Plutarch, Περικλῆς, chapter 27

(플루타르코스, Περικλῆς, chapter 27)

πυθόμενοσ δ’ οὖν ὁ Περικλῆσ τὴν ἐπὶ στρατοπέδου συμφορὰν ἐβοήθει κατὰ τάχοσ καὶ τοῦ Μελίσσου πρὸσ αὐτὸν ἀντιταξαμένου κρατήσασ καὶ τρεψάμενοσ τοὺσ πολεμίουσ εὐθὺσ περιετείχιζε, δαπάνῃ καὶ χρόνῳ μᾶλλον ἢ τραύμασι καὶ κινδύνοισ τῶν πολιτῶν περιγενέσθαι καὶ συνελεῖν τὴν πόλιν βουλόμενοσ. ἐπεὶ δὲ δυσχεραίνοντασ τῇ τριβῇ τοὺσ Ἀθηναίουσ καὶ μάχεσθαι προθυμουμένουσ ἔργον ἦν κατασχεῖν, ὀκτὼ μέρη διελὼν τὸ πᾶν πλῆθοσ ἀπεκλήρου, καὶ τῷ λαβόντι τὸν λευκὸν κύαμον εὐωχεῖσθαι καὶ σχολάζειν παρεῖχε τῶν ἄλλων μαχομένων.

διὸ καί φασι τοὺσ ἐν εὐπαθείαισ τισὶ γενομένουσ λευκὴν ἡμέραν ἐκείνην ἀπὸ τοῦ λευκοῦ κυάμου προσαγορεύειν. ἔφοροσ δὲ καὶ μηχαναῖσ χρήσασθαι τὸν Περικλέα, τὴν καινότητα θαυμάσαντα, Ἀρτέμωνοσ τοῦ μηχανικοῦ παρόντοσ, ὃν χωλὸν ὄντα καὶ φορείῳ πρὸσ τὰ κατεπείγοντα τῶν ἔργων προσκομιζόμενον ὀνομασθῆναι περιφόρητον.

τοῦτο μὲν οὖν Ἡρακλείδησ ὁ Ποντικὸσ ἐλέγχει τοῖσ Ἀνακρέοντοσ ποιήμασιν, ἐν οἷσ ὁ περιφόρητοσ Ἀρτέμων ὀνομάζεται πολλαῖσ ἔμπροσθεν ἡλικίαισ τοῦ περὶ Σάμον πολέμου καὶ τῶν πραγμάτων ἐκείνων· τὸν δ’ Ἀρτέμωνά φησι τρυφερόν τινα τῷ βίῳ καὶ πρὸσ τοὺσ φόβουσ μαλακὸν ὄντα καὶ καταπλῆγα τὰ πολλὰ μὲν οἴκοι καθέζεσθαι, χαλκῆν ἀσπίδα τῆσ κεφαλῆσ αὐτοῦ δυεῖν οἰκετῶν ὑπερεχόντων, ὥστε μηδὲν ἐμπεσεῖν τῶν ἄνωθεν, εἰ δὲ βιασθείη προελθεῖν, ἐν κλινιδίῳ κρεμαστῷ παρὰ τὴν γῆν αὐτὴν περιφερόμενον κομίζεσθαι, καὶ διὰ τοῦτο κληθῆναι περιφόρητον.

일치하는 문장이 없습니다.

SEARCH

MENU NAVIGATION