헬라어 문장 검색 - Πλυταρ́Περιξλέ38́

(플루타르코스, Περικλῆς, chapter 38)

τότε δὲ τοῦ Περικλέουσ ἐοίκεν ὁ λοιμὸσ λαβέσθαι λαβὴν οὐκ ὀξεῖαν, ὥσπερ ἄλλων, οὐδὲ σύντονον, ἀλλὰ βληχρᾷ τινι νόσῳ καὶ μῆκοσ ἐν ποικίλαισ ἐχούσῃ μεταβολαῖσ διαχρωμένην τὸ σῶμα σχολαίωσ καὶ ὑπερείπουσαν τὸ φρόνημα τῆσ ψυχῆσ. ὁ γοῦν Θεόφραστοσ ἐν τοῖσ Ἠθικοῖσ διαπορήσασ εἰ πρὸσ τὰσ τύχασ τρέπεται τὰ ἤθη καὶ κινούμενα τοῖσ τῶν σωμάτων πάθεσιν ἐξίσταται τῆσ ἀρετῆσ, ἱστόρηκεν ὅτι νοσῶν ὁ Περικλῆσ ἐπισκοπουμένῳ τινὶ τῶν φίλων δείξειε περίαπτον ὑπὸ τῶν γυναικῶν τῷ τραχήλῳ περιηρτημένον, ὡσ σφόδρα κακῶσ ἔχων ὁπότε καὶ ταύτην ὑπομένοι τὴν ἀβελτερίαν.

ἤδη δὲ πρὸσ τῷ τελευτᾶν ὄντοσ αὐτοῦ,περικαθήμενοι τῶν πολιτῶν οἱ βέλτιστοι καὶ τῶν φίλων οἱ περιόντεσ λόγον ἐποιοῦντο τῆσ ἀρετῆσ καὶ τῆσ δυνάμεωσ, ὅση γένοιτο, καὶ τὰσ πράξεισ ἀνεμετροῦντο καὶ τῶν τροπαίων τὸ πλῆθοσ·

ἐννέα γὰρ ἦν ἃ στρατηγῶν καὶ νικῶν ἔστησεν ὑπὲρ τῆσ πόλεωσ. ταῦτα, ὡσ οὐκέτι συνιέντοσ, ἀλλὰ καθῃρημένου τὴν αἴσθησιν αὐτοῦ, διελέγοντο πρὸσ ἀλλήλουσ·

ὁ δὲ πᾶσιν ἐτύγχανε τὸν νοῦν προσεσχηκώσ, καὶ φθεγξάμενοσ εἰσ μέσον ἔφη θαυμάζειν ὅτι ταῦτα μὲν ἐπαινοῦσιν αὐτοῦ καὶ μνημονεύουσιν, ἃ καὶ πρὸσ τύχην ἐστὶ κοινὰ καὶ γέγονεν ἤδη πολλοῖσ στρατηγοῖσ, τὸ δὲ κάλλιστον καὶ μέγιστον οὐ λέγουσιν. "δι’ ἐμὲ τῶν ὄντων Ἀθηναίων μέλαν ἱμάτιον περιεβάλετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 38

(플루타르코스, Περικλῆς, chapter 38)

상위

목록

SEARCH

MENU NAVIGATION