헬라어 문장 검색 - Πλυταρ́Ρομυλυσ́01́

(플루타르코스, chapter 1)

τὸ μέγα τῆσ Ῥώμησ ὄνομα καὶ δόξῃ διὰ πάντων ἀνθρώπων κεχωρηκὸσ ἀφ’ ὅτου καὶ δι’ ἣν αἰτίαν τῇ πόλει γέγονεν, οὐχ ὡμολόγηται παρὰ τοῖσ συγγραφεῦσιν, ἀλλ’ οἱ μὲν Πελασγούσ, ἐπὶ πλεῖστα τῆσ οἰκουμένησ πλανηθέντασ ἀνθρώπων τε πλείστων κρατήσαντασ, αὐτόθι κατοικῆσαι, καὶ διὰ τὴν ἐν τοῖσ ὅπλοισ ῥώμην οὕτωσ ὀνομάσαι τὴν πόλιν, οἱ δὲ Τροίασ ἁλισκομένησ διαφυγόντασ ἐνίουσ καὶ πλοίων ἐπιτυχόντασ ὑπὸ πνευμάτων τῇ Τυρρηνίᾳ προσπεσεῖν φερομένουσ, καὶ περὶ τὸν Θύμβριν ποταμὸν ὁρμίσασθαι· ταῖσ δὲ γυναιξὶν αὐτῶν, ἀπορουμέναισ ἤδη καὶ δυσανασχετούσαισ πρὸσ τὴν θάλασσαν, ὑποθέσθαι μίαν, ἣ καὶ γένει προὔχειν καὶ φρονεῖν ἐδόκει μάλιστα, Ῥώμην ὄνομα, καταπρῆσαι τὰ πλοῖα.

πραχθέντοσ δὲ τούτου, πρῶτον μὲν ἀγανακτεῖν τοὺσ ἄνδρασ, ἔπειτα δι’ ἀνάγκην ἱδρυνθέντασ περὶ τὸ Παλλάντιον, ὡσ ὀλίγῳ χρόνῳ κρεῖττον ἐλπίδοσ ἔπραττον, ἀγαθῆσ τε πειρώμενοι χώρασ καὶ δεχομένων αὐτοὺσ τῶν προσοίκων, ἄλλην τε τιμὴν ἀπονέμειν τῇ Ῥώμῃ καὶ τὴν πόλιν ἀπ’ αὐτῆσ ὡσ αἰτίασ προσαγορεύειν.

ἐξ ἐκείνου τε παραμένειν λέγουσι τὸ τοὺσ συγγενεῖσ τὰσ γυναῖκασ καὶ οἰκείουσ ἄνδρασ ἀσπάζεσθαι τοῖσ στόμασι·

καὶ γὰρ ἐκείνασ, ὅτε τὰ πλοῖα κατέπρησαν, οὕτωσ ἀσπάζεσθαι καὶ φιλοφρονεῖσθαι τοὺσ ἄνδρασ, δεομένασ αὐτῶν καὶ παραιτουμένασ τὴν ὀργήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 1

(플루타르코스, chapter 1)

상위

목록

SEARCH

MENU NAVIGATION