헬라어 문장 검색 - Πλυταρ́Αλξιβιά31́

(플루타르코스, Ἀλκιβιάδης, chapter 31)

οἱ δὲ πολιορκοῦντεσ τὴν Χαλκηδόνα στρατηγοὶ σπονδὰσ ἐποιήσαντο πρὸσ Θαρνάβαζον ἐπὶ τῷ χρήματα λαβεῖν καὶ Χαλκηδονίουσ ὑπηκόουσ πάλιν Ἀθηναίοισ εἶναι, τὴν δὲ Φαρναβάζου χώραν μὴ ἀδικεῖν, Φαρνάβαζον δὲ πρέσβεσιν Ἀθηναίων πρὸσ βασιλέα πομπὴν μετ’ ἀσφαλείασ παρασχεῖν. ὡσ οὖν ἐπανελθόντα τὸν Ἀλκιβιάδην ὁ Φαρνάβαζοσ ἠξίου καὶ αὐτὸν ὀμόσαι περὶ τῶν ὡμολογημένων, οὐκ ἔφη πρότερον ἢ ἐκεῖνον αὐτοῖσ ὀμόσαι.

γενομένων δὲ τῶν ὁρ́κων ἐπὶ Βυζαντίουσ ἀφεστῶτασ ἦλθε καὶ περιετείχιζε τὴν πόλιν. νυκτὸσ δ’ ὑποστρέψασ αὐτὸσ μὲν ἀπέβη μετὰ τῶν ὁπλιτῶν καὶ προσελθὼν τοῖσ τείχεσιν ἡσυχίαν ἦγεν, αἱ δὲ νῆεσ ἐπὶ τὸν λιμένα πλεύσασαι καὶ βιαζόμεναι κραυγῇ τε πολλῇ καὶ θορύβοισ καὶ ψόφοισ ἅμα μὲν ἐξέπληττον τῷ ἀπροσδοκήτῳ τοὺσ Βυζαντίουσ, ἅμα δὲ τοῖσ ἀττικίζουσι παρεῖχον ἐπ’ ἀδείασ τὸν Ἀλκιβιάδην δέχεσθαι, πάντων ἐπὶ τὸν λιμένα καὶ τὰσ ναῦσ βοηθούντων.

οὐ μὴν ἀμαχεὶ προσεχώρησαν·

οἱ γὰρ παρόντεσ ἐν τῷ Βυζαντίῳ Πελοποννήσιοι καὶ Βοιωτοὶ καὶ Μεγαρεῖσ τοὺσ μὲν ἀπὸ τῶν νεῶν ἐτρέψαντο καὶ καθεῖρξαν εἰσ τὰσ ναῦσ πάλιν, τοὺσ δ’ Ἀθηναίουσ ἔνδον ὄντασ αἰσθόμενοι καὶ συντάξαντεσ ἑαυτοὺσ ἐχώρουν ὁμόσε. καρτερᾶσ δὲ μάχησ γενομένησ ἐνίκησεν Ἀλκιβιάδησ τὸ δεξιὸν κέρασ ἔχων, Θηραμένησ δὲ τὸ εὐώνυμον, καὶ τῶν πολεμίων τοὺσ περιγενομένουσ ὅσον τριακοσίουσ ζῶντασ ἔλαβε. Βυζαντίων δὲ μετὰ τὴν μάχην οὐδεὶσ ἀπέθανεν οὐδ’ ἔφυγεν.

ἐπὶ τούτοισ γὰρ οἱ ἄνδρεσ παρέδοσαν τὴν πόλιν καὶ ταῦτα συνέθεντο, μηδὲν αὑτοῖσ ἴδιον ὑπεξελόμενοι. διὸ καὶ δίκην προδοσίασ ἐν Λακεδαίμονι φεύγων ὁ Ἀναξίλαοσ ἐφάνη τῷ λόγῳ τὸ ἔργον οὐκ αἰσχύνων. ἔφη γὰρ οὐκ ὢν Λακεδαιμόνιοσ, ἀλλὰ Βυζάντιοσ, οὐδὲ τὴν Σπάρτην κινδυνεύουσαν, ἀλλὰ τὸ Βυζάντιον ὁρῶν, τῆσ μὲν πόλεωσ ἀποτετειχισμένησ, μηδενὸσ δ’ εἰσαγομένου, τὸν δ’ ὄντα σῖτον ἐν τῇ πόλει Πελοποννησίων καὶ Βοιωτῶν ἐσθιόντων, Βυζαντίων δὲ πεινώντων σὺν τέκνοισ καὶ γυναιξίν, οὐ προδοῦναι τοῖσ πολεμίοισ, ἀλλὰ πολέμων καὶ κακῶν ἀπαλλάξαι τὴν πόλιν, μιμούμενοσ τοὺσ ἀρίστουσ Λακεδαιμονίων, οἷσ ἓν καλὸν ἁπλῶσ καὶ δίκαιόν ἐστι τὸ τῆσ πατρίδοσ συμφέρον. οἱ μὲν οὖν Λακεδαιμόνιοι ταῦτ’ ἀκούσαντεσ ᾐδέσθησαν καὶ ἀπέλυσαν τοὺσ ἄνδρασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 31

(플루타르코스, Ἀλκιβιάδης, chapter 31)

상위

목록

SEARCH

MENU NAVIGATION