헬라어 문장 검색 - Πλυταρ́Περιξλέ18́

(플루타르코스, Περικλῆς, chapter 18)

ἐν δὲ ταῖσ στρατηγίαισ εὐδοκίμει μάλιστα διὰ τὴν ἀσφάλειαν, οὔτε μάχησ ἐχούσησ πολλὴν ἀδηλότητα καὶ κίνδυνον ἑκουσίωσ ἁπτόμενοσ, οὔτε τοὺσ ἐκ τοῦ παραβάλλεσθαι χρησαμένουσ τύχῃ λαμπρᾷ καὶ θαυμασθέντασ ὡσ μεγάλουσ ζηλῶν καὶ μιμούμενοσ στρατηγούσ, ἀεί τε λέγων πρὸσ τοὺσ πολίτασ ὡσ ὅσον ἐπ’ αὐτῷ μενοῦσιν ἀθάνατοι πάντα τὸν χρόνον. ὁρῶν δὲ Τολμίδην τὸν Τολμαίου διὰ τὰσ πρότερον εὐτυχίασ καὶ διὰ τὸ τιμᾶσθαι διαφερόντωσ ἐκ τῶν πολεμικῶν σὺν οὐδενὶ καιρῷ παρασκευαζόμενον εἰσ Βοιωτίαν ἐμβαλεῖν, καὶ πεπεικότα τῶν ἐν ἡλικίᾳ τοὺσ ἀρίστουσ καὶ φιλοτιμοτάτουσ ἐθελοντὶ στρατεύεσθαι, χιλίουσ γενομένουσ ἄνευ τῆσ ἄλλησ δυνάμεωσ, κατέχειν ἐπειρᾶτο καὶ παρακαλεῖν ἐν τῷ δήμῳ, τὸ μνημονευόμενον εἰπών, ὡσ εἰ μὴ πείθοιτο Περικλεῖ, τόν γε σοφώτατον οὐχ ἁμαρτήσεται σύμβουλον ἀναμείνασ χρόνον.

τότε μὲν οὖν μετρίωσ εὐδοκίμησε τοῦτ’ εἰπών·

ὀλίγαισ δ’ ὕστερον ἡμέραισ, ὡσ ἀνηγγέλθη τεθνεὼσ μὲν αὐτὸσ Τολμίδησ περὶ Κορώνειαν ἡττηθεὶσ μάχῃ, τεθνεῶτεσ δὲ πολλοὶ κἀγαθοὶ τῶν πολιτῶν, μεγάλην τοῦτο τῷ Περικλεῖ μετ’ εὐνοίασ δόξαν ἤνεγκεν, ὡσ ἀνδρὶ φρονίμῳ καὶ φιλοπολίτῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 18

(플루타르코스, Περικλῆς, chapter 18)

상위

목록

SEARCH

MENU NAVIGATION