헬라어 문장 검색 - Πλυταρ́Περιξλέ15́

(플루타르코스, Περικλῆς, chapter 15)

τὰ μὲν πολλὰ βουλόμενον ἦγε πείθων καὶ διδάσκων τὸν δῆμον, ἦν δ’ ὅτε καὶ μάλα δυσχεραίνοντα κατατείνων καὶ προσβιβάζων ἐχειροῦτο τῷ συμφέροντι, μιμούμενοσ ἀτεχνῶσ ἰατρὸν ποικίλῳ νοσήματι καὶ μακρῷ κατὰ καιρὸν μὲν ἡδονὰσ ἀβλαβεῖσ, κατὰ καιρὸν δὲ δηγμοὺσ καὶ φάρμακα προσφέροντα σωτήρια. παντοδαπῶν γάρ, ὡσ εἰκόσ, παθῶν ἐν ὄχλῳ τοσαύτην τὸ μέγεθοσ ἀρχὴν ἔχοντι φυομένων, μόνοσ ἐμμελῶσ ἕκαστα διαχειρίσασθαι πεφυκώσ, μάλιστα δ’ ἐλπίσι καὶ φόβοισ ὥσπερ οἰάξι προσστέλλων τὸ θρασυνόμενον αὐτῶν καὶ τὸ δύσθυμον ἀνιεὶσ καὶ παραμυθούμενοσ, ἔδειξε τὴν ῥητορικὴν κατὰ Πλάτωνα ψυχαγωγίαν οὖσαν καὶ μέγιστον ἔργον αὐτῆσ τὴν περὶ τὰ ἤθη καὶ πάθη μέθοδον, ὥσπερ τινὰσ τόνουσ καὶ φθόγγουσ ψυχῆσ μάλ’ ἐμμελοῦσ ἁφῆσ καὶ κρούσεωσ δεομένουσ.

αἰτία δ’ οὐχ ἡ τοῦ λόγου ψιλῶσ δύναμισ, ἀλλ’, ὡσ Θουκυδίδησ φησίν, ἡ περὶ τὸν βίον δόξα καὶ πίστισ τοῦ ἀνδρόσ, ἀδωροτάτου περιφανῶσ γενομένου καὶ χρημάτων κρείττονοσ·

ὃσ καὶ τὴν πόλιν ἐκ μεγάλησ μεγίστην καὶ πλουσιωτάτην ποιήσασ, καὶ γενόμενοσ δυνάμει πολλῶν βασιλέων καὶ τυράννων ὑπέρτεροσ, ὧν ἔνιοι καὶ ἐπίτροπον τοῖσ υἱέσι διέθεντο ἐκεῖνον, μιᾷ δραχμῇ μείζονα τὴν οὐσίαν οὐκ ἐποίησεν ἧσ ὁ πατὴρ αὐτῷ κατέλιπε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 15

(플루타르코스, Περικλῆς, chapter 15)

상위

목록

SEARCH

MENU NAVIGATION