헬라어 문장 검색 - Πλυταρ́Περιξλέ26́

(플루타르코스, Περικλῆς, chapter 26)

ἅμα δὲ τῇ νίκῃ καὶ τῇ διώξει τοῦ λιμένοσ κρατήσασ ἐπολιόρκει τοὺσ Σαμίουσ, ἁμῶσ γέ πωσ ἔτι τολμῶντασ ἐπεξιέναι καὶ διαμάχεσθαι πρὸ τοῦ τείχουσ. ἐπεὶ δὲ μείζων ἕτεροσ στόλοσ ἦλθεν ἐκ τῶν Ἀθηνῶν καὶ παντελῶσ κατεκλείσθησαν οἱ Σάμιοι, λαβὼν ὁ Περικλῆσ ἑξήκοντα τριήρεισ ἔπλευσεν εἰσ τὸν ἔξω πόντον, ὡσ μὲν οἱ πλεῖστοι λέγουσι, Φοινισσῶν νεῶν ἐπικούρων τοῖσ Σαμίοισ προσφερομένων ἀπαντῆσαι καὶ διαγωνίσασθαι πορρωτάτω βουλόμενοσ, ὡσ δὲ Στησίμβροτοσ, ἐπὶ Κύπρον στελλόμενοσ· ὅπερ οὐ δοκεῖ πιθανὸν εἶναι. ὁποτέρῳ δ’ οὖν ἐχρήσατο τῶν λογισμῶν, ἁμαρτεῖν ἔδοξε.

πλεύσαντοσ γὰρ αὐτοῦ Μέλισσοσ ὁ Ἰθαγένουσ, ἀνὴρ φιλόσοφοσ στρατηγῶν τότε τῆσ Σάμου, καταφρονήσασ τῆσ ὀλιγότητοσ τῶν νεῶν ἢ τῆσ ἀπειρίασ τῶν στρατηγῶν, ἔπεισε τοὺσ πολίτασ ἐπιθέσθαι τοῖσ Ἀθηναίοισ. καὶ γενομένησ μάχησ νικήσαντεσ οἱ Σάμιοι, καὶ πολλοὺσ μὲν αὐτῶν ἄνδρασ ἑλόντεσ, πολλὰσ δὲ ναῦσ διαφθείραντεσ, ἐχρῶντο τῇ θαλάσσῃ καὶ παρετίθεντο τῶν ἀναγκαίων πρὸσ τὸν πόλεμον ὅσα μὴ πρότερον εἶχον. ὑπὸ δὲ τοῦ Μελίσσου καὶ Περικλέα φησὶν αὐτὸν Ἀριστοτέλησ ἡττηθῆναι ναυμαχοῦντα πρότερον.

οἱ δὲ Σάμιοι τοὺσ αἰχμαλώτουσ τῶν Ἀθηναίων ἀνθυβρίζοντεσ ἔστιζον εἰσ τὸ μέτωπον γλαῦκασ· καὶ γὰρ ἐκείνουσ οἱ Ἀθηναῖοι σάμαιναν. ἡ δὲ σάμαινα ναῦσ ἐστιν ὑόπρωροσ μὲν τὸ σίμωμα, κοιλοτέρα δὲ καὶ γαστροειδήσ, ὥστε καὶ ποντοπορεῖν καὶ ταχυναυτεῖν. οὕτω δ’ ὠνομάσθη διὰ τὸ πρῶτον ἐν Σάμῳ φανῆναι, Πολυκράτουσ τυράννου κατασκευάσαντοσ.

πρὸσ ταῦτα τὰ στίγματα λέγουσι καὶ τὸ Ἀριστοφάνειον ᾐνίχθαι· Σαμίων ὁ δῆμόσ ἐστιν ὡσ πολυγράμματοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 26

(플루타르코스, Περικλῆς, chapter 26)

상위

목록

SEARCH

MENU NAVIGATION