헬라어 문장 검색 - Παυσαν́Δεσξριπ́7́03́

(파우사니아스, Description of Greece, Ἀχαικά, chapter 3)

Κολοφώνιοι δὲ τὸ μὲν ἱερὸν τὸ ἐν Κλάρῳ καὶ τὸ μαντεῖον ἐκ παλαιοτάτου γενέσθαι νομίζουσιν· ἐχόντων δὲ ἔτι τὴν γῆν Καρῶν ἀφικέσθαι φασὶν ἐσ αὐτὴν πρώτουσ τοῦ Ἑλληνικοῦ Κρῆτασ, Ῥάκιον καὶ ὅσον εἵπετο ἄλλο τῷ Ῥακίῳ καὶ ὅσον ἔτι πλῆθοσ, ἔχον τὰ ἐπὶ θαλάσσῃ καὶ ναυσὶν ἰσχῦον· τῆσ δὲ χώρασ τὴν πολλὴν ἐνέμοντο ἔτι οἱ Κᾶρεσ. Θερσάνδρου δὲ τοῦ Πολυνείκουσ καὶ Ἀργείων ἑλόντων Θήβασ καὶ ἄλλοι τε αἰχμάλωτοι καὶ ἡ Μαντὼ τῷ Ἀπόλλωνι ἐκομίσθησαν ἐσ Δελφούσ· Τειρεσίαν δὲ κατὰ τὴν πορείαν τὸ χρεὼν ἐπέλαβεν ἐν τῇ Ἁλιαρτίᾳ. ἐκπέμψαντοσ δὲ σφᾶσ ἐσ ἀποικίαν τοῦ θεοῦ, περαιοῦνται ναυσὶν ἐσ τὴν Ἀσίαν, καὶ ὡσ κατὰ τὴν Κλάρον ἐγένοντο, ἐπεξίασιν αὐτοῖσ οἱ Κρῆτεσ μετὰ ὅπλων καὶ ἀνάγουσιν ὡσ τὸν Ῥάκιον·

ὁ δὲ ‐ μανθάνει γὰρ παρὰ τῆσ Μαντοῦσ οἵτινέσ τε ἀνθρώπων ὄντεσ καὶ κατὰ αἰτίαν ἥντινα ἥκουσι ‐ λαμβάνει μὲν γυναῖκα τὴν Μαντώ, ποιεῖται δὲ καὶ τοὺσ σὺν αὐτῇ συνοίκουσ. Μόψοσ δὲ ὁ Ῥακίου καὶ Μαντοῦσ καὶ τὸ παράπαν τοὺσ Κᾶρασ ἐξέβαλεν ἐκ τῆσ γῆσ. Ιὤνεσ δὲ ὁρ́κουσ ποιησάμενοι πρὸσ τοὺσ ἐν Κολοφῶνι Ἕλληνασ συνεπολιτεύοντο, οὐδὲν ἔχοντεσ πλέον·

βασιλείαν δὲ Ιὤνων ἡγεμόνεσ Δαμασίχθων λαμβάνει καὶ Πρόμηθοσ Κόδρου παῖδεσ. Πρόμηθοσ δὲ ὕστερον τὸν ἀδελφὸν Δαμασίχθονα ἀποκτείνασ ἔφυγεν ἐσ Νάξον, καὶ ἀπέθανε μὲν αὐτόθι ἐν τῇ Νάξῳ, τὸν νεκρὸν δὲ οἴκαδε ἀπαχθέντα κατεδέξαντο οἱ Δαμασίχθονοε παῖδεσ· καὶ ἔνθα ὁ τοῦ Προμήθου τάφοσ, Πολυτειχίδεσ ὄνομά ἐστι τῷ χωρίῳ. Κολοφωνίοισ δὲ ὅπωσ μὲν τὴν πόλιν συνέπεσεν ἐρημωθῆναι, προεδήλωσέ μοι τοῦ λόγου τὰ ἐσ Λυσίμαχον·

ἐμαχέσαντο δὲ Λυσιμάχῳ καὶ Μακεδόσι Κολοφώνιοι τῶν ἀνοικισθέντων ἐσ Ἔφεσον μόνοι, τοῖσ δὲ ἀποθανοῦσιν ἐν τῇ μάχῃ Κολοφωνίων τε αὐτῶν καὶ Σμυρναίων ἐστὶν ὁ τάφοσ ἰόντι ἐσ Κλάρον ἐν ἀριστερᾷ τῆσ ὁδοῦ.

Λεβεδίοισ δὲ ἐποίησε μὲν Λυσίμαχοσ ἀνάστατον τὴν πόλιν, ἵνα δὴ συντέλεια ἐσ μέγεθοσ τῇ Ἐφέσῳ γένοιτο·

χώρα δέ σφισιν ἔσ τε τὰ λοιπά ἐστιν εὐδαίμων καὶ λουτρὰ παρέχεται θερμὰ πλεῖστα τῶν ἐπὶ θαλάσσῃ καὶ ἥδιστα. τὸ δὲ ἐξ ἀρχῆσ καὶ τὴν Λέβεδον ἐνέμοντο οἱ Κᾶρεσ, ἐσ ὃ Ἀνδραίμων σφᾶσ ὁ Κόδρου καὶ Ιὤνεσ ἐλαύνουσι. τῷ δὲ Ἀνδραίμονι ὁ τάφοσ ἐκ Κολοφῶνοσ ἰόντι ἐστὶν ἐν ἀριστερᾷ τῆσ ὁδοῦ, διαβάντι τὸν Καλάοντα ποταμόν. Τέων δὲ ᾤκουν μὲν Ὀρχομένιοι Μινύαι σὺν Ἀθάμαντι ἐσ αὐτὴν ἐλθόντεσ·

λέγεται δὲ ὁ Ἀθάμασ οὗτοσ ἀπόγονοσ Ἀθάμαντοσ εἶναι τοῦ Αἰόλου. ἀναμεμιγμένοι μὲν τῷ Ἑλληνικῷ καὶ ἐνταῦθα ἦσαν οἱ Κᾶρεσ· ἐσήγαγε δὲ Ιὤνασ ἐσ τὴν Τέων Ἄποικοσ ἀπόγονοσ Μελάνθου τέταρτοσ, ὃσ τοῖσ Ὀρχομενίοισ οὐδὲ τοῖσ Τηίοισ νεώτερον ἐβούλευσεν οὐδέν. ἔτεσι δὲ οὐ πολλοῖσ ὕστερον ἔκ τε Ἀθηναίων καὶ ἐκ Βοιωτίασ ἀφίκοντο ἄνδρεσ· ἡγοῦντο δὲ τοῦ μὲν Ἀττικοῦ Δάμασοσ καὶ Νάοκλοσ Κόδρου παῖδεσ, τῶν δὲ Βοιωτῶν Γέρησ Βοιωτόσ· καὶ σφᾶσ συναμφοτέρουσ ὅ τε Ἄποικοσ καὶ οἱ Τήιοι συνοίκουσ ἐδέξαντο. Ἐρυθραῖοι δὲ τὸ μὲν ἐξ ἀρχῆσ ἀφικέσθαι σὺν Ἐρύθρῳ τῷ Ῥαδαμάνθυόσ φασιν ἐκ Κρήτησ καὶ οἰκιστὴν τῇ πόλει γενέσθαι τὸν Ἔρυθρον·

ἐχόντων δὲ αὐτὴν ὁμοῦ τοῖσ Κρησὶ Λυκίων καὶ Καρῶν τε καὶ Παμφύλων, Λυκίων μὲν κατὰ συγγένειαν τὴν Κρητῶν ‐ καὶ γὰρ οἱ Λύκιοι τὸ ἀρχαῖόν εἰσιν ἐκ Κρήτησ, οἳ Σαρπηδόνι ὁμοῦ ἔφυγον ‐ , Καρῶν δὲ κατὰ φιλίαν ἐκ παλαιοῦ πρὸσ Μίνω, Παμφύλων δὲ ὅτι γένουσ μέτεστιν Ἑλληνικοῦ καὶ τούτοισ ‐ εἰσὶ γὰρ δὴ καὶ οἱ Πάμφυλοι τῶν μετὰ ἅλωσιν Ἰλίου πλανηθέντων σὺν Κάλχαντι ‐ , τούτων τῶν κατειλεγμένων ἐχόντων Ἐρυθράσ, Κλέοποσ ὁ Κόδρου συλλέξασ ἐξ ἁπασῶν τῶν ἐν Ιὠνίᾳ πόλεων ὅσουσ δὴ παρὰ ἑκάστων ἐπεισήγαγεν Ἐρυθραίοισ συνοίκουσ. Κλαζομενίοισ δὲ καὶ Φωκαεῦσι, πρὶν μὲν ἢ Ιὤνασ ἐσ τὴν Ἀσίαν ἐλθεῖν, οὐκ ᾠκοῦντο αἱ πόλεισ·

Ιὤνων δὲ ἀφικομένων μοῖρα ἐξ αὐτῶν πλανωμένη μετεπέμψατο ἡγεμόνα παρὰ Κολοφωνίων Πάρφορον, καὶ πόλιν κτίσαντεσ ὑπὸ τῇ Ἴδῃ τὴν μὲν οὐ μετὰ πολὺ ἐκλείπουσιν, ἐπανιόντεσ δὲ ἐσ Ιὠνίαν Σκύππιον τῆσ Κολοφωνίασ ἔκτισαν. ἀπελθόντεσ δὲ ἑκουσίωσ καὶ ἐκ τῆσ Κολοφωνίασ, οὕτω γῆν τε ἔσχον, ἣν καὶ νῦν ἔτι ἔχουσι, καὶ κατεσκευάσαντο ἐν τῇ ἠπείρῳ Κλαζομενὰσ πόλιν·

ἐσ δὲ τὴν νῆσον διέβησαν δὴ κατὰ τὸ Περσῶν δέοσ. Ἀλέξανδροσ δὲ ἀνὰ χρόνον ἔμελλεν ὁ Φιλίππου χερρόνησον Κλαζομενὰσ ἐργάσεσθαι χώματι ἐσ τὴν νῆσον ἐκ τῆσ ἠπείρου. Δωριέων ἐσ Πελοπόννησον κατελθόντων ἐξέλιπον τὰσ πόλεισ·

οἱ δὲ Φωκαεῖσ γένοσ μὲν τὸ ἀνέκαθέν εἰσιν ἐκ τῆσ ὑπὸ τῷ Παρνασσῷ καλουμένησ καὶ ἐσ ἡμᾶσ ἔτι Φωκίδοσ, οἳ Φιλογένει καὶ Δάμωνι ὁμοῦ τοῖσ Ἀθηναίοισ διέβησαν ἐσ τὴν Ἀσίαν.

τὴν χώραν δὲ οὐ πολέμῳ, κατὰ δὲ ὁμολογίαν λαμβάνουσι παρὰ Κυμαίων· Ιὤνων δὲ οὐ δεχομένων σφᾶσ ἐσ Πανιώνιον πρὶν ἢ τοῦ γένουσ βασιλέασ τοῦ Κοδριδῶν λάβωσιν, οὕτω παρὰ Ἐρυθραίων καὶ ἐκ Τέω Δεοίτην καὶ Πέρικλον λαμβάνουσι καὶ Ἄβαρτον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀχαικά, chapter 3

(파우사니아스, Description of Greece, Ἀχαικά, chapter 3)

상위

목록

SEARCH

MENU NAVIGATION