Pausanias, Description of Greece, Ἀχαικά, chapter 17 5:

χρόνῳ δὲ ὕστερον ἐσ Νέρωνα ἡ βασιλεία περιῆλθεν ἡ Ῥωμαίων, καὶ ἐλεύθερον ὁ Νέρων ἀφίησιν ἁπάντων, ἀλλαγὴν πρὸσ δῆμον ποιησάμενοσ τὸν Ῥωμαίων· Σαρδὼ γὰρ τὴν νῆσον ἐσ τὰ μάλιστα εὐδαίμονα ἀντὶ Ἑλλάδοσ σφίσιν ἀντέδωκεν. ἀπιδόντι οὖν ἐσ τοῦτό μοι τοῦ Νέρωνοσ τὸ ἔργον ὀρθότατα εἰρηκέναι Πλάτων ἐφαίνετο ὁ Ἀρίστωνοσ, ὁπόσα ἀδικήματα μεγέθει καὶ τολμήματί ἐστιν ὑπερηρκότα, οὐ τῶν ἐπιτυχόντων εἶναι ταῦτα ἀνθρώπων, ψυχῆσ δὲ γενναίασ ὑπὸ ἀτόπου παιδείασ διεφθαρμένησ.