헬라어 문장 검색 - Πλυταρ́Ρομυλυσ́11́

(플루타르코스, chapter 11)

ὁ δὲ Ῥωμύλοσ ἐν τῇ Ῥεμωρίᾳ θάψασ τὸν Ῥέμον ὁμοῦ καὶ τοὺσ τροφεῖσ, ᾤκιζε τὴν πόλιν, ἐκ Τυρρηνίασ μεταπεμψάμενοσ ἄνδρασ ἱεροῖσ τισι θεσμοῖσ καὶ γράμμασιν ὑφηγουμένουσ ἕκαστα καὶ διδάσκοντασ ὥσπερ ἐν τελετῇ. βόθροσ γὰρ ὠρύγη περὶ τὸ νῦν Κομίτιον κυκλοτερήσ, ἀπαρχαί τε πάντων, ὅσοισ νόμῳ μὲν ὡσ καλοῖσ ἐχρῶντο, φύσει δ’ ὡσ ἀναγκαίοισ, ἀπετέθησαν ἐνταῦθα. καὶ τέλοσ ἐξ ἧσ ἀφῖκτο γῆσ ἕκαστοσ ὀλίγην κομίζων μοῖραν ἔβαλλον εἰσ ταὐτὸ καὶ συνεμείγνυον. καλοῦσι δὲ τὸν βόθρον τοῦτον ᾧ καὶ τὸν ὄλυμπον ὀνόματι μοῦνδον.

εἶθ’ ὥσπερ κύκλον κέντρῳ περιέγραψαν τὴν πόλιν. ὁ δ’ οἰκιστὴσ ἐμβαλὼν ἀρότρῳ χαλκῆν ὕνιν, ὑποζεύξασ δὲ βοῦν ἄρρενα καὶ θήλειαν, αὐτὸσ μὲν ἐπάγει περιελαύνων αὔλακα βαθεῖαν τοῖσ τέρμασι, τῶν δ’ ἑπομένων ἔργον ἐστίν, ἃσ ἀνίστησι βώλουσ τὸ ἄροτρον, καταστρέφειν εἴσω καὶ μηδεμίαν ἔξω περιορᾶν ἐκτρεπομένην. τῇ μὲν οὖν γραμμῇ τὸ τεῖχοσ ἀφορίζουσι, καὶ καλεῖται κατὰ συγκοπὴν πωμήριον, οἱο͂ν ὄπισθεν τείχουσ ἢ μετὰ τεῖχοσ·

ὅπου δὲ πύλην ἐμβαλεῖν διανοοῦνται, τὴν ὕνιν ἐξελόντεσ καὶ τὸ ἄροτρον ὑπερθέντεσ διάλειμμα ποιοῦσιν. ὅθεν ἅπαν τὸ τεῖχοσ ἱερὸν πλὴν τῶν πυλῶν νομίζουσι· τὰσ δὲ πύλασ ἱερὰσ νομίζοντασ οὐκ ἦν ἄνευ δεισιδαιμονίασ τὰ μὲν δέχεσθαι, τὰ δ’ ἀποπέμπειν τῶν ἀναγκαίων καὶ μὴ καθαρῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, chapter 11

(플루타르코스, chapter 11)

상위

목록

SEARCH

MENU NAVIGATION