Plutarch, chapter 19

(플루타르코스, chapter 19)

ἐνταῦθα δ’ αὐτοὺσ ὥσπερ ἐξ ὑπαρχῆσ μάχεσθαι παρασκευαζομένουσ ἐπέσχε δεινὸν ἰδεῖν θέαμα καὶ λόγου κρείττων ὄψισ. αἱ γὰρ ἡρπασμέναι θυγατέρεσ τῶν Σαβίνων ὤφθησαν ἀλλαχόθεν ἄλλαι μετὰ βοῆσ καὶ ἀλαλαγμοῦ διὰ τῶν ὅπλων φερόμεναι καὶ τῶν νεκρῶν ὥσπερ ἐκ θεοῦ κάτοχοι, πρόσ τε τοὺσ ἄνδρασ αὑτῶν καὶ τοὺσ πατέρασ, αἱ μὲν παιδία κομίζουσαι νήπια πρὸσ ταῖσ ἀγκάλαισ, αἱ δὲ τὴν κόμην προϊσχόμεναι λελυμένην, πᾶσαι δ’ ἀνακαλούμεναι τοῖσ φιλτάτοισ ὀνόμασι ποτὲ μὲν τοὺσ Σαβίνουσ, ποτὲ δὲ τοὺσ Ῥωμαίουσ. ἐπεκλάσθησαν οὖν ἀμφότεροι, καὶ διέσχον αὐταῖσ ἐν μέσῳ καταστῆναι τῆσ παρατάξεωσ, καὶ κλαυθμὸσ ἅμα διὰ πάντων ἐχώρει, καὶ πολὺσ οἶκτοσ ἦν πρόσ τε τὴν ὄψιν καὶ τοὺσ λόγουσ ἔτι μᾶλλον, εἰσ ἱκεσίαν καὶ δέησιν ἐκ δικαιολογίασ καὶ παρρησίασ τελευτῶντασ.

" τί γάρ ἔφασαν ὑμᾶσ δεινὸν ἢ λυπηρὸν ἐργασάμεναι, τὰ μὲν ἤδη πεπόνθαμεν, τὰ δὲ πάσχομεν τῶν σχετλίων κακῶν;

ἡρπάσθημεν ὑπὸ τῶν νῦν ἐχόντων βίᾳ καὶ παρανόμωσ, ἁρπασθεῖσαι δ’ ἠμελήθημεν ὑπ’ ἀδελφῶν καὶ πατέρων καὶ οἰκείων χρόνον τοσοῦτον, ὅσοσ ἡμᾶσ πρὸσ τὰ ἔχθιστα κεράσασ ταῖσ μεγίσταισ ἀνάγκαισ πεποίηκε νῦν ὑπὲρ τῶν βιασαμένων καὶ παρανομησάντων δεδιέναι μαχομένων καὶ κλαίειν θνῃσκόντων. οὐ γὰρ ἤλθετε τιμωρήσοντεσ ἡμῖν παρθένοισ οὔσαισ ἐπὶ τοὺσ ἀδικοῦντασ, ἀλλὰ νῦν ἀνδρῶν ἀποσπᾶτε γαμετὰσ καὶ τέκνων μητέρασ, οἰκτροτέραν βοήθειαν ἐκείνησ τῆσ ἀμελείασ καὶ προδοσίασ βοηθοῦντεσ ἡμῖν ταῖσ ἀθλίαισ.

τοιαῦτα μὲν ἠγαπήθημεν ὑπὸ τούτων, τοιαῦτα δ’ ὑφ’ ὑμῶν ἐλεούμεθα. καὶ γὰρ εἰ δι’ ἄλλην αἰτίαν ἐμάχεσθε, παύσασθαι δι’ ἡμᾶσ πενθεροὺσ γεγονότασ καὶ πάππουσ καὶ οἰκείουσ ὄντασ ἐχρῆν. εἰ δ’ ὑπὲρ ἡμῶν ὁ πόλεμόσ ἐστι, κομίσασθε ἡμᾶσ μετὰ γαμβρῶν καὶ τέκνων, καὶ ἀπόδοτε ἡμῖν πατέρασ καὶ οἰκείουσ, μηδ’ ἀφέλησθε παῖδασ καὶ ἄνδρασ.

ἱκετεύομεν ὑμᾶσ μὴ πάλιν αἰχμάλωτοι γενέσθαι. " τοιαῦτα πολλὰ τῆσ Ἑρσιλίασ προαγορευούσησ καὶ τῶν ἄλλων δεομένων, ἐσπείσθησαν ἀνοχαί, καὶ συνῆλθον εἰσ λόγουσ οἱ ἡγεμόνεσ. αἱ δὲ γυναῖκεσ ἐν τούτῳ τοῖσ πατράσι καὶ τοῖσ ἀδελφοῖσ τοὺσ ἄνδρασ προσῆγον καὶ τά τέκνα, προσέφερόν τε τροφὴν καὶ ποτὸν τοῖσ δεομένοισ, καὶ τοὺσ τετρωμένουσ ἐθεράπευον οἴκαδε κομίζουσαι, καὶ παρεῖχον ὁρᾶν ἀρχούσασ μὲν αὑτὰσ τοῦ οἴκου, προσέχοντασ δὲ τοὺσ ἄνδρασ αὐταῖσ καὶ μετ’ εὐνοίασ τιμὴν ἅπασαν νέμοντασ.

ἐκ τούτου συντίθενται, τῶν μὲν γυναικῶν τὰσ βουλομένασ συνοικεῖν τοῖσ ἔχουσιν, ὥσπερ εἴρηται παντὸσ ἔργου καὶ πάσησ λατρείασ πλὴν ταλασίασ ἀφειμένασ, οἰκεῖν δὲ κοινῇ τὴν πόλιν Ῥωμαίουσ καὶ Σαβίνουσ, καὶ καλεῖσθαι μὲν Ῥώμην ἐπὶ Ῥωμύλῳ τὴν πόλιν, Κυρίτασ δὲ Ῥωμαίουσ ἅπαντασ ἐπὶ τῇ Τατίου πατρίδι, βασιλεύειν δὲ κοινῇ καὶ στρατηγεῖν ἀμφοτέρουσ.

ὅπου δὲ ταῦτα συνέθεντο, μέχρι νῦν Κομίτιον καλεῖται· κομῖρε γὰρ Ῥωμαῖοι τὸ συνελθεῖν καλοῦσι.

일치하는 문장이 없습니다.

SEARCH

MENU NAVIGATION