헬라어 문장 검색 - Πλυταρ́Περιξλέ20́

(플루타르코스, Περικλῆς, chapter 20)

εἰσ δὲ τὸν Πόντον εἰσπλεύσασ στόλῳ μεγάλῳ καὶ κεκοσμημένῳ λαμπρῶσ ταῖσ μὲν Ἑλληνίσι πόλεσιν ὧν ἐδέοντο διεπράξατο καὶ προσηνέχθη φιλανθρώπωσ, τοῖσ δὲ περιοικοῦσι βαρβάροισ ἔθνεσι καὶ βασιλεῦσιν αὐτῶν καὶ δυνάσταισ ἐπεδείξατο μὲν τῆσ δυνάμεωσ τὸ μέγεθοσ καὶ τὴν ἄδειαν καὶ τὸ θάρσοσ ᾗ βούλοιντο πλεόντων καὶ πᾶσαν ὑφ’ αὑτοῖσ πεποιημένων τὴν θάλασσαν, Σινωπεῦσι δὲ τρισκαίδεκα ναῦσ ἀπέλιπε μετὰ Λαμάχου καὶ στρατιώτασ ἐπὶ Τιμησίεων τύραννον. ἐκπεσόντοσ δὲ τούτου καὶ τῶν ἑταίρων ἐψηφίσατο πλεῖν εἰσ Σινώπην Ἀθηναίων ἐθελοντὰσ ἑξακοσίουσ καὶ συγκατοικεῖν Σινωπεῦσι, νειμαμένουσ οἰκίασ καὶ χώραν ἣν πρότερον οἱ τύραννοι κατεῖχον.

τἆλλα δ’ οὐ συνεχώρει ταῖσ ὁρμαῖσ τῶν πολιτῶν, οὐδὲ συνεξέπιπτεν ὑπὸ ῥώμησ καὶ τύχησ τοσαύτησ ἐπαιρομένων Αἰγύπτου τε πάλιν ἀντιλαμβάνεσθαι καὶ κινεῖν τῆσ βασιλέωσ ἀρχῆσ τὰ πρὸσ θαλάσσῃ. πολλοὺσ δὲ καὶ Σικελίασ ὁ δύσερωσ ἐκεῖνοσ ἤδη καὶ δύσποτμοσ ἔρωσ εἶχεν, ὃν ὕστερον ἐξέκαυσαν οἱ περὶ τὸν Ἀλκιβιάδην ῥήτορεσ.

ἦν δὲ καὶ Τυρρηνία καὶ Καρχηδὼν ἐνίοισ ὄνειροσ οὐκ ἀπ’ ἐλπίδοσ διὰ τὸ μέγεθοσ τῆσ ὑποκειμένησ ἡγεμονίασ καὶ τὴν εὔροιαν τῶν πραγμάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 20

(플루타르코스, Περικλῆς, chapter 20)

상위

목록

SEARCH

MENU NAVIGATION