헬라어 문장 검색 - Πλυταρ́Περιξλέ16́

(플루타르코스, Περικλῆς, chapter 16)

καίτοι τὴν δύναμιν αὐτοῦ σαφῶσ μὲν ὁ Θουκυδίδησ διηγεῖται, κακοήθωσ δὲ παρεμφαίνουσιν οἱ κωμικοί, Πεισιστρατίδασ μὲν νέουσ τοὺσ περὶ αὐτὸν ἑταίρουσ καλοῦντεσ, αὐτὸν δ’ ἀπομόσαι μὴ τυραννήσειν κελεύοντεσ, ὡσ ἀσυμμέτρου πρὸσ δημοκρατίαν καὶ βαρυτέρασ περὶ αὐτὸν οὔσησ ὑπεροχῆσ· ὁ δὲ Τηλεκλείδησ παραδεδωκέναι φησὶν αὐτῷ τοὺσ Ἀθηναίουσ πόλεών τε φόρουσ αὐτάσ τε πόλεισ, τὰσ μὲν δεῖν, τὰσ δ’ ἀναλύειν, λάϊνα τείχη, τὰ μὲν οἰκοδομεῖν, τὰ δ’ ἔπειτα πάλιν καταβάλλειν, σπονδάσ, δύναμιν, κράτοσ, εἰρήνην, πλοῦτόν τ’ εὐδαιμονίαν τε.

μετὰ δὲ τὴν Θουκυδίδου κατάλυσιν καὶ τὸν ὀστρακισμὸν οὐκ ἐλάττω τῶν πεντεκαίδεκα ἐτῶν διηνεκῆ καὶ μίαν οὖσαν ἐν ταῖσ ἐνιαυσίοισ στρατηγίαισ ἀρχὴν καὶ δυναστείαν κτησάμενοσ, ἐφύλαξεν ἑαυτὸν ἀνάλωτον ὑπὸ χρημάτων, καίπερ οὐ παντάπασιν ἀργῶσ ἔχων πρὸσ χρηματισμόν, ἀλλὰ τὸν πατρῷον καὶ δίκαιον πλοῦτον, ὡσ μήτ’ ἀμελούμενοσ ἐκφύγοι μήτε πολλὰ πράγματα καὶ διατριβὰσ ἀσχολουμένῳ παρέχοι, συνέταξεν εἰσ οἰκονομίαν ἣν ᾤετο ῥᾴστην καὶ ἀκριβεστάτην εἶναι.

τοὺσ γὰρ ἐπετείουσ καρποὺσ ἃπαντασ ἀθρόουσ ἐπίπρασκεν, εἶτα τῶν ἀναγκαίων ἕκαστον ἐξ ἀγορᾶσ ὠνούμενοσ διῴκει τὸν βίον καὶ τὰ περὶ τὴν δίαιταν.

ὅθεν οὐχ ἡδὺσ ἦν ἐνηλίκοισ παισὶν οὐδὲ γυναιξὶ δαψιλὴσ χορηγόσ, ἀλλ’ ἐμέμφοντο τὴν ἐφήμερον ταύτην καὶ συνηγμένην εἰσ τὸ ἀκριβέστατον δαπάνην, οὐδενόσ, οἱο͂ν ἐν οἰκίᾳ μεγάλῃ καὶ πράγμασιν ἀφθόνοισ, περιρρέοντοσ, ἀλλὰ παντὸσ μὲν ἀναλώματοσ, παντὸσ δὲ λήμματοσ δι’ ἀριθμοῦ καὶ μέτρου βαδίζοντοσ. ὁ δὲ πᾶσαν αὐτοῦ τὴν τοιαύτην συνέχων ἀκρίβειαν εἷσ ἦν οἰκέτησ, Εὐάγγελοσ, ὡσ ἕτεροσ οὐδεὶσ εὖ πεφυκὼσ ἢ κατεσκευασμένοσ ὑπὸ τοῦ Περικλέουσ πρὸσ οἰκονομίαν.

οὐ ταὐτὸν δ’ ἐστίν, οἶμαι, θεωρητικοῦ φιλοσόφου καὶ πολιτικοῦ βίοσ, ἀλλ’ ὁ μὲν ἀνόργανον καὶ ἀπροσδεῆ τῆσ ἐκτὸσ ὕλησ ἐπὶ τοῖσ καλοῖσ κινεῖ τὴν διάνοιαν, τῷ δ’ εἰσ ἀνθρωπείασ χρείασ ἀναμιγνύντι τὴν ἀρετὴν ἔστιν οὗ γένοιτ’ ἂν οὐ τῶν ἀναγκαίων μόνον, ἀλλὰ καὶ τῶν καλῶν ὁ πλοῦτοσ, ὥσπερ ἦν καὶ Περικλεῖ βοηθοῦντι πολλοῖσ τῶν πενήτων.

καὶ μέντοι γε τὸν Ἀναξαγόραν αὐτὸν λέγουσιν ἀσχολουμένου Περικλέουσ ἀμελούμενον κεῖσθαι συγκεκαλυμμένον ἤδη γηραιὸν ἀποκαρτεροῦντα·

προσπεσόντοσ δὲ τῷ Περικλεῖ τοῦ πράγματοσ ἐκπλαγέντα θεῖν εὐθὺσ ἐπὶ τὸν ἄνδρα καὶ δεῖσθαι πᾶσαν δέησιν, ὀλοφυρόμενον οὐκ ἐκεῖνον, ἀλλ’ ἑαυτόν, εἰ τοιοῦτον ἀπολεῖ τῆσ πολιτείασ σύμβουλον. ἐκκαλυψάμενον οὖν τὸν Ἀναξαγόραν εἰπεῖν πρὸσ αὐτόν· "ὦ Περίκλεισ, καὶ οἱ τοῦ λύχνου χρείαν ἔχοντεσ ἔλαιον ἐπιχέουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 16

(플루타르코스, Περικλῆς, chapter 16)

상위

목록

SEARCH

MENU NAVIGATION