헬라어 문장 검색 - Πλυταρ́Αλξιβιά19́

(플루타르코스, Ἀλκιβιάδης, chapter 19)

ἐν δὲ τούτῳ δούλουσ τινὰσ καὶ μετοίκουσ προήγαγεν Ἀνδροκλῆσ ὁ δημαγωγὸσ ἄλλων τε ἀγαλμάτων περικοπὰσ καὶ μυστηρίων παρ’ οἶνον ἀπομιμήσεισ τοῦ Ἀλκιβιάδου καὶ τῶν φίλων κατηγοροῦντασ. ἔλεγον δὲ Θεόδωρον μέν τινα δρᾶν τὰ τοῦ κήρυκοσ, Πουλυτίωνα δὲ τὰ τοῦ δᾳδούχου, τὰ δὲ τοῦ ἱεροφάντου τὸν Ἀλκιβιάδην, τοὺσ δ’ ἄλλουσ ἑταίρουσ παρεῖναι καὶ μυεῖσθαι μύστασ προσαγορευομένουσ. ταῦτα γὰρ ἐν τῇ εἰσαγγελίᾳ γέγραπται Θεσσαλοῦ τοῦ Κίμωνοσ εἰσαγγείλαντοσ Ἀλκιβιάδην ἀσεβεῖν περὶ τὼ θεώ.

τραχυνομένου δὲ τοῦ δήμου καὶ πικρῶσ πρὸσ Ἀλκιβιάδην ἔχοντοσ, καὶ τοῦ Ἀνδροκλέουσ ἦν γὰρ οὗτοσ ἐχθρὸσ ἐν τοῖσ μάλιστα τοῦ Ἀλκιβιάδου παροξύνοντοσ, ἐν ἀρχῇ μὲν ἐταράχθησαν οἱ περὶ τὸν Ἀλκιβιάδην. αἰσθόμενοι δὲ τούσ τε ναύτασ, ὅσοι πλεῖν ἔμελλον εἰσ Σικελίαν, εὔνουσ ὄντασ αὐτοῖσ καὶ τὸ στρατιωτικόν, Ἀργείων δὲ καὶ Μαντινέων χιλίων ὄντων ὁπλιτῶν ἀκούοντεσ ἀναφανδὸν λεγόντων ὡσ δι’ Ἀλκιβιάδην στρατεύοιντο διαπόντιον καὶ μακρὰν στρατείαν, ἐὰν δέ τισ ἀγνωμονῇ περὶ τοῦτον, εὐθὺσ ἀποστήσεσθαι, ἀνεθάρρουν καὶ παρίσταντο τῷ καιρῷ πρὸσ τὴν ἀπολογίαν, ὥστε τοὺσ ἐχθροὺσ πάλιν ἀθυμεῖν καὶ φοβεῖσθαι μὴ περὶ τὴν κρίσιν ὁ δῆμοσ ἀμβλύτεροσ αὐτῷ γένηται διὰ τὴν χρείαν.

πρὸσ ταῦτ’ οὖν τεχνάζουσι τῶν ῥητόρων τοὺσ οὐ δοκοῦντασ ἐχθροὺσ τοῦ Ἀλκιβιάδου, μισοῦντασ δὲ αὐτὸν οὐχ ἧττον τῶν ὁμολογούντων, ἀνισταμένουσ ἐν τῷ δήμῳ λέγειν ὡσ ἄτοπόν ἐστιν αὐτοκράτορι στρατηγῷ τηλικαύτησ ἀποδεδειγμένῳ δυνάμεωσ, ἠθροισμένησ στρατιᾶσ καὶ τῶν συμμάχων, μεταξὺ κληροῦντασ δικαστήριον καὶ ὕδωρ διαμετροῦντασ ἀπολλύναι τὸν καιρόν·

"ἀλλὰ νῦν μὲν ἀγαθῇ τύχῃ πλεέτω, τοῦ δὲ πολέμου διαπραχθέντοσ ἐπὶ τοῖσ αὐτοῖσ νόμοισ ἀπολογείσθω παρών. οὐκ ἐλάνθανε μὲν οὖν ἡ κακοήθεια τῆσ ἀναβολῆσ τὸν Ἀλκιβιάδην, ἀλλ’ ἔλεγε παριὼν ὡσ δεινόν ἐστιν αἰτίασ ἀπολιπόντα καθ’ ἑαυτοῦ καὶ διαβολὰσ ἐκπέμπεσθαι μετέωρον ἐπὶ τοσαύτησ δυνάμεωσ·

ἀποθανεῖν γὰρ προσήκειν μὴ λύσαντι τὰσ κατηγορίασ, λύσαντι δὲ καὶ φανέντι καθαρῷ τρέπεσθαι πρὸσ τοὺσ πολεμίουσ μὴ δεδοικότι τοὺσ συκοφάντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Ἀλκιβιάδης, chapter 19

(플루타르코스, Ἀλκιβιάδης, chapter 19)

상위

목록

SEARCH

MENU NAVIGATION