Plutarch, Περικλῆς, chapter 37

(플루타르코스, Περικλῆς, chapter 37)

τῆσ δὲ πόλεωσ πειρωμένησ τῶν ἄλλων στρατηγῶν εἰσ τὸν πόλεμον καὶ ῥητόρων, ὡσ δ’ οὐδεὶσ βάροσ ἔχων ἰσόρροπον οὐδ’ ἀξίωμα πρὸσ τοσαύτην ἐχέγγυον ἡγεμονίαν ἐφαίνετο, ποθούσησ ἐκεῖνον καὶ καλούσησ ἐπὶ τὸ βῆμα καὶ τὸ στρατήγιον, ἀθυμῶν καὶ κείμενοσ οἴκοι διὰ τὸ πένθοσ ὑπ’ Ἀλκιβιάδου καὶ τῶν ἄλλων ἐπείσθη φίλων προελθεῖν. ἀπολογησαμένου δὲ τοῦ δήμου τὴν ἀγνωμοσύνην πρὸσ αὐτόν, ὑποδεξάμενοσ αὖθισ τὰ πράγματα καὶ στρατηγὸσ αἱρεθεὶσ ᾐτήσατο λυθῆναι τὸν περὶ τῶν νόθων νόμον, ὃν αὐτὸσ εἰσενηνόχει πρότερον, ὡσ μὴ παντάπασιν ἐρημίᾳ διαδοχῆσ τὸν οἶκον ἐκλίποι τοὔνομα καὶ τὸ γένοσ.

εἶχε δ’ οὕτω τὰ περὶ τὸν νόμον.

ἀκμάζων ὁ Περικλῆσ ἐν τῇ πολιτείᾳ πρὸ πάνυ πολλῶν χρόνων, καὶ παῖδασ ἔχων, ὥσπερ εἴρηται, γνησίουσ, νόμον ἔγραψε μόνουσ Ἀθηναίουσ εἶναι τοὺσ ἐκ δυεῖν Ἀθηναίων γεγονότασ. ἐπεὶ δὲ τοῦ βασιλέωσ τῶν Αἰγυπτίων δωρεὰν τῷ δήμῳ πέμψαντοσ τετρακισμυρίουσ πυρῶν μεδίμνουσ ἔδει διανέμεσθαι τοὺσ πολίτασ, πολλαὶ μὲν ἀνεφύοντο δίκαι τοῖσ νόθοισ ἐκ τοῦ γράμματοσ ἐκείνου τέωσ διαλανθάνουσι καὶ παρορωμένοισ, πολλοὶ δὲ καὶ συκοφαντήμασι περιέπιπτον. ἐπράθησαν δ’ οὖν ἁλόντεσ ὀλίγῳ πεντακισχιλίων ἐλάττουσ, οἱ δὲ μείναντεσ ἐν τῇ πολιτείᾳ καὶ κριθέντεσ Ἀθηναῖοι μύριοι καὶ τετρακισχίλιοι καὶ τεσσαράκοντα τὸ πλῆθοσ ἐξητάσθησαν.

ὄντοσ οὖν δεινοῦ τὸν κατὰ τοσούτων ἰσχύσαντα νόμον ὑπ’ αὐτοῦ πάλιν λυθῆναι τοῦ γράψαντοσ, ἡ παροῦσα δυστυχία τῷ Περικλεῖ περὶ τὸν οἶκον, ὡσ δίκην τινὰ δεδωκότι τῆσ ὑπεροψίασ καὶ τῆσ μεγαλαυχίασ ἐκείνησ, ἐπέκλασε τοὺσ Ἀθηναίουσ, καὶ δόξαντεσ αὐτὸν νεμεσητά τε παθεῖν ἀνθρωπίνων τε δεῖσθαι συνεχώρησαν ἀπογράψασθαι τὸν νόθον εἰσ τοὺσ φράτορασ, ὄνομα θέμενον τὸ αὑτοῦ.

καὶ τοῦτον μὲν ὕστερον ἐν Ἀργινούσαισ καταναυμαχήσαντα Πελοποννησίουσ ἀπέκτεινεν ὁ δῆμοσ μετὰ τῶν συστρατήγων.

일치하는 문장이 없습니다.

SEARCH

MENU NAVIGATION