헬라어 문장 검색 - Πλυταρ́Περιξλέ36́

(플루타르코스, Περικλῆς, chapter 36)

τὰ μὲν οὖν δημόσια ταχέωσ ἔμελλε παύσεσθαι, καθάπερ κέντρον εἰσ τοῦτον ἅμα πληγῇ τὸν θυμὸν ἀφεικότων τῶν πολλῶν· τὰ δ’ οἰκεῖα μοχθηρῶσ εἶχεν αὐτῷ κατά τε τὸν λοιμὸν οὐκ ὀλίγουσ ἀποβαλόντι τῶν ἐπιτηδείων καὶ στάσει διατεταραγμένα πόρρωθεν. ὁ γὰρ πρεσβύτατοσ αὐτοῦ τῶν γνησίων υἱῶν Ξάνθιπποσ φύσει τε δαπανηρὸσ ὢν καὶ γυναικὶ νέᾳ καὶ πολυτελεῖ συνοικῶν, Τισάνδρου θυγατρὶ τοῦ Ἐπιλύκου, χαλεπῶσ ἔφερε τὴν τοῦ πατρὸσ ἀκρίβειαν γλίσχρα καὶ κατὰ μικρὸν αὐτῷ χορηγοῦντοσ. πέμψασ οὖν πρόσ τινα τῶν φίλων ἔλαβεν ἀργύριον ὡσ τοῦ Περικλέουσ κελεύσαντοσ.

ἐκείνου δ’ ὕστερον ἀπαιτοῦντοσ, ὁ μὲν Περικλῆσ καὶ δίκην αὐτῷ προσέλαχε, τὸ δὲ μειράκιον ὁ Ξάνθιπποσ ἐπὶ τούτῳ χαλεπῶσ διατεθεὶσ ἐλοιδόρει τὸν πατέρα, πρῶτον μὲν ἐκφέρων ἐπὶ γέλωτι τὰσ οἴκοι διατριβὰσ αὐτοῦ καὶ τοὺσ λόγουσ οὓσ ἐποιεῖτο μετὰ τῶν σοφιστῶν. πεντάθλου γάρ τινοσ ἀκοντίῳ πατάξαντοσ Ἐπίτιμον τὸν Φαρσάλιον ἀκουσίωσ καὶ κατακτείναντοσ, ἡμέραν ὅλην ἀναλῶσαι μετὰ Πρωταγόρου διαποροῦντα πότερον τὸ ἀκόντιον ἢ τὸν βαλόντα μᾶλλον ἢ τοὺσ ἀγωνοθέτασ κατὰ τὸν ὀρθότατον λόγον αἰτίουσ χρὴ τοῦ πάθουσ ἡγεῖσθαι.

πρὸσ δὲ τούτοισ καὶ τὴν περὶ τῆσ γυναικὸσ διαβολὴν ὑπὸ τοῦ Ξανθίππου φησὶν ὁ Στησίμβροτοσ εἰσ τοὺσ πολλοὺσ διασπαρῆναι, καὶ ὅλωσ ἀνήκεστον ἄχρι τῆσ τελευτῆσ τῷ νεανίσκῳ πρὸσ τὸν πατέρα παραμεῖναι τὴν διαφοράν· ἀπέθανε γὰρ ὁ Ξάνθιπποσ ἐν τῷ λοιμῷ νοσήσασ. ἀπέβαλε δὲ καὶ τὴν ἀδελφὴν ὁ Περικλῆσ τότε καὶ τῶν κηδεστῶν καὶ φίλων τοὺσ πλείστουσ καὶ χρησιμωτάτουσ πρὸσ τὴν πολιτείαν.

οὐ μὴν ἀπεῖπεν οὐδὲ προὔδωκε τὸ φρόνημα καὶ τὸ μέγεθοσ τῆσ ψυχῆσ ὑπὸ τῶν συμφορῶν, ἀλλ’ οὐδὲ κλαίων οὐδὲ κηδεύων οὐδὲ πρὸσ τάφῳ τινὸσ ὤφθη τῶν ἀναγκαίων, πρίν γε δὴ καὶ τὸν περίλοιπον αὑτοῦ τῶν γνησίων υἱῶν ἀποβαλεῖν Πάραλον. ἐπὶ τούτῳ δὲ καμφθεὶσ ἐπειρᾶτο μὲν ἐγκαρτερεῖν τῷ ἤθει καὶ διαφυλάττειν τὸ μεγαλόψυχον, ἐπιφέρων δὲ τῷ νεκρῷ στέφανον ἡττήθη τοῦ πάθουσ πρὸσ τὴν ὄψιν, ὥστε κλαυθμόν τε ῥῆξαι καὶ πλῆθοσ ἐκχέαι δακρύων, οὐδέποτε τοιοῦτον οὐδὲν ἐν τῷ λοιπῷ βίῳ πεποιηκώσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 36

(플루타르코스, Περικλῆς, chapter 36)

상위

목록

SEARCH

MENU NAVIGATION