헬라어 문장 검색 - Πλυταρ́Ρομυλυσ́06́

(플루타르코스, chapter 6)

τὰ δὲ βρέφη Φαιστύλοσ Ἀμουλίου συφορβὸσ ἀνείλετο λαθὼν ἅπαντασ, ὡσ δ’ ἔνιοί φασι τῶν εἰκότων ἐχόμενοι μᾶλλον, εἰδότοσ τοῦ Νομήτοροσ καὶ συγχορηγοῦντοσ τροφὰσ κρύφα τοῖσ τρέφουσι. καὶ γράμματα λέγονται καὶ τἆλλα μανθάνειν οἱ παῖδεσ εἰσ Γαβίουσ κομισθέντεσ, ὅσα χρὴ τοὺσ εὖ γεγονότασ. κληθῆναι δὲ καὶ τούτουσ ἀπὸ τῆσ θηλῆσ ἱστοροῦσι Ῥωμύλον καὶ Ῥέμον, ὅτι θηλάζοντεσ ὤφθησαν τὸ θηρίον.

ἡ μὲν οὖν ἐν τοῖσ σώμασιν εὐγένεια καὶ νηπίων ὄντων εὐθὺσ ἐξέφαινε μεγέθει καὶ ἰδέᾳ τὴν φύσιν, αὐξόμενοι δὲ θυμοειδεῖσ ἦσαν ἀμφότεροι καὶ ἀνδρώδεισ καὶ φρόνημα πρὸσ τὰ φαινόμενα δεινὰ καὶ τόλμαν ὅλωσ ἀνέκπληκτον ἔχοντεσ· ὁ δὲ Ῥωμύλοσ γνώμῃ τε χρῆσθαι μᾶλλον ἐδόκει καὶ πολιτικὴν ἔχειν σύνεσιν, ἐν ταῖσ περὶ νομὰσ καὶ κυνηγίασ πρὸσ τοὺσ γειτνιῶντασ ἐπιμειξίαισ πολλὴν ἑαυτοῦ παρέχων κατανόησιν ἡγεμονικοῦ μᾶλλον ἢ πειθαρχικοῦ φύσει γεγονότοσ. διὸ τοῖσ μὲν ὁμοδούλοισ ἢ ταπεινοτέροισ προσφιλεῖσ ἦσαν, ἐπιστάτασ δὲ καὶ διόπουσ βασιλικοὺσ καὶ ἀγελάρχασ ὡσ μηδὲν αὐτῶν ἀρετῇ διαφέροντασ ὑπερφρονοῦντεσ, οὔτ’ ἀπειλῆσ ἐφρόντιζον οὔτ’ ὀργῆσ.

ἐχρῶντο δὲ διαίταισ καὶ διατριβαῖσ ἐλευθερίοισ, οὐ τὴν σχολὴν ἐλευθέριον ἡγούμενοι καὶ τὴν ἀπονίαν, ἀλλὰ γυμνάσια καὶ θήρασ καὶ δρόμουσ καὶ τὸ λῃστὰσ ἀλέξασθαι καὶ κλῶπασ ἑλεῖν καὶ βίασ ἐξελέοθαι τοὺσ ἀδικουμένουσ. ἦσαν δὴ διὰ ταῦτα περιβόητοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, chapter 6

(플루타르코스, chapter 6)

상위

목록

SEARCH

MENU NAVIGATION