헬라어 문장 검색 - Παυσαν́Δεσξριπ́7́06́

(파우사니아스, Description of Greece, Ἀχαικά, chapter 6)

τότε δὲ ἀπεληλυθότων Ιὤνων τήν τε <γῆν> οἱ Ἀχαιοὶ τὴν Ιὤνων διελάγχανον καὶ ἐσῳκίζοντο ἐσ τὰσ πόλεισ. αἱ δὲ δύο τε καὶ δέκα ἦσαν ἀριθμόν, ὁπόσαι γε καὶ ἐσ ἅπαν τὸ Ἑλληνικὸν γνώριμοι, Δύμη μὲν πρὸσ Ἤλιδοσ πρώτη, μετὰ δὲ αὐτὴν Ὤλενοσ καὶ Φαραὶ καὶ Τρίτεια καὶ Ῥύπεσ καὶ Αἴγιον καὶ Κερύνεια καὶ Βοῦρα, ἐπὶ ταύταισ δὲ Ἑλίκη καὶ Αἰγαί τε καὶ Αἴγειρα καὶ Πελλήνη πρὸσ τῆσ Σικυωνίασ ἐσχάτη· ἐσ ταύτασ οἱ Ἀχαιοὶ καὶ οἱ βασιλεῖσ αὐτῶν ἐσῳκίζοντο πρότερον ἔτι ὑπὸ Ιὤνων οἰκουμένασ. ἦσαν δὲ οἱ τὸ μέγιστον <ἐν> τοῖσ Ἀχαιοῖσ ἔχοντεσ κράτοσ οἵ τε Τισαμενοῦ παῖδεσ Δαϊμένησ καὶ Σπάρτων καὶ Τέλλισ τε καὶ Λεοντομένησ·

Κομήτησ δὲ ὁ πρεσβύτατοσ τῶν Τισαμενοῦ παίδων πρότερον ἔτι διεβεβήκει ναυσὶν ἐσ τὴν Ἀσίαν. οὗτοί τε δὴ τηνικαῦτα ἐν τοῖσ Ἀχαιοῖσ ἐδυνάστευον καὶ Δαμασίασ ὁ Πενθίλου τοῦ Ὀρέστου, τοῖσ Τισαμενοῦ παισὶν ἀνεψιὸσ πρὸσ πατρόσ. ἴσχυον δὲ ἐπ’ ἴσησ τοῖσ κατειλεγμένοισ καὶ Ἀχαιῶν τῶν ἐκ Λακεδαίμονοσ Πρευγένησ καὶ ὁ υἱόσ, ὄνομα δέ οἱ ἦν Πατρεύσ· καί σφισιν ὑπὸ τῶν Ἀχαιῶν ἐδόθη κτίσασθαι πόλιν ἐν τῇ χώρᾳ, καὶ τὸ ὄνομα ἀπὸ τοῦ Πατρέωσ ἐτέθη τῇ πόλει.

τὰ δὲ ἐσ πόλεμον τοιάδε ἦν τοῖσ Ἀχαιοῖσ.

κατὰ μὲν τὴν ἐσ Ἴλιον ἐπιστρατείαν Ἀγαμέμνονοσ Λακεδαίμονα ἔτι καὶ Ἄργοσ οἰκοῦντεσ μεγίστη τοῦ Ἑλληνικοῦ μοῖρα ἦσαν· κατὰ δὲ τὴν Ξέρξου καὶ Μήδων ἐπὶ τὴν Ἑλλάδα ὁδὸν οὔτε Λεωνίδᾳ τῆσ ἐξόδου τῆσ ἐσ Θερμοπύλασ εἰσὶν οἱ Ἀχαιοὶ δῆλοι μετεσχηκότεσ οὔτε Ἀθηναίοισ ὁμοῦ καὶ Θεμιστοκλεῖ πρὸσ Εὐβοίᾳ καὶ Σαλαμῖνι ναυμαχήσαντεσ, οὐδὲ σφᾶσ κατάλογοσ συμμάχων ἔχει Λακωνικὸσ ἢ Ἀττικόσ. ὑστέρησαν δὲ καὶ ἔργου τοῦ Πλαταιᾶσι·

δῆλα γὰρ δὴ ὅτι ἐπὶ τῷ ἀναθήματι τῷ ἐν Ὀλυμπίᾳ τῶν Ἑλλήνων μετῆν ἂν καὶ Ἀχαιοῖσ γεγράφθαι. δοκεῖν δέ μοι τὰσ πατρίδασ τε ὑπολειφθέντεσ ἕκαστοι τὰσ αὑτῶν ἔσωζον καὶ ἅμα διὰ τὸ ἔργον τὸ πρὸσ Τροίαν Λακεδαιμονίουσ Δωριεῖσ ἀπηξίουν σφίσιν ἡγεῖσθαι. ἐδήλωσαν δὲ καὶ ἀνὰ χρόνον· Λακεδαιμονίων γὰρ ἐσ τὸν πρὸσ Ἀθηναίουσ πόλεμον καταστάντων ὕστερον, ἐσ τὴν συμμαχίαν ἦσαν οἱ Ἀχαιοὶ πρόθυμοι Πατρεῦσι, καὶ ἐσ τοὺσ Ἀθηναίουσ οὐχ ἧσσον εἶχον γνώμην. πολέμων δὲ τῶν πολεμηθέντων ὕστερον ὑπὸ τοῦ Ἕλλησι κοινοῦ τοῦ μὲν ἐν Χαιρωνείᾳ Φιλίππου τε ἐναντία καὶ Μακεδόνων οἱ Ἀχαιοὶ μετέσχον, ἐσ δὲ τὴν Θεσσαλίαν καὶ ἐπὶ τὸν πρὸσ Λαμίᾳ καλούμενον πόλεμον οὔ φασιν ἐκστρατεύσασθαι, οὐ γάρ πω μετὰ τὸ πταῖσμα ἀνενηνοχέναι τὸ ἐν Βοιωτοῖσ·

ὁ δὲ τῶν ἐπιχωρίων Πατρεῦσιν ἐξηγητὴσ τὸν παλαιστὴν Χίλωνα Ἀχαιῶν μόνον μετασχεῖν ἔφασκε τοῦ ἔργου <τοῦ> περὶ Λάμιαν.

οἶδα δὲ καὶ ἄνδρα αὐτὸσ Λυδὸν Ἄδραστον ἰδίᾳ καὶ οὐκ ἀπὸ τοῦ κοινοῦ τοῦ Λυδῶν ἀμύναντα Ἕλλησι·

τοῦ δὲ Ἀδράστου τούτου χαλκῆν εἰκόνα ἀνέθεσαν οἱ Λυδοὶ πρὸ ἱεροῦ Περσικῆσ Ἀρτέμιδοσ, καὶ ἔγραψαν ἐπίγραμμα ὡσ τελευτήσειεν ὁ Ἄδραστοσ ἐναντίον Λεοννάτῳ μαχόμενοσ ὑπὲρ Ἑλλήνων. ἡ δὲ ἐσ Θερμοπύλασ ἐπὶ τὴν Γαλατῶν στρατιὰν ἔξοδοσ καὶ τοῖσ πᾶσιν ὁμοίωσ παρώφθη Πελοποννησίοισ·

ἅτε γὰρ πλοῖα οὐκ ἐχόντων τῶν βαρβάρων, δεινὸν ἔσεσθαί σφισιν ἀπ’ αὐτῶν οὐδὲν ἤλπιζον, εἰ τὸν Κορινθίων ἰσθμὸν ἐκ θαλάσσησ τῆσ κατὰ Λέχαιον ἀποτειχίσειαν ἐσ τὴν ἑτέραν τὴν ἐπὶ Κεγχρέαισ θάλασσαν. τοῦτο μὲν δὴ Πελοποννησίων ἦν τότε ἁπάντων βούλευμα·

ἐπεὶ δὲ Γαλάται ναυσὶν ὅντινα δὴ τρόπον διαβεβήκεσαν ἐσ τὴν Ἀσίαν, ἐνταῦθα εἶχεν οὕτω τὰ Ἑλλήνων. προεστήκεσαν κατ’ ἰσχὺν οὐδένεσ ἔτι τοῦ Ἑλληνικοῦ· Λακεδαιμονίουσ μὲν γὰρ τὸ ἐν Λεύκτροισ πταῖσμα καὶ ἅμα οἵ τε Ἀρκάδεσ συνεληλυθότεσ ἐσ Μεγάλην πόλιν καὶ οἱ Μεσσήνιοι παροικοῦντεσ ἀνασώσασθαι τὴν προτέραν ἔτι εὐδαιμονίαν ἐκώλυον· Θηβαίοισ δὲ ἐσ τοσοῦτο ἠρήμωσεν Ἀλέξανδροσ τὴν πόλιν, ὡσ ἔτεσιν ὕστερον οὐ πολλοῖσ καταχθέντασ ὑπὸ Κασσάνδρου μηδὲ σώζειν τὰ οἰκεῖα ἀξιόχρεωσ εἶναι·

Ἀθηναίοισ δὲ εὔνοια μὲν παρὰ τοῦ Ἑλληνικοῦ τῶν ἔργων μάλιστα ὑπῆρχε τῶν ὕστερον, ἀναπαύσασθαι δὲ οὔ ποτε ἐκ τοῦ Μακεδόνων πολέμου παρῆν αὐτοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀχαικά, chapter 6

(파우사니아스, Description of Greece, Ἀχαικά, chapter 6)

상위

목록

SEARCH

MENU NAVIGATION