Plutarch, Περικλῆς, chapter 29

(플루타르코스, Περικλῆς, chapter 29)

μετὰ ταῦτα κυμαίνοντοσ ἤδη τοῦ Πελοποννησιακοῦ πολέμου, Κερκυραίοισ πολεμουμένοισ ὑπὸ Κορινθίων ἔπεισε τὸν δῆμον ἀποστεῖλαι βοήθειαν καὶ προσλαβεῖν ἐρρωμένην ναυτικῇ δυνάμει νῆσον, ὡσ ὅσον οὐδέπω Πελοποννησίων ἐκπεπολεμωμένων πρὸσ αὐτούσ. ψηφισαμένου δὲ τοῦ δήμου τὴν βοήθειαν ἀπέστειλε δέκα ναῦσ μόνασ ἔχοντα Λακεδαιμόνιον, τὸν Κίμωνοσ υἱόν, οἱο͂ν ἐφυβρίζων·

πολλὴ γὰρ ἦν εὔνοια καὶ φιλία τῷ Κίμωνοσ οἴκῳ πρὸσ Λακεδαιμονίουσ. ὡσ ἂν οὖν, εἰ μηδὲν ἔργον μέγα μηδ’ ἐκπρεπὲσ ἐν τῇ στρατηγίᾳ τοῦ Λακεδαιμονίου γένοιτο, προσδιαβληθείη μᾶλλον εἰσ τὸν λακωνισμόν, ὀλίγασ αὐτῷ ναῦσ ἔδωκε καὶ μὴ βουλόμενον ἐξέπεμψε. καὶ ὅλωσ διετέλει κολούων ὡσ μηδὲ τοῖσ ὀνόμασι γνησίουσ, ἀλλ’ ὀθνείουσ καὶ ξένουσ, ὅτι τῶν Κίμωνοσ υἱῶν τῷ μὲν ἦν Λακεδαιμόνιοσ ὄνομα, τῷ δὲ Θεσσαλόσ, τῷ δὲ Ἠλεῖοσ.

ἐδόκουν δὲ πάντεσ ἐκ γυναικὸσ Ἀρκαδικῆσ γεγονέναι. κακῶσ οὖν ὁ Περικλῆσ ἀκούων διὰ τὰσ δέκα ταύτασ τριήρεισ, ὡσ μικρὰν μὲν βοήθειαν τοῖσ δεηθεῖσι, μεγάλην δὲ πρόφασιν τοῖσ ἐγκαλοῦσι παρεσχηκώσ, ἑτέρασ αὖθισ ἔστειλε πλείονασ εἰσ τὴν Κέρκυραν, αἳ μετὰ τὴν μάχην ἀφίκοντο. χαλεπαίνουσι δὲ τοῖσ Κορινθίοισ καὶ κατηγοροῦσι τῶν Ἀθηναίων ἐν Λακεδαίμονι προσεγένοντο Μεγαρεῖσ, αἰτιώμενοι πάσησ μὲν ἀγορᾶσ, πάντων δὲ λιμένων, ὧν Ἀθηναῖοι κρατοῦσιν, εἴργεσθαι καὶ ἀπελαύνεσθαι παρὰ τὰ κοινὰ δίκαια καὶ τοὺσ γεγενημένουσ ὁρ́κουσ τοῖσ Ἕλλησιν·

Αἰγινῆται δὲ κακοῦσθαι δοκοῦντεσ καὶ βίαια πάσχειν ἐποτνιῶντο κρύφα πρὸσ τοὺσ Λακεδαιμονίουσ, φανερῶσ ἐγκαλεῖν τοῖσ Ἀθηναίοισ οὐ θαρροῦντεσ. ἐν δὲ τούτῳ καὶ Ποτίδαια, πόλισ ὑπήκοοσ Ἀθηναίων, ἄποικοσ δὲ Κορινθίων, ἀποστᾶσα καὶ πολιορκουμένη μᾶλλον ἐπετάχυνε τὸν πόλεμον. οὐ μὴν ἀλλὰ πρεσβειῶν τε πεμπομένων Ἀθήναζε, καὶ τοῦ βασιλέωσ τῶν Λακεδαιμονίων Ἀρχιδάμου τὰ πολλὰ τῶν ἐγκλημάτων εἰσ διαλύσεισ ἄγοντοσ καὶ τοὺσ συμμάχουσ πραύ̈νοντοσ, οὐκ ἂν δοκεῖ συμπεσεῖν ὑπό γε τῶν ἄλλων αἰτιῶν ὁ πόλεμοσ τοῖσ Ἀθηναίοισ, εἰ τὸ ψήφισμα καθελεῖν τὸ Μεγαρικὸν ἐπείσθησαν καὶ διαλλαγῆναι πρὸσ αὐτούσ.

διὸ καὶ μάλιστα πρὸσ τοῦτο Περικλῆσ ἐναντιωθείσ, καὶ παροξύνασ τὸν δῆμον ἐμμεῖναι τῇ πρὸσ τοὺσ Μεγαρεῖσ φιλονεικία, μόνοσ ἔσχε τοῦ πολέμου τὴν αἰτίαν.

일치하는 문장이 없습니다.

SEARCH

MENU NAVIGATION