헬라어 텍스트

Diodorus Siculus, Library, book xii, chapter 21

(디오도로스 시켈로스, Library, book xii, chapter 21)

τῶν γὰρ ἄλλων ἁπάντων ἁμαρτανουσῶν γυναικῶν ἀργυρικὰσ ζημίασ τεταχότων οὗτοσ φιλοτέχνῳ προστίμῳ τὰσ ἀκολασίασ αὐτῶν διωρθώσατο. ἔγραψε γὰρ οὕτω· γυναικὶ ἐλευθέρᾳ μὴ πλείω ἀκολουθεῖν μιᾶσ θεραπαινίδοσ, ἐὰν μὴ μεθύῃ, μηδὲ ἐξιέναι νυκτὸσ ἐκ τῆσ πόλεωσ εἰ μὴ μοιχευομένην, μηδὲ περιτίθεσθαι χρυσία μηδὲ ἐσθῆτα παρυφασμένην, ἐὰν μὴ ἑταίρα ᾖ, μηδὲ τὸν ἄνδρα φορεῖν δακτύλιον ὑπόχρυσον μηδὲ ἱμάτιον ἰσομιλήσιον, ἐὰν μὴ ἑταιρεύηται ἢ μοιχεύηται. διὸ καὶ ῥᾳδίωσ ταῖσ τῶν προστίμων αἰσχραῖσ ὑπεξαιρέσεσιν ἀπέτρεψε τῆσ βλαβερᾶσ τρυφῆσ καὶ ἀκολασίασ τῶν ἐπιτηδευμάτων·

οὐδεὶσ γὰρ ἐβούλετο τὴν αἰσχρὰν ἀκολασίαν ὁμολογήσασ καταγέλαστοσ ἐν τοῖσ πολίταισ εἶναι. πολλὰ δὲ καὶ ἄλλα τῶν συμβολαίων καὶ τῶν ἄλλων τῶν κατὰ τὸν βίον ἀμφισβητουμένων καλῶσ ἐνομοθέτησε, περὶ ὧν ἡμῖν μακρὸν ἂν εἰή γράφειν καὶ τῆσ ὑποκειμένησ ἱστορίασ ἀνοίκειον·

διόπερ ἐπὶ τὰ συνεχῆ τοῖσ προειρημένοισ ἀναβιβάσομεν τὸν λόγον.