헬라어 문장 검색 - Παυσαν́Δεσξριπ́7́19́

(파우사니아스, Description of Greece, Ἀχαικά, chapter 19)

ἔστι δὲ ἐν τῷ μεταξὺ τοῦ ναοῦ τε τῆσ Λαφρίασ καὶ τοῦ βωμοῦ πεποιημένον μνῆμα Εὐρυπύλου. τὰ δὲ ὅστισ τε ὢν καὶ καθ’ ἥντινα αἰτίαν ἀφίκετο ἐσ τὴν γῆν ταύτην, δηλώσει μοι καὶ ταῦτα ὁ λόγοσ προδιηγησαμένῳ πρότερον ὁποῖα ὑπὸ τοῦ Εὐρυπύλου τὴν ἐπιδημίαν τοῖσ ἐνταῦθα ἦν τὰ παρόντα τοῖσ ἀνθρώποισ. Ιὤνων τοῖσ Ἀρόην καὶ Ἄνθειαν καὶ Μεσάτιν οἰκοῦσιν ἦν ἐν κοινῷ τέμενοσ καὶ ναὸσ Ἀρτέμιδοσ Τρικλαρίασ ἐπίκλησιν, καὶ ἑορτὴν οἱ Ιὤνεσ αὐτῇ καὶ παννυχίδα ἦγον ἀνὰ πᾶν ἔτοσ. ἱερωσύνην δὲ εἶχε τῆσ θεοῦ παρθένοσ, ἐσ ὃ ἀποστέλλεσθαι παρὰ ἄνδρα ἔμελλε. λέγουσιν οὖν συμβῆναί ποτε ὡσ ἱερᾶσθαι μὲν τῆσ θεοῦ Κομαιθὼ τὸ εἶδοσ καλλίστην παρθένον, τυγχάνειν δὲ αὐτῆσ ἐρῶντα Μελάνιππον, τά τε ἄλλα τοὺσ ἡλικιώτασ καὶ ὄψεωσ εὐπρεπείᾳ μάλιστα ὑπερηρκότα.

ὡσ δὲ ὁ Μελάνιπποσ ἐσ τὸ ἴσον τοῦ ἔρωτοσ ὑπηγάγετο τὴν παρθένον, ἐμνᾶτο αὐτὴν παρὰ τοῦ πατρόσ. ἕπεται δέ πωσ τῷ γήρᾳ τά τε ἄλλα ὡσ τὸ πολὺ ἐναντιοῦσθαι νέοισ καὶ οὐχ ἥκιστα ἐσ τοὺσ ἐρῶντασ τὸ ἀνάλγητον, ὅπου καὶ Μελανίππῳ τότε ἐθέλοντι ἐθέλουσαν ἄγεσθαι Κομαιθὼ οὔτε παρὰ τῶν ἑαυτοῦ γονέων οὔτε παρὰ τῶν Κομαιθοῦσ ἥμερον ἀπήντησεν οὐδέν. ἐπέδειξε δὲ ἐπὶ πολλῶν τε δὴ ἄλλων καὶ ἐν τοῖσ Μελανίππου παθήμασιν, ὡσ μέτεστιν ἔρωτι καὶ ἀνθρώπων συγχέαι νόμιμα καὶ ἀνατρέψαι θεῶν τιμάσ, ὅπου καὶ τότε ἐν τῷ τῆσ Ἀρτέμιδοσ ἱερῷ Κομαιθὼ καὶ Μελάνιπποσ καὶ ἐξέπλησαν τοῦ ἔρωτοσ τὴν ὁρμήν.

καὶ οἱ μὲν ἔμελλον τῷ ἱερῷ καὶ ἐσ τὸ ἔπειτα ἴσα καὶ θαλάμῳ χρήσεσθαι· τοὺσ δὲ ἀνθρώπουσ αὐτίκα ἐξ Ἀρτέμιδοσ μήνιμα ἔφθειρε, τῆσ τε γῆσ καρπὸν οὐδένα ἀποδιδούσησ καὶ νόσοι σφίσιν οὐ κατὰ τὰ εἰωθότα καὶ ἀπ’ αὐτῶν θάνατοι πλείονεσ ἢ τὰ πρότερα ἐγίνοντο.

καταφυγόντων δὲ αὐτῶν ἐπὶ χρηστήριον τὸ ἐν Δελφοῖσ, ἤλεγχεν ἡ Πυθία Μελάνιππον καὶ Κομαιθώ·

καὶ ἐκείνουσ τε αὐτοὺσ μάντευμα ἀφίκετο θῦσαι τῇ Ἀρτέμιδι καὶ ἀνὰ πᾶν ἔτοσ παρθένον καὶ παῖδα οἳ τὸ εἶδοσ εἰε͂ν κάλλιστοι τῇ θεῷ θύειν. ταύτησ μὲν δὴ τῆσ θυσίασ ἕνεκα ὁ ποταμὸσ ὁ πρὸσ τῷ ἱερῷ τῆσ Τρικλαρίασ Ἀμείλιχοσ ἐκλήθη· τέωσ δὲ ὄνομα εἶχεν οὐδέν.

παίδων δὲ καὶ παρθένων ὁπόσοι μὲν ἐσ τὴν θεὸν οὐδὲν εἰργασμένοι Μελανίππου καὶ Κομαιθοῦσ ἕνεκα ἀπώλλυντο, αὐτοί τε οἰκτρότατα καὶ οἱ προσήκοντέσ σφισιν ἔπασχον, Μελάνιππον δὲ καὶ Κομαιθὼ συμφορᾶσ ἐκτὸσ γενέσθαι τίθεμαι· μόνον γὰρ δὴ ἀνθρώπῳ ψυχῆσ ἐστιν ἀντάξιον κατορθῶσαί τινα ἐρασθέντα. παύσασθαι δὲ οὕτω λέγονται θύοντεσ τῇ Ἀρτέμιδι ἀνθρώπουσ.

ἐκέχρητο δὲ αὐτοῖσ πρότερον ἔτι ἐκ Δελφῶν ὡσ βασιλεὺσ ξένοσ παραγενόμενόσ σφισιν ἐπὶ τὴν γῆν, ξενικὸν ἅμα ἀγόμενοσ δαίμονα, τὰ ἐσ τὴν θυσίαν τῆσ Τρικλαρίασ παύσει. Ἰλίου δὲ ἁλούσησ καὶ νεμομένων τὰ λάφυρα τῶν Ἑλλήνων, Εὐρύπυλοσ ὁ Εὐαίμονοσ λαμβάνει λάρνακα· Δαρδάνῳ.

λέγονται δὲ καὶ ἄλλοι λόγοι δύο ἐσ αὐτήν, ὡσ ὅτε ἔφυγεν Αἰνείασ, ἀπολίποι ταύτην τὴν λάρνακα·

οἱ δὲ ῥιφῆναί φασιν αὐτὴν ὑπὸ Κασσάνδρασ συμφορὰν τῷ εὑρόντι Ἑλλήνων. ἤνοιξε δ’ οὖν ὁ Εὐρύπυλοσ τὴν λάρνακα καὶ εἶδε τὸ ἄγαλμα καὶ αὐτίκα ἦν ἔκφρων μετὰ τὴν θέαν· τὰ μὲν δὴ πλείονα ἐμαίνετο, ὀλιγάκισ δὲ ἐγίνετο ἐν ἑαυτῷ. ἅτε δὲ οὕτω διακείμενοσ οὐκ ἐσ τὴν Θεσσαλίαν τὸν πλοῦν ἐποιεῖτο, ἀλλ’ ἐπί τε Κίρραν καὶ ἐσ τὸν ταύτῃ κόλπον· ἀναβὰσ δὲ ἐσ Δελφοὺσ ἐχρᾶτο ὑπὲρ τῆσ νόσου. καὶ αὐτῷ γενέσθαι λέγουσι μάντευμα, ἔνθα ἂν ἐπιτύχῃ θύουσιν ἀνθρώποισ θυσίαν ξένην, ἐνταῦθα ἱδρύσασθαί τε τὴν λάρνακα καὶ αὐτὸν οἰκῆσαι.

ὁ μὲν δὴ ἄνεμοσ τὰσ ναῦσ τοῦ Εὐρυπύλου κατήνεγκεν ἐπὶ τὴν πρὸσ τῇ Ἀρόῃ θάλασσαν· ἐκβὰσ δὲ ἐσ τὴν γῆν καταλαμβάνει παῖδα καὶ παρθένον ἐπὶ τὸν βωμὸν τῆσ Τρικλαρίασ ἠγμένουσ. καὶ ὁ μὲν ἔμελλεν οὐ χαλεπῶσ συνήσειν τὰ ἐσ τὴν θυσίαν· ἀφίκοντο δὲ ἐσ μνήμην καὶ οἱ ἐπιχώριοι τοῦ χρησμοῦ, βασιλέα τε ἰδόντεσ ὃν οὔπω πρότερον ἑωράκεσαν καὶ ἐσ τὴν λάρνακα ὑπενόησαν ὡσ εἰή τισ ἐν αὐτῇ θεόσ. καὶ οὕτω τῷ Εὐρυπύλῳ τε ἡ νόσοσ καὶ τοῖσ ἐνταῦθα ἀνθρώποισ τὰ ἐσ τὴν θυσίαν ἐπαύσθη, τό τε ὄνομα ἐτέθη τὸ νῦν τῷ ποταμῷ Μείλιχοσ.

ἔγραψαν δὲ ἤδη τινὲσ οὐ τῷ Θεσσαλῷ συμβάντα Εὐρυπύλῳ τὰ εἰρημένα, ἀλλὰ Εὐρύπυλον Δεξαμενοῦ παῖδα τοῦ ἐν Ὠλένῳ βασιλεύσαντοσ ἐθέλουσιν ἅμα Ἡρακλεῖ στρατεύσαντα ἐσ Ἴλιον λαβεῖν παρὰ τοῦ Ἡρακλέουσ τὴν λάρνακα· τὰ αὐτὰ εἰρήκασι καὶ οὗτοι.

ἐγὼ δὲ οὔτε Ἡρακλέα ἀγνοῆσαι τὰ ἐσ τὴν λάρνακα εἰ δὴ τοιαῦτα ἦν πείθομαι οὔτε τὰ ἐσ αὐτὴν ἐπιστάμενοσ δοκεῖ μοί ποτε ἂν δοῦναι δῶρον συμμαχήσαντι ἀνδρί·

οὔτε μὴν οἱ Πατρεῖσ ἄλλον τινὰ ἢ τὸν Εὐαίμονοσ ἔχουσιν Εὐρύπυλον ἐν μνήμῃ, καί οἱ καὶ ἐναγίζουσιν ἀνὰ πᾶν ἔτοσ, ἐπειδὰν τῷ Διονύσῳ τὴν ἑορτὴν ἄγωσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀχαικά, chapter 19

(파우사니아스, Description of Greece, Ἀχαικά, chapter 19)

상위

목록

SEARCH

MENU NAVIGATION