헬라어 문장 검색 - Πλυταρ́Αλξιβιά28́

(플루타르코스, Ἀλκιβιάδης, chapter 28)

τριάκοντα δ’ ἡμερῶν διαγενομένων ὁ Ἀλκιβιάδησ ἵππου ποθὲν εὐπορήσασ καὶ ἀποδρὰσ τοὺσ φύλακασ εἰσ Κλαζομενὰσ διέφυγε. καὶ τὸν μὲν Τισαφέρνην προσδιέβαλλεν ὡσ ὑπ’ ἐκείνου μεθειμένοσ, αὐτὸσ δὲ πλεύσασ εἰσ τὸ στρατόπεδον τῶν Ἀθηναίων καὶ πυθόμενοσ Μίνδαρον ὁμοῦ καὶ Φαρνάβαζον ἐν Κυζίκῳ γεγονέναι, τοὺσ μὲν στρατιώτασ παρώρμησεν, ὡσ ἀνάγκην οὖσαν αὐτοῖσ καὶ ναυμαχεῖν καὶ πεζομαχεῖν καὶ νὴ Δία τειχομαχεῖν πρὸσ τοὺσ πολεμίουσ· χρήματα γὰρ οὐκ εἶναι μὴ πάντη κρατοῦσι·

πληρώσασ δὲ τὰσ ναῦσ καὶ κατάρασ εἰσ Προικόννησον ἐκέλευσεν ἐντὸσ περιβάλλειν τὰ λεπτὰ πλοῖα καὶ παραφυλάσσειν, ὅπωσ μηδεμία τοῖσ πολεμίοισ ἐπιπλέοντοσ αὐτοῦ γένοιτο μηδαμόθεν προαίσθησισ. ἔτυχε δὲ καὶ πολὺν ὄμβρον ἐξαίφνησ ἐπιπεσόντα καὶ βροντὰσ καὶ ζόφον συνεργῆσαι καὶ συνεπικρύψαι τὴν παρασκευήν.

οὐ γὰρ μόνον τοὺσ πολεμίουσ ἔλαθεν, ἀλλὰ καὶ τοὺσ Ἀθηναίουσ ἀπεγνωκότασ ἤδη ἐμβῆναι κελεύσασ ἀνήχθη. καὶ μετὰ μικρὸν ὅ τε ζόφοσ διελύθη καὶ κατώφθησαν αἱ τῶν Πελοποννησίων νῆεσ αἰωρούμεναι πρὸ τοῦ λιμένοσ τῶν Κυζικηνῶν. δείσασ οὖν ὁ Ἀλκιβιάδησ μὴ διὰ τὸ πλῆθοσ αὐτὸν προϊδόντεσ εἰσ τὴν γῆν καταφύγωσι, τοὺσ μὲν στρατηγοὺσ ἐκέλευσεν ἡσυχῇ πλέοντασ ὑπολείπεσθαι, αὐτὸσ δὲ τετταράκοντα ναῦσ ἔχων ἐφαίνετο καὶ προὐκαλεῖτο τοὺσ πολεμίουσ.

ἐπεὶ δ’ ἐξηπάτηντο καὶ καταφρονήσαντεσ ὡσ ἐπὶ τοσαύτασ ἀντεξήλασαν, αὐτοὶ μὲν εὐθὺσ ἐξήπτοντο καὶ συνεπλέκοντο, τῶν δ’ ἄλλων ἤδη μαχομένοισ ἐπιφερομένων ἐκπλαγέντεσ ἔφευγον. ὁ δ’ Ἀλκιβιάδησ εἴκοσι ταῖσ ἀρίσταισ διεκπλεύσασ καὶ προσβαλὼν τῇ γῇ καὶ ἀποβάσ, ἐνέκειτο τοῖσ φεύγουσιν ἐκ τῶν νεῶν καὶ πολλοὺσ ἔφθειρε·

Μινδάρου δὲ καὶ Φαρναβάζου προσβοηθούντων κρατήσασ, τὸν μὲν Μίνδαρον ἀνεῖλεν ἐρρωμένωσ ἀγωνιζόμενον, ὁ δὲ Φαρνάβαζοσ ἔφυγε. πολλῶν δὲ καὶ νεκρῶν καὶ ὅπλων κρατήσαντεσ τάσ τε ναῦσ ἁπάσασ ἔλαβον, χειρωσάμενοι δὲ καὶ Κύζικον, ἐκλιπόντοσ τοῦ Φαρναβάζου καὶ τῶν Πελοποννησίων διαφθαρέντων, οὐ μόνον τὸν Ἑλλήσποντον εἶχον βεβαίωσ, ἀλλὰ καὶ τῆσ ἄλλησ θαλάττησ ἐξήλασαν κατὰ κράτοσ τοὺσ Λακεδαιμονίουσ.

ἑάλω δὲ καὶ γράμματα λακωνικῶσ φράζοντα τοῖσ Ἐφόροισ τὴν γεγενημένην ἀτυχίαν· "ἔρρει τὰ κᾶλα· "Μίνδαροσ ἀπεσσούα· "πεινῶντι τὦνδρεσ· "ἀπορίομεσ τί χρὴ δρᾶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 28

(플루타르코스, Ἀλκιβιάδης, chapter 28)

상위

목록

SEARCH

MENU NAVIGATION