헬라어 문장 검색 - Πλυταρ́Αλεχανδ́04́

(플루타르코스, Alexander, chapter 4)

τὴν μὲν οὖν ἰδέαν τοῦ σώματοσ οἱ Λυσίππειοι μάλιστα τῶν ἀνδριάντων ἐμφαίνουσιν, ὑφ’ οὗ μόνου καὶ αὐτὸσ ἠξίου πλάττεσθαι. καὶ γὰρ μάλισθ’ ἃ πολλοὶ τῶν διαδόχων ὕστερον καὶ τῶν φίλων ἀπεμιμοῦντο, τήν τε ἀνάτασιν τοῦ αὐχένοσ εἰσ εὐώνυμον ἡσυχῇ κεκλιμένου καὶ Τὴν ὑγρότητα τῶν ὀμμάτων, διατετήρηκεν ἀκριβῶσ ὁ τεχνίτησ. Ἀπελλῆσ δὲ γράφων τὸν κεραυνοφόρον οὐκ ἐμιμήσατο Τὴν χρόαν, ἀλλὰ φαιότερον καὶ πεπινωμένον ἐποίησεν.

ἦν δὲ λευκόσ, ὥσ φασιν ἡ δὲ λευκότησ ἐπεφοίνισσεν αὐτοῦ περὶ τὸ στῆθοσ μάλιστα καὶ τὸ πρόσωπον, ὅτι δὲ τοῦ χρωτὸσ ἥδιστον ἀπέπνει καὶ τὸ στόμα κατεῖχεν εὐωδία καὶ Τὴν σάρκα πᾶσαν, ὥστε πληροῦσθαι τοὺσ χιτωνίσκουσ, ἀνέγνωμεν ἐν ὑπομνήμασιν Ἀριστοξενείοισ. αἰτία δὲ ἴσωσ ἡ τοῦ σώματοσ κρᾶσισ πολύθερμοσ οὖσα καὶ πυρώδησ·

ἡ γὰρ εὐωδία γίνεται πέψει τῶν ὑγρῶν ὑπὸ θερμότητοσ, ὡσ οἰέται Θεόφραστοσ, ὅθεν οἱ ξηροὶ καὶ διάπυροι τόποι τῆσ οἰκουμένησ τὰ πλεῖστα καὶ κάλλιστα τῶν ἀρωμάτων φέρουσιν ἐξαιρεῖ γὰρ ὁ ἥλιοσ τὸ ὑγρόν ὥσπερ ὕλην σηπεδόνοσ ἐπιπολάζον τοῖσ σώμασιν. Ἀλέξανδρον δὲ ἡ θερμότησ τοῦ σώματοσ, ὡσ ἐοίκε, καὶ ποτικὸν καὶ θυμοειδῆ παρεῖχεν.

ἔτι δὲ ὄντοσ αὐτοῦ παιδὸσ ἥ τε σωφροσύνη διεφαίνετο τῷ πρὸσ τἆλλα ῥαγδαῖον ὄντα καὶ φερόμενον σφοδρῶσ ἐν ταῖσ ἡδοναῖσ ταῖσ περὶ τὸ σῶμα δυσκίνητον εἶναι καὶ μετά πολλῆσ πρᾳότητοσ ἅπτεσθαι τῶν τοιούτων, ἥ τε φιλοτιμία παρ’ ἡλικίαν ἐμβριθὲσ εἶχε τὸ φρόνημα καὶ μεγαλόψυχον. "βασιλεῖσ ἔμελλον ἕξειν ἀνταγωνιστάσ.

φαίνεται δὲ καὶ καθόλου πρὸσ τὸ τῶν ἀθλητῶν γένοσ ἀλλοτρίωσ ἔχων πλείστουσ γέ τοι θεὶσ ἀγῶνασ οὐ μόνον τραγῳδῶν καὶ αὐλητῶν καὶ κιθαρῳδῶν, ἀλλὰ καὶ ῥαψῳδῶν, θήρασ τε παντοδαπῆσ καὶ ῥαβδομαχίασ, οὔτε πυγμῆσ οὔτε παγκρατίου μετά τινοσ σπουδῆσ ἔθηκεν ἆθλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 4

(플루타르코스, Alexander, chapter 4)

상위

목록

SEARCH

MENU NAVIGATION