헬라어 문장 검색 - Πλυταρ́Αλεχανδ́22́

(플루타르코스, Alexander, chapter 22)

ἐπεὶ δὲ Φιλόξενοσ ὁ τῶν ἐπὶ θαλάττῃ στρατηγὸσ ἔγραψεν εἶναι παρ’ αὐτῷ Θεόδωρόν τινα Ταραντῖνον ἔχοντα παῖδασ ὠνίουσ δύο τὴν ὄψιν ὑπερφυεῖσ, καὶ πυνθανόμενοσ εἰ πρίηται, χαλεπῶσ ἐνεγκὼν ἐβόα πολλάκισ πρὸσ τοὺσ φίλουσ, ἐρωτῶν τί πώποτε Φιλόξενοσ αἰσχρὸν αὐτῷ συνεγνωκώσ τοιαῦτα ὀνείδη προξενῶν κάθηται, τὸν δὲ Φιλόξενον αὐτόν ἐν ἐπιστολῇ πολλὰ λοιδορήσασ ἐκέλευσεν αὐτοῖσ φορτίοισ τὸν Θεόδωρον εἰσ τὸν ὄλεθρον ἀποστέλλειν. ἐπέπληξε δὲ καὶ Ἅγνωνι γράψαντι πρὸσ αὐτόν ὅτι Κρωβύλον εὐδοκιμοῦντα ἐν Κορίνθῳ βούλεται πριάμενοσ ἀγαγεῖν πρὸσ αὐτόν, πυνθανόμενοσ δὲ μισθοφόρων τινῶν γύναια διεφθαρκέναι Δάμωνα καὶ Τιμόθεον Μακεδόνασ τῶν ὑπὸ Παρμενίωνι στρατευομένων, ἔγραψε Παρμενίωνι κελεύων, ἐὰν ἐλεγχθῶσιν, ὡσ θηρία ἐπὶ καταφθορᾷ τῶν ἀνθρώπων γεγονότα τιμωρησάμενον ἀποκτεῖναι.

καὶ περὶ ἑαυτοῦ κατὰ λέξιν ἐν ταύτῃ τῇ ἐπιστολῇ γέγραφεν·

ἔλεγε δὲ μάλιστα συνιέναι θνητὸσ ὢν ἐκ τοῦ καθεύδειν καὶ συνουσιάζειν, ὡσ ἀπὸ μιᾶσ ἐγγινόμενον ἀσθενείασ τῇ φύσει καὶ τὸ πονοῦν καὶ τὸ ἡδόμενον. ἢν δὲ καὶ γαστρὸσ ἐγκρατέστατοσ, καὶ τοῦτο ἄλλοισ τε πολλοῖσ ἐδήλωσε καὶ τοῖσ πρὸσ Ἄδαν λεχθεῖσιν, ἣν ἐποιήσατο μητέρα καὶ Καρίασ βασίλισσαν ἀπέδειξεν.

ὡσ γὰρ ἐκείνη φιλοφρονουμένη πολλὰ μὲν ὄψα καθ’ ἡμέραν ἀπέστελλεν αὐτῷ καὶ πέμματα, τέλοσ δὲ τοὺσ δοκοῦντασ εἶναι δεινοτάτουσ ὀψοποιοὺσ καὶ ἀρτοποιούσ, ἔφη τούτων μηδενὸσ δεῖσθαι· βελτίονασ γὰρ ὀψοποιοὺσ ἔχειν ὑπὸ τοῦ παιδαγωγοῦ Λεωνίδου δεδομένουσ αὐτῷ, πρὸσ μὲν τὸ ἄριστον, νυκτοπορίαν, πρὸσ δὲ τὸ δεῖπνον, ὀλιγαριστίαν.

"καὶ τῶν στρωμάτων ἐπιὼν τὰ ἀγγεῖα καὶ τῶν ἱματίων ἔλυεν, ἐπισκοπῶν μή τί μοι τρυφερὸν ἢ περισσὸν ἡ μήτηρ ἐντέθεικεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 22

(플루타르코스, Alexander, chapter 22)

상위

목록

SEARCH

MENU NAVIGATION