Plutarch, chapter 12 1:

ὅτι μὲν οὖν ἡ κτίσισ ἡμέρᾳ γένοιτο τῇ πρὸ ἕνδεκα καλανδῶν Μαί̈ων, ὁμολογεῖται, καὶ τὴν ἡμέραν ταύτην ἑορτάζουσι Ῥωμαῖοι, γενέθλιον τῆσ πατρίδοσ ὀνομάζοντεσ. ἐν ἀρχῇ δ’ ὥσ φασιν οὐδὲν ἔμψυχον ἔθυον, ἀλλὰ καθαρὰν καὶ ἀναίμακτον ᾤοντο δεῖν τῇ πατρίδι τὴν ἐπώνυμον τῆσ γενέσεωσ ἑορτὴν φυλάττειν. οὐ μὴν ἀλλὰ καὶ πρὸ τῆσ κτίσεωσ βοτηρική τισ ἦν αὐτοῖσ ἑορτὴ κατὰ ταύτην τὴν ἡμέραν, καὶ Παρίλια προσηγόρευον αὐτήν.