Pausanias, Description of Greece, Ἀχαικά, chapter 15

(파우사니아스, Description of Greece, Ἀχαικά, chapter 15)

Ῥωμαῖοι δὲ παρά τε τῶν ἀνδρῶν διδαχθέντεσ οὓσ ἐσ τὴν Ἑλλάδα ἀπέστειλαν καὶ ἐκ τῶν γραμμάτων ἃ Μέτελλοσ ἐπέστελλεν, ἀδικεῖν Ἀχαιῶν κατέγνωσαν· καὶ ἦν γὰρ Μόμμιόσ σφισιν ὕπατοσ τότε ᾑρημένοσ, τοῦτον ναῦσ τε καὶ στρατιὰν πεζὴν ἐκέλευον ἐπ’ Ἀχαιοὺσ ἄγειν. Μέτελλοσ δὲ παραυτίκα ἐπέπυστο ὡσ Μόμμιοσ καὶ ὁ σὺν αὐτῷ στρατὸσ ἐπὶ Ἀχαιοὺσ ἀφίκοιτο· καὶ ἐποιεῖτο σπουδήν, εἰ ἐπιθεὶσ αὐτὸσ πέρασ τῷ πολέμῳ φανῇ πρὶν ἢ Μόμμιον ἐσ τὴν Ἑλλάδα ἀφῖχθαι. ἀγγέλουσ οὖν παρὰ τοὺσ Ἀχαιοὺσ ἀπέστελλεν, ἀφιέναι κελεύων σφᾶσ συντελείασ Λακεδαιμονίουσ καὶ πόλεισ ἄλλασ ὁπόσασ εἴρητο ὑπὸ Ῥωμαίων, τῆσ τε ἐκ τοῦ χρόνου τοῦ προτέρου σφίσιν ἀπειθείασ οὐδεμίαν παρὰ Ῥωμαίων ὑπισχνεῖτο ὀργὴν γενήσεσθαι.

ἅμα τε δὴ ταῦτα ἐπεκηρυκεύετο καὶ ἤλαυνεν ἐκ Μακεδονίασ τὸν στρατόν, διὰ Θεσσαλίασ τὴν πορείαν καὶ παρὰ τὸν Λαμιακὸν ποιούμενοσ κόλπον. Κριτόλαοσ δὲ καὶ Ἀχαιοὶ λόγον μὲν φέροντα ἐσ σύμβασιν προσίεντο οὐδένα, Ἡράκλειαν δὲ προσεκάθηντο πολιορκοῦντεσ οὐ βουλομένουσ ἐσ τὸ Ἀχαϊκὸν συντελεῖν. τότε δὲ ὡσ παρὰ τῶν κατασκόπων ἐπυνθάνετο ὁ Κριτόλαοσ Μέτελλον καὶ Ῥωμαίουσ διαβεβηκέναι τὸν Σπερχειόν, ἀπέφευγεν ἐσ Σκάρφειαν τὴν Λοκρῶν, οὐδὲ κατὰ τὸ στενὸν τὸ Ἡρακλείασ τε μεταξὺ καὶ Θερμοπυλῶν τοὺσ Ἀχαιοὺσ τάξασ ἐτόλμησεν ὑπομεῖναι Μέτελλον·

ἀλλὰ ἐσ τοσοῦτο ἀφίκετο δείματοσ ὡσ μηδὲ αὐτὸ ποιήσασθαι τὸ χωρίον πρὸσ ἀμείνονοσ ἐλπίδοσ, ἔνθα ἦν μὲν Λακεδαιμονίοισ ὑπὲρ τῶν Ἑλλήνων τὰ ἐσ Μήδουσ, ἦν δὲ καὶ Ἀθηναίοισ τὰ ἐσ Γαλάτασ οὐδὲν ἀφανέστερα ἐκείνων τολμήματα.

ὑποφεύγοντασ δὲ Κριτόλαον καὶ Ἀχαιοὺσ αἱροῦσιν ὀλίγον πρὸ τῆσ Σκαρφείασ οἱ ὁμοῦ τῷ Μετέλλῳ, καὶ ἀπέκτεινάν τε πλήθει πολλοὺσ καὶ ἔλαβον ζῶντασ ὅσον χιλίουσ.

Κριτόλαοσ δὲ οὔτε ὤφθη ζῶν μετὰ τὴν μάχην οὔτε ἐν τοῖσ νεκροῖσ εὑρέθη· εἰ δὲ ἐτόλμησε τῆσ πρὸσ τῇ Οἴτῃ θαλάσσησ ἐσ ταύτησ καταδῦναι τὸ τέλμα, παντάπασιν ἔμελλεν ἄγνωστόσ τε καὶ ἄπυστοσ οἰχήσεσθαι κατὰ τοῦ βυθοῦ. ἐσ μὲν οὖν τὴν Κριτολάου τελευτὴν καὶ ἄλλα πάρεστιν εἰκάζειν·

Ἀρκάδων δὲ ἐξεστρατευμένοι λογάδεσ χίλιοι, οἳ Κριτολάῳ τοῦ ἔργου μετέσχον, προῆλθον μὲν ἄχρι Ἐλατείασ τῆσ Φωκέων καὶ ἐσ τὴν πόλιν ὑπ’ αὐτῶν κατὰ συγγένειαν δή τινα παλαιὰν ἐδέχθησαν· ὡσ δὲ τοῖσ Φωκεῦσιν ἡ Κριτολάου συμφορὰ καὶ Ἀχαιῶν ἀπηγγέλλετο, ἀπελθεῖν ἐκ τῆσ Ἐλατείασ κελεύουσι τοὺσ Ἀρκάδασ. ἀπιοῦσι δὲ ὀπίσω σφίσιν ἐσ τὴν Πελοπόννησον Μέτελλοσ καὶ Ῥωμαῖοι περὶ Χαιρώνειαν ἐπιφαίνονται·

ἔνθα δὴ ἐπελάμβανε τοὺσ Ἀρκάδασ ἐκ θεῶν δίκη τῶν Ἑλληνικῶν, οἳ ἐν Χαιρωνείᾳ Φιλίππου καὶ Μακεδόνων ἐναντία ἀγωνιζομένουσ ἐγκαταλιπόντεσ Ἕλληνασ τότε ἐν χωρίῳ τῷ αὐτῷ ἐκτείνοντο ὑπὸ Ῥωμαίων. Ἀχαιοῖσ δὲ αὖθισ ἐπὶ τὴν ἡγεμονίαν τοῦ στρατεύματοσ παρῄει Δίαιοσ·

καὶ δούλουσ τε ἐσ ἐλευθερίαν ἠφίει, τὸ Μιλτιάδου καὶ Ἀθηναίων βούλευμα <τὸ> πρὸ τοῦ ἔργου τοῦ ἐν Μαραθῶνι μιμούμενοσ, καὶ Ἀχαιῶν συνέλεγε καὶ Ἀρκάδων ἀπὸ τῶν πόλεων τοὺσ ἐν ἡλικίᾳ· ἐγένετο δέ, ἀναμεμιγμένων ὁμοῦ καὶ οἰκετῶν, τὸ ἀθροισθὲν ἐσ ἑξακοσίουσ μὲν μάλιστα ἀριθμὸν ἱππεῖσ, τὸ δὲ ὁπλιτεῦον τετρακισχίλιοί τε καὶ μύριοι.

ἐνταῦθα ὁ Δίαιοσ ἐσ ἅπαν ἀφίκετο ἀνοίασ, ὃσ Κριτόλαον καὶ πᾶσαν τὴν Ἀχαιῶν ἐπιστάμενοσ παρασκευὴν κακῶσ οὕτωσ ἀγωνισαμένην πρὸσ Μέτελλον ἀπέλεξεν αὐτὸσ ὅσον τετρακισχιλίουσ·

καὶ ἄρχοντα ἐπ’ αὐτοῖσ ἔταξεν Ἀλκαμένην. ἀπεστέλλοντο δὲ ἐσ Μέγαρα φρουρά τε εἶναι Μεγαρεῦσι τοῦ ἄστεωσ καί, ἢν Μέτελλοσ ἐπίῃ καὶ οἱ Ῥωμαῖοι, τοῦ πρόσω σφᾶσ κωλύειν. Μέτελλοσ δὲ ὡσ οἱ περὶ Χαιρώνειαν λογάδεσ κατέστρωντο οἱ Ἀρκάδων, ἀναστήσασ τὸ στράτευμα ἤλαυνεν ἐπὶ τὰσ Θήβασ·

Ἡράκλειάν τε γὰρ ἐπολιόρκησαν οἱ Θηβαῖοι μετὰ Ἀχαιῶν καὶ ἀγῶνοσ τοῦ πρὸσ Σκάρφειαν μετεσχήκεσαν. τότε δὲ αὐτοί τε καὶ γυναῖκεσ ἐκλελοιπότεσ πᾶσα ἡλικία τὴν πόλιν ἐπλανῶντο ἀνὰ τὴν Βοιωτίαν καὶ ἐσ τῶν ὀρῶν τὰ ἄκρα ἀνέφευγον. Μέτελλοσ δὲ οὔτε ἱερὰ ἐμπιπράναι θεῶν οὔτε οἰκοδομήματα καθαιρεῖν εἰά, Θηβαίων τε τῶν ἄλλων μήτε ἀποκτεῖναι μηδένα μήτε αἱρεῖν φεύγοντα ἀπηγόρευε·

Πυθέαν δὲ ἢν ἕλωσιν, ἀνάγειν ἐκέλευσεν ὡσ αὐτόν· ἐξεύρητό τε δὴ αὐτίκα ὁ Πυθέασ καὶ ἀναχθεὶσ δίκην εἶχεν. ὡσ δὲ πλησίον Μεγάρων ἐγίνετο ὁ στρατόσ, οὔτε ὑπέμειναν οἱ περὶ τὸν Ἀλκαμένην καὶ αὐτίκα ἐσ Κόρινθον παρὰ τὸ στρατόπεδον τὸ Ἀχαιῶν ᾤχοντο φεύγοντεσ. καὶ Μεγαρεῖσ μὲν παραδιδόασιν ἀμαχεὶ Ῥωμαίοισ τὴν πόλιν, Μέτελλοσ δὲ ὡσ ἀφίκετο παρὰ τὸν ἰσθμόν, ἐπεκηρυκεύετο καὶ τότε Ἀχαιοῖσ <ἐσ> εἰρήνην καὶ ὁμολογίασ προκαλούμενοσ·

ἰσχυρὸσ γάρ τισ ἐνέκειτο αὐτῷ πόθοσ τὰ ἐν Μακεδονίᾳ τε ὁμοῦ καὶ τὰ Ἀχαιῶν κατεργασθῆναι δι’ αὐτοῦ.

τούτῳ μὲν ταῦτα ἐσπευκότι Δίαιοσ ἠναντιοῦτο ὑπὸ ἀγνωμοσύνησ·

일치하는 문장이 없습니다.

SEARCH

MENU NAVIGATION