헬라어 문장 검색 - Πλυταρ́Αλεχανδ́18́

(플루타르코스, Alexander, chapter 18)

μετὰ ταῦτα Πισιδῶν τε τοὺσ ἀντιστάντασ ᾕρει καί Φρυγίαν ἐχειροῦτο καί Γόρδιον πόλιν, ἑστίαν Μίδου τοῦ παλαιοῦ γενέσθαι λεγομένην, παραλαβών, τὴν θρυλουμένην ἅμαξαν εἶδε φλοιῷ κρανείασ ἐνδεδεμένην, καί λόγον ἐπ’ αὐτῇ πιστευόμενον ὑπὸ τῶν βαρβάρων ἤκουσεν, ὡσ τῷ λύσαντι τὸν δεσμὸν εἵμαρται βασιλεῖ γενέσθαι τῆσ οἰκουμένησ, οἱ μὲν οὖν πολλοί φασι, τῶν δεσμῶν τυφλὰσ ἐχόντων τὰσ ἀρχὰσ καί δι’ ἀλλήλων πολλάκισ σκολιοῖσ ἑλιγμοῖσ ὑποφερομένων, τὸν Ἀλέξανδρον ἀμηχανοῦντα λῦσαι διατεμεῖν τῇ μαχαίρᾳ τὸ σύναμμα, καί πολλὰσ ἐξ αὐτοῦ κοπέντοσ ἀρχὰσ φανῆναι. Ἀριστόβουλοσ δὲ καί πάνυ λέγει ῥᾳδίαν αὐτῷ τὴν λύσιν γενέσθαι, ἐξελόντι τοῦ ῥυμοῦ τὸν ἕστορα καλούμενον, ᾧ συνείχετο τὸ ζυγόδεσμον, εἶθ’ οὕτωσ ὑφελκύσαντι τὸν ζυγόν.

ἐντεῦθεν Παφλαγόνασ τε καί Καππαδόκασ προσαγαγόμενοσ, καὶ τὴν Μέμνονοσ ἀκούσασ τελευτήν, ὃσ τῶν ἐπὶ θαλάττῃ Δαρείου στρατηγῶν ἐπίδοξοσ ἦν Ἀλεξάνδρῳ πολλὰ πράγματα καί μυρίασ ἀντιλήψεισ καί ἀσχολίασ παρέξειν, ἐπερρώσθη πρὸσ τὴν ἄνω στρατείαν μᾶλλον.

ἤδη δὲ καί Δαρεῖοσ ἐκ Σούσων κατέβαινεν, ἐπαιρόμενόσ τε τῷ πλήθει τῆσ δυνάμεωσ ἑξήκοντα γὰρ ἦγε μυριάδασ στρατοῦ, καί τινοσ ὀνείρου θαρρύνοντοσ αὐτόν, ὃν οἱ μάγοι πρὸσ χάριν ἐξηγοῦντο μᾶλλον ἢ κατὰ τὸ εἰκόσ, ἔδοξε γὰρ πυρὶ νέμεσθαι πολλῷ τὴν Μακεδόνων φάλαγγα, τὸν δὲ Ἀλέξανδρον ἔχοντα στολήν ἣν αὐτὸσ ἐφόρει πρότερον ἀστάνδησ ὢν βασιλέωσ, ὑπηρετεῖν αὐτῷ·

παρελθόντα δὲ εἰσ τὸ τοῦ Βήλου τέμενοσ ἀφανῆ γενέσθαι. διὰ τούτων, ὡσ ἐοίκεν, ὑπεδηλοῦτο παρὰ τοῦ θεοῦ λαμπρὰ μὲν γενήσεσθαι καί περιφανῆ τὰ τῶν Μακεδόνων, Ἀλέξανδρον δὲ τῆσ μὲν Ἀσίασ κρατήσειν, ὥσπερ ἐκράτησε Δαρεῖοσ ἐξ ἀστάνδου βασιλεὺσ γενόμενοσ, ταχὺ δὲ σὺν δόξῃ τὸν βίον ἀπολείψειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 18

(플루타르코스, Alexander, chapter 18)

상위

목록

SEARCH

MENU NAVIGATION