Plutarch, chapter 21 3:

περὶ δὲ τῶν Παριλίων προείρηται. τὰ δὲ Λουπερκάλια τῷ μὲν χρόνῳ δόξειεν ἂν εἶναι καθάρσια· δρᾶται γὰρ ἐν ἡμέραισ ἀποφράσι τοῦ Φεβρουαρίου μηνόσ, ὃν καθάρσιον ἄν τισ ἑρμηνεύσειε, καὶ τὴν ἡμέραν ἐκείνην τὸ παλαιὸν ἐκάλουν Φεβράτην. τοὔνομα δὲ τῆσ ἑορτῆσ ἑλληνιστὶ σημαίνει Λύκαια, καὶ δοκεῖ διὰ τοῦτο παμπάλαιοσ ἀπ’ Ἀρκάδων εἶναι τῶν περὶ Εὐάνδρον.