Plutarch, chapter 4

(플루타르코스, chapter 4)

ἦν δὲ πλησίον ἐρινεόσ, ὃν Ῥωμινάλιον ἐκάλουν, ἢ διὰ τὸν Ῥωμύλον ὡσ οἱ πολλοὶ νομίζουσιν, ἢ διὰ τὸ τὰ μηρυκώμενα τῶν θρεμμάτων ἐκεῖ διὰ τὴν σκιὰν ἐνδιάζειν, ἢ μάλιστα διὰ τὸν τῶν βρεφῶν θηλασμόν, ὅτι τήν τε θηλὴν ῥοῦμαν ὠνόμαζον οἱ παλαιοί, καὶ θεόν τινα τῆσ ἐκτροφῆσ τῶν νηπίων ἐπιμελεῖσθαι δοκοῦσαν ὀνομάζουσι Ῥουμῖναν, καὶ θύουσιν αὐτῇ νηφάλια, καὶ γάλα τοῖσ ἱεροῖσ ἐπισπένδουσιν. ἐνταῦθα δὴ τοῖσ βρέφεσι κειμένοισ τήν τε λύκαιναν ἱστοροῦσι θηλαζομένην καὶ δρυοκολάπτην τινὰ παρεῖναι συνεκτρέφοντα καὶ φυλάττοντα.

νομίζεται δ’ Ἄρεωσ ἱερὰ τὰ ζῷα, τὸν δὲ δρυοκολάπτην καὶ διαφερόντωσ Λατῖνοι σέβονται καὶ τιμῶσιν· ὅθεν οὐχ ἥκιστα πίστιν ἔσχεν ἡ τεκοῦσα τὰ βρέφη τεκεῖν ἐξ Ἄρεωσ φάσκουσα. καίτοι τοῦτο παθεῖν αὐτὴν ἐξαπατηθεῖσαν λέγουσιν, ὑπὸ τοῦ Ἀμουλίου διαπαρθενευθεῖσαν, ἐν ὅπλοισ ἐπιφανέντοσ αὐτῇ καὶ συναρπάσαντοσ. οἱ δὲ τοὔνομα τῆσ τροφοῦ δι’ ἀμφιβολίαν ἐπὶ τὸ μυθῶδεσ ἐκτροπὴν τῇ φήμῃ παρασχεῖν·

λούπασ γὰρ ἐκάλουν οἱ Λατῖνοι τῶν τε θηρίων τὰσ λυκαίνασ καὶ τῶν γυναικῶν τὰσ ἑταιρούσασ· εἶναι δὲ τοιαύτην τὴν Φαιστύλου γυναῖκα τοῦ τὰ βρέφη θρέψαντοσ, Ἄκκαν Λαρεντίαν ὄνομα. ταύτῃ δὲ καὶ θύουσι Ῥωμαῖοι, καὶ χοὰσ ἐπιφέρει τοῦ Ἀπριλίου μηνὸσ αὐτῇ ὁ τοῦ Ἄρεωσ ἱερεύσ, καὶ Λαρενταλίαν καλοῦσι τὴν ἑορτήν.

일치하는 문장이 없습니다.

SEARCH

MENU NAVIGATION