헬라어 문장 검색 - Πλυταρ́Περιξλέ17́

(플루타르코스, Περικλῆς, chapter 17)

ἀρχομένων δὲ Λακεδαιμονίων ἄχθεσθαι τῇ αὐξήσει τῶν Ἀθηναίων, ἐπαίρων ὁ Περικλῆσ τὸν δῆμον ἔτι μᾶλλον μέγα φρονεῖν καὶ μεγάλων αὑτὸν ἀξιοῦν πραγμάτων, γράφει ψήφισμα, πάντασ Ἕλληνασ τοὺσ ὁπήποτε κατοικοῦντασ Εὐρώπησ ἢ τῆσ Ἀσίασ παρακαλεῖν, καὶ μικρὰν πόλιν καὶ μεγάλην, εἰσ σύλλογον πέμπειν Ἀθήναζε τοὺσ βουλευσομένουσ περὶ τῶν Ἑλληνικῶν ἱερῶν, ἃ κατέπρησαν οἱ βάρβαροι, καὶ τῶν θυσιῶν ἃσ ὀφείλουσιν ὑπὲρ τῆσ Ἑλλάδοσ εὐξάμενοι τοῖσ θεοῖσ ὅτε πρὸσ τοὺσ βαρβάρουσ ἐμάχοντο, καὶ τῆσ θαλάττησ, ὅπωσ πλέωσι πάντεσ ἀδεῶσ καὶ τὴν εἰρήνην ἄγωσιν. ἐπὶ ταῦτα δ’ ἄνδρεσ εἴκοσι τῶν ὑπὲρ πεντήκοντα ἔτη γεγονότων ἐπέμφθησαν, ὧν πέντε μὲν Ιὤνασ καὶ Δωριεὶσ τοὺσ ἐν Ἀσίᾳ καὶ νησιώτασ ἄχρι Λέσβου καὶ Ῥόδου παρεκάλουν, πέντε δὲ τοὺσ ἐν Ἑλλησπόντῳ καὶ Θρᾴκῃ μέχρι Βυζαντίου τόπουσ ἐπῄεσαν, καὶ πέντε ἐπὶ τούτοισ εἰσ Βοιωτίαν καὶ Φωκίδα καὶ Πελοπόννησον, ἐκ δὲ ταύτησ διὰ Λοκρῶν ἐπὶ τὴν πρόσοικον ἤπειρον ἑώσ Ἀκαρνανίασ καὶ Ἀμβρακίασ ἀπεστάλησαν·

οἱ δὲ λοιποὶ δι’ Εὐβοίασ ἐπ’ Οἰταίουσ καὶ τὸν Μαλιέα κόλπον καὶ Φθιώτασ Ἀχαιοὺσ καὶ Θεσσαλοὺσ ἐπορεύοντο, συμπείθοντεσ ἰέναι καὶ μετέχειν τῶν βουλευμάτων ἐπ’ εἰρήνῃ καὶ κοινοπραγίᾳ τῆσ Ἑλλάδοσ.

ἐπράχθη δὲ οὐδέν, οὐδὲ συνῆλθον αἱ πόλεισ, Λακεδαιμονίων ὑπεναντιωθέντων, ὡσ λέγεται, καὶ τὸ πρῶτον ἐν Πελοποννήσῳ τῆσ πείρασ ἐλεγχθείσησ. τοῦτο μὲν οὖν παρεθέμην ἐνδεικνύμενοσ αὐτοῦ τὸ φρόνημα καὶ τὴν μεγαλοφροσύνην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 17

(플루타르코스, Περικλῆς, chapter 17)

상위

목록

SEARCH

MENU NAVIGATION