Plutarch, chapter 25 1:

οὕτω δὲ ῥωννυμένοισ τοῖσ πράγμασιν οἱ μὲν ἀσθενέστεροι τῶν προσοίκων ὑπεδύοντο καὶ τυγχάνοντεσ ἀδείασ ἠγάπων, οἱ δὲ δυνατοὶ δεδιότεσ καὶ φθονοῦντεσ, οὐκ ᾤοντο δεῖν περιορᾶν, ἀλλ’ ἐνίστασθαι τῇ αὐξήσει καὶ κολούειν τὸν Ῥωμύλον. πρῶτοι δὲ Τυρρηνῶν Οὐήϊοι, χώραν κεκτημένοι πολλὴν καὶ πόλιν μεγάλην οἰκοῦντεσ, ἀρχὴν ἐποιήσαντο πολέμου Φιδήνην ἀπαιτεῖν ὡσ προσήκουσαν αὐτοῖσ.