ῥωμαῖοι πάλιν δέκα ἄνδρασ νομοθέτασ εἵλοντο, Ἄππιον Κλώδιον, Μάρκον Κορνήλιον, Λεύκιον Μινύκιον, Γάιον Σέργιον, Κόιντον Πόπλιον, Μάνιον Ῥαβολήιον, Σπόριον Οὐετούριον.

οὗτοι δὲ τοὺσ νόμουσ οὐκ ἠδυνήθησαν συντελέσαι.

εἷσ δ’ ἐξ αὐτῶν ἐρασθεὶσ εὐγενοῦσ παρθένου πενιχρᾶσ, τὸ μὲν πρῶτον χρήμασι διαφθεῖραι τὴν κόρην ἐπεβάλετο, ὡσ δ’ οὐ προσεῖχεν αὐτῷ, ἐπαπέστειλε συκοφάντην ἐπ’ αὐτήν, προστάξασ ἄγειν εἰσ δουλείαν. τοῦ δὲ συκοφάντου φήσαντοσ ἰδίαν αὑτοῦ εἶναι δούλην καὶ πρὸσ τὸν ἄρχοντα καταστήσαντοσ δουλαγωγουμένην, προσαγαγὼν κατηγόρησεν ὡσ δούλησ.

τοῦ δὲ διακούσαντοσ τῆσ κατηγορίασ καὶ τὴν κόρην ἐγχειρίσαντοσ, ἐπιλαβόμενοσ ὁ συκοφάντησ ἀπῆγεν ὡσ ἰδίαν δούλην. ὁ δὲ πατὴρ τῆσ παρθένου παρὼν καὶ δεινοπαθῶν, ὡσ οὐδεὶσ αὐτῷ προσεῖχε, παραπορευόμενοσ κατὰ τύχην παρὰ κρεοπώλιον, ἁρπάσασ τὴν παρακειμένην ἐπὶ τῆσ σανίδοσ κοπίδα, ταύτῃ πατάξασ τὴν θυγατέρα ἀπέκτεινεν, ἵνα μὴ τῆσ ὕβρεωσ λάβῃ πεῖραν, αὐτὸσ δ’ ἐκ τῆσ πόλεωσ ἐκπηδήσασ ἀπῆλθε πρὸσ τὸ στρατόπεδον τὸ ἐν τῷ Ἀλγίδῳ καλουμένῳ τότε ὑπάρχον.

καταφυγὼν δὲ ἐπὶ τὸ πλῆθοσ καὶ μετὰ δακρύων τὴν καθ’ αὑτὸν συμφορὰν ἀπαγγείλασ, ἅπαντασ ἤγαγεν εἰσ ἔλεον καὶ πολλὴν συμπάθειαν.

πάντων δ’ ἐπιβοηθεῖν τοῖσ ἠτυχηκόσιν ὁρμησάντων, μετὰ τῶν ὅπλων νυκτὸσ εἰσ τὴν Ῥώμην εἰσέπεσον. οὗτοι μὲν οὖν κατελάβοντο λόφον τὸν ὀνομαζόμενον Αουἐντῖνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 23

(디오도로스 시켈로스, Library, book xii, chapter 23)

상위

목록

SEARCH

MENU NAVIGATION