헬라어 문장 검색 - Πλυταρ́Περιξλέ34́

(플루타르코스, Περικλῆς, chapter 34)

πλὴν ὑπ’ οὐδενὸσ ἐκινήθη τῶν τοιούτων ὁ Περικλῆσ, ἀλλὰ πρᾴωσ καὶ σιωπῇ τὴν ἀδοξίαν καὶ τὴν ἀπέχθειαν ὑφιστάμενοσ, καὶ νεῶν ἑκατὸν ἐπὶ τὴν Πελοπόννησον στόλον ἐκπέμπῶν αὐτὸσ οὐ συνεξέπλευσεν, ἀλλ’ ἔμεινεν οἰκουρῶν καὶ διὰ χειρὸσ ἔχων τὴν πόλιν, ἑώσ ἀπηλλάγησαν οἱ Πελοποννήσιοι. θεραπεύων δὲ τοὺσ πολλοὺσ ὅμωσ ἀσχάλλοντασ ἐπὶ τῷ πολέμῳ, διανομαῖσ τε χρημάτων ἀνελάμβανε καὶ κληρουχίασ ἔγραφεν· Αἰγινήτασ γὰρ ἐξελάσασ ἅπαντασ διένειμε τὴν νῆσον Ἀθηναίων τοῖσ λαχοῦσιν. ἦν δέ τισ παρηγορία καὶ ἀφ’ ὧν ἔπασχον οἱ πολέμιοι. καὶ γὰρ οἱ περιπλέοντεσ τὴν Πελοπόννησον χώραν τε πολλὴν κώμασ τε καὶ πόλεισ μικρὰσ διεπόρθησαν, καὶ κατὰ γῆν αὐτὸσ ἐμβαλὼν εἰσ τὴν Μεγαρικὴν ἔφθειρε πᾶσαν.

ᾗ καὶ δῆλον ἦν ὅτι πολλὰ μὲν δρῶντεσ κατὰ γῆν κακὰ τοὺσ Ἀθηναίουσ, πολλὰ δὲ πάσχοντεσ ὑπ’ ἐκείνων ἐκ θαλάττησ, οὐκ ἂν εἰσ μῆκοσ πολέμου τοσοῦτον προὔβησαν, ἀλλὰ ταχέωσ ἀπεῖπον, ὥσπερ ἐξ ἀρχῆσ ὁ Περικλῆσ προηγόρευσεν, εἰ μή τι δαιμόνιον ὑπηναντιώθη τοῖσ ἀνθρωπίνοισ λογισμοῖσ. νῦν δὲ πρῶτον μὲν ἡ λοιμώδησ ἐνέπεσε φθορὰ καὶ κατενεμήθη τὴν ἀκμάζουσαν ἡλικίαν καὶ δύναμιν·

θέρουσ ὡρ́ᾳ πολλῶν ὁμοῦ χύδην ἐν οἰκήμασι μικροῖσ καὶ σκηνώμασι πνιγηροῖσ ἠναγκασμένων διαιτᾶσθαι δίαιταν οἰκουρὸν καὶ ἀργὴν ἀντὶ καθαρᾶσ καὶ ἀναπεπταμένησ τῆσ πρότερον, τούτου δ’ αἴτιοσ ὁ τῷ πολέμῳ τὸν ἀπὸ τῆσ χώρασ ὄχλον εἰσ τὰ τείχη καταχεάμενοσ καὶ πρὸσ οὐδὲν ἀνθρώποισ τοσούτοισ χρώμενοσ, ἀλλ’ ἐῶν ὥσπερ βοσκήματα καθειργμένουσ ἀναπίμπλασθαι φθορᾶσ ἀπ’ ἀλλήλων, καὶ μηδεμίαν μεταβολὴν μηδ’ ἀναψυχὴν ἐκπορίζων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 34

(플루타르코스, Περικλῆς, chapter 34)

상위

목록

SEARCH

MENU NAVIGATION