헬라어 텍스트

Plutarch, Alexander, chapter 54

(플루타르코스, Alexander, chapter 54)

ταῦτα μὲν οὖν ὁ ̔̀ Ἕρμιππόσ φησι τὸν ἀναγνώστην τοῦ Καλλισθένουσ Στροῖβον Ἀριστοτέλει διηγεῖσθαι, τὸν δὲ Καλλισθένη συνέντα τήν ἀλλοτριότητα τοῦ βασιλέωσ δὶσ ἢ τρὶσ ἀπιόντα πρὸσ αὑτὸν εἰπεῖν κάτθανε καὶ Πάτροκλοσ, ὅπερ σέο πολλὸν ἀμείνων. οὐ φαύλωσ οὖν εἰπεῖν ἐοίκεν ὁ Ἀριστοτέλησ ὅτι Καλλισθένησ λόγῳ μὲν ἦν δυνατὸσ καὶ μέγασ, νοῦν δὲ οὐκ εἶχεν. ἀλλὰ τήν γε προσκύνησιν ἰσχυρῶσ ἀπωσάμενοσ καὶ φιλοσόφωσ, καὶ μόνοσ ἐν φανερῷ διελθὼν ἃ κρύφα πάντεσ οἱ βέλτιστοι καὶ πρεσβύτατοι τῶν Μακεδόνων ἠγανάκτουν, τοὺσ μὲν Ἕλληνασ αἰσχύνησ ἀπήλλαξε μεγάλησ, καὶ μείζονοσ Ἀλέξανδρον, ἀποτρέψασ τήν προσκύνησιν, αὑτὸν δὲ ἀπώλεσεν, ἐκβιάσασθαι δοκῶν μᾶλλον ἢ πεῖσαι τὸν βασιλέα.

Χάρησ δὲ ὁ Μιτυληναῖόσ φησι τὸν Ἀλέξανδρον ἐν τῷ συμποσίῳ πιόντα φιάλην προτεῖναί τινι τῶν φίλων·

τὸν δὲ δεξάμενον πρὸσ ἑστίαν ἀναστῆναι καὶ πιόντα προσκυνῆσαι πρῶτον, εἶτα φιλῆσαι τὸν Ἀλέξανδρον, καὶ κατακλιθῆναι. διακλῖναι τὸ φίλημα τὸν Ἀλέξανδρον, τὸν δὲ Καλλισθένη μέγα φθεγξάμενον εἰπεῖν·

"φιλήματι τοίνυν ἔλασσον ἔχων ἄπειμι.