헬라어 문장 검색 - Πλυταρ́Ρομυλυσ́18́

(플루타르코스, chapter 18)

τῆσ μέντοι Ταρπηίασ ἐκεῖ ταφείσησ, ὁ λόφοσ ὠνομάζετο Ταρπήιοσ, ἄχρι οὗ Ταρκυνίου βασιλέωσ Διὶ τὸν τόπον καθιεροῦντοσ ἅμα τά τε λείψανα μετηνέχθη, καὶ τοὔνομα τῆσ Ταρπηίασ ἐξέλιπε· πλὴν πέτραν ἔτι νῦν ἐν τῷ Καπιτωλίῳ Ταρπηίαν καλοῦσιν, ἀφ’ ἧσ ἐρρίπτουν τοὺσ κακούργουσ. ἐχομένησ δὲ τῆσ ἄκρασ ὑπὸ τῶν Σαβίνων, ὅ τε Ῥωμύλοσ ὑπ’ ὀργῆσ εἰσ μάχην αὐτοὺσ προὐκαλεῖτο, καὶ ὁ Τάτιοσ ἐθάρρει, καρτερὰν εἰ βιασθεῖεν ἀναχώρησιν ὁρῶν αὐτοῖσ ὑπάρχουσαν.

ὁ γὰρ μεταξὺ τόποσ, ἐν ᾧ συμπίπτειν ἔμελλον, ὑπὸ πολλῶν λόφων περιεχόμενοσ, ἀγῶνα μὲν ὀξὺν ἐδόκει καὶ χαλεπὸν ὑπὸ δυσχωρίασ ἀμφοτέροισ παρέξειν, φυγὰσ δὲ καὶ διώξεισ ἐν στενῷ βραχείασ. ἔτυχε δὲ τοῦ ποταμοῦ λιμνάσαντοσ οὐ πολλαῖσ πρότερον ἡμέραισ ἐγκαταλελεῖφθαι τέλμα βαθὺ καὶ τυφλὸν ἐν τόποισ ἐπιπέδοισ κατὰ τὴν νῦν οὖσαν ἀγοράν, ὅθεν οὐκ ἦν ὄψει πρόδηλον οὐδ’ εὐφύλακτον, ἄλλωσ δὲ χαλεπὸν καὶ ὕπουλον.

ἐπὶ τοῦτο τοῖσ Σαβίνοισ ἀπειρίᾳ φερομένοισ εὐτύχημα γίγνεται. Κούρτιοσ γάρ, ἀνὴρ ἐπιφανὴσ δόξῃ καὶ φρονήματι γαῦροσ, ἵππον ἔχων πολὺ πρὸ τῶν ἄλλων ἐχώρει·

δεξαμένου δὲ τοῦ βαράθρου τὸν ἵππον, ἄχρι μέν τινοσ ἐπειρᾶτο πληγῇ καὶ παρακελεύσει χρώμενοσ ἐξελαύνειν, ὡσ δ’ ἦν ἀμήχανον, ἐάσασ τὸν ἵππον ἑαυτὸν ἔσῳζεν. ὁ μὲν οὖν τόποσ δι’ ἐκεῖνον ἔτι νῦν Κούρτειοσ λάκκοσ ὀνομάζεται· φυλαξάμενοι δὲ τὸν κίνδυνον οἱ Σαβῖνοι μάχην καρτερὰν ἐμαχέσαντο, κρίσιν οὐ λαβοῦσαν, καίτοι πολλῶν πεσόντων, ἐν οἷσ ἦν καὶ Ὁστίλιοσ. τοῦτον Ἑρσιλίασ ἄνδρα καὶ πάππον Ὁστιλίου τοῦ μετὰ Νομᾶν βασιλεύσαντοσ γενέσθαι λέγουσιν.

αὖθισ δὲ πολλῶν ἀγώνων ἐν βραχεῖ συνισταμένων ὡσ εἰκόσ, ἑνὸσ μάλιστα τοῦ τελευταίου μνημονεύουσιν, ἐν ᾧ Ῥωμύλου τὴν κεφαλὴν πληγέντοσ λίθῳ καὶ πεσεῖν ὀλίγον δεήσαντοσ τοῦ τ’ ἀντέχειν ὑφεμένου, τοῖσ Σαβίνοισ ἐνέδωκαν οἱ Ῥωμαῖοι καὶ φυγῇ πρὸσ τὸ Παλάτιον ἐχώρουν, ἐξωθούμενοι τῶν ἐπιπέδων. ἤδη δὲ ὁ Ῥωμύλοσ ἐκ τῆσ πληγῆσ ἀναφέρων, ἐβούλετο μὲν εἰσ τὰ ὅπλα χωρεῖν τοῖσ φεύγουσιν ἐναντίωσ, καὶ μέγα βοῶν ἵστασθαι καὶ μάχεσθαι παρεκάλει.

πολλῆσ δὲ τῆσ φυγῆσ αὐτῷ περιχεομένησ, καὶ μηδενὸσ ἀναστρέφειν τολμῶντοσ, ἀνατείνασ εἰσ οὐρανὸν τὰσ χεῖρασ ηὔξατο τῷ Διὶ στῆσαι τὸ στράτευμα καὶ τὰ Ῥωμαίων πράγματα πεσόντα μὴ περιιδεῖν, ἀλλ’ ὀρθῶσαι. γενομένησ δὲ τῆσ εὐχῆσ, αἰδώσ τε τοῦ βασιλέωσ ἔσχε πολλούσ, καὶ θάρσοσ ἐκ μεταβολῆσ παρέστη τοῖσ φεύγουσιν.

ἔστησαν οὖν πρῶτον οὗ νῦν ὁ τοῦ Διὸσ τοῦ Στάτοροσ ἵδρυται νεώσ, ὃν Ἐπιστάσιον ἄν τισ ἑρμηνεύσειεν, εἶτα συνασπίσαντεσ πάλιν ἐώσαν ὀπίσω τοὺσ Σαβίνουσ ἐπὶ τὴν νῦν Ῥήγιαν προσαγορευομένην καὶ τὸ τῆσ Ἑστίασ ἱερόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 18

(플루타르코스, chapter 18)

상위

목록

SEARCH

MENU NAVIGATION