헬라어 문장 검색 - Πλυταρ́Αλξιβιά12́

(플루타르코스, Ἀλκιβιάδης, chapter 12)

τοῦτο μέντοι τὸ λαμπρὸν ἐπιφανέστερον ἐποίησεν ἡ τῶν πόλεων φιλοτιμία. σκηνὴν μὲν γὰρ αὐτῷ κεκοσμημένην διαπρεπῶσ ἔστησαν Ἐφέσιοι, τροφὰσ δὲ ἵπποισ καὶ πλῆθοσ ἱερείων παρεῖχεν ἡ Χίων πόλισ, οἶνον δὲ Λέσβιοι καὶ τὴν ἄλλην ὑποδοχὴν ἀφειδῶσ ἑστιῶντι πολλούσ. οὐ μὴν ἀλλὰ καὶ διαβολή τισ ἢ κακοήθεια γενομένη περὶ τὴν φιλοτιμίαν ἐκείνην πλείονα λόγον παρέσχε. λέγεται γὰρ ὡσ ἦν Ἀθήνησι Διομήδησ, ἀνὴρ οὐ πονηρόσ, Ἀλκιβιάδου φίλοσ, ἐπιθυμῶν δὲ νίκην Ὀλυμπικὴν αὐτῷ γενέσθαι· καὶ πυνθανόμενοσ ἁρ́μα δημόσιον Ἀργείοισ εἶναι, τὸν Ἀλκιβιάδην εἰδὼσ ἐν Ἄργει μέγα δυνάμενον καὶ φίλουσ ἔχοντα πολλούσ, ἔπεισεν αὐτῷ πρίασθαι τὸ ἁρ́μα.

πριάμενοσ δὲ ὁ Ἀλκιβιάδησ ἴδιον ἀπεγράψατο, τὸν δὲ Διομήδη χαίρειν εἰάσε χαλεπῶσ φέροντα καὶ μαρτυρόμενον θεοὺσ καὶ ἀνθρώπουσ. φαίνεται δὲ καὶ δίκη συστᾶσα περὶ τούτου, καὶ λόγοσ Ἰσοκράτει γέγραπται περὶ τοῦ ζεύγουσ ὑπὲρ τοῦ Ἀλκιβιάδου παιδόσ, ἐν ᾧ Τισίασ ἐστίν, οὐ Διομήδησ, ὁ δικασάμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Ἀλκιβιάδης, chapter 12

(플루타르코스, Ἀλκιβιάδης, chapter 12)

상위

목록

SEARCH

MENU NAVIGATION